• ՈւՂԻՂ․ Հայաստանի պետական սիմֆոնիկ նվագախումբը` Շանհայի Չենշան երաժշտական փառատոնին

  ՀՀ կրթության, գիտության, մշակույթի և սպորտի նախարարության աջակցությամբ Հայաստանի պետական սիմֆոնիկ նվագախումբը հանդես կգա Չինաստանում կայանալիք համերգներով...

• «Հարրի Փոթերը և Փիլիսոփայական քարը» ֆիլմն առաջին անգամ Երևանում կցուցադրվի Հայաստանի պետական սիմֆոնիկ նվագախմբի կենդանի կատարման ուղեկցությամբ

  Հունիսի 3-ին՝ Կարեն Դեմիրճյանի անվան մարզահամերգային համալիրում կկայանա «Հարրի Փոթերը և Փիլիսոփայական քարը» ֆիլմի ցուցադրությունը, բայց՝ յուրահատուկ ձևաչափով...

• Հայաստանի պետական սիմֆոնիկ նվագախումբը նշեց 20-ամյակը՝ աշխարհահռչակ դաշնակահար Լանգ Լանգի մասնակցությամբ

  Եթե հարցնեիք՝ պատկերացնո՞ւմ էի, որ կունենանք մեր հնչողությունը, կասեի՝ ոչ. դիրիժոր Սերգեյ Սմբատյան...

• Հենրիխ Մխիթարյանի շնորհավորական ուղերձը Հայաստանի պետական սիմֆոնիկ նվագախմբի 20-ամյակի առթիվ

  Հայաստանի պետական սիմֆոնիկ նվագախումբը շարունակում է շնորհավորանքներ ստանալ իր 20-ամյակի առթիվ՝ ոչ միայն մշակութային հայտնի ներկայացուցիրներից, այլև անվանի մարզիիկներից...

• Հայկական ոգին, ուժն ու հաղթանակի խորհրդանիշը՝ «Յարխուշտա»-ն, այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմն

  Հայկական մշակույթի և սպորտի միավորումը ստանում է նոր, հնչեղ արտահայտություն․ Հայաստանի պետական սիմֆոնիկ նվագախմբի կատարմամբ «Յարխուշտա»-ն այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմնը...

• Աշխարհահռչակ Լանգ Լանգը Հայաստանի պետական սիմֆոնիկ նվագախմբի հոբելյանական համերգի հատուկ հյուրն է․ էլ ի՞նչ անակնկակներ են սպասվում

  Ապրիլի 14-ին Հայաստանի պետական սիմֆոնիկ նվագախումբը Կարեն Դեմիրճյանի անվան մարզահամերգային համալիրի մեծ դահլիճում հանդես կգա տոնական մեծ համերգով, որը նվիրված է նվագախմբի հիմնադրման 20-ամյակին…

• «Մենք կարող ենք ավելին». Սերգեյ Սմբատյանը վերանշանակվել է որպես Հայաստանում ՅՈՒՆԻՍԵՖ-ի ազգային դեսպան

  2023 թվականին Հայաստանում ՅՈՒՆԻՍԵՖ-ի ազգային դեսպան նշանակված մաեստրո Սերգեյ Սմբատյանը շարունակում է այս առաքելությունն այսօր՝ երաժշտությունը, կրթությունը և երեխաների հետ աշխատանքը կապելով մեկ պատասխանատվության ոլորտում․․․

• Արամ Խաչատրյանի անվան միջազգային փառատոնի մեկնարկին Ջանլուկա Մարչիանոն շեշտում է․ «Սա մի վայր է, որտեղ միշտ հաճելի է վերադառնալ»

  Արամ Խաչատրյանի անվան միջազգային փառատոնը արդեն 13 տարի շարունակ հանդիսանում է հայկական դասական մշակույթի ամենավառ խորհրդանիշներից մեկը...

Հայաստանի պետական սիմֆոնիկ նվագախումբը հուլիսի 1-ին և 2-ին բոլորին հրավիրում է յուրատեսակ սիմֆոնիկ ճամփորդության։ Մեկ երեկոյի ընթացքում նվագախմբի կատարմամբ կհնչեն դասական երաժշտության ամենահայտնի գլուխգործոցները՝ Չայկովսկու «Կարապի լճից» ու Բիզեի «Կարմենից» մինչև Բրամսի «Հունգարական պար» և Պրոկոֆևի «Մոնտեկներն ու Կապուլետները»։ Համերգը կղեկավարի Սերգեյ Սմբատյանը։ Այս ձևաչափի առանձնահատկության մասին զրուցել ենք Հայաստանի պետական սիմֆոնիկ նվագախմբի տնօրեն Սարգիս Բալբաբյանի հետ։  

«Սիմֆոնիկ ճամփորդություն» խորագրով համերգն անցկացվում է արդեն 3-րդ անգամ․ ինչո՞վ է առանձնանում այս ձևաչափը։

«Սիմֆոնիկ ճամփորդություն» համերգը մենք իրականացնում ենք մեր այն ունկնդիրների համար, ովքեր սիրում են դասական հայտնի ստեղծագործությունները, դասական երաժշտության գլուխգործոցները, և շատ հետաքրքիր կլինի այդ բոլոր ստեղծագործությունները տեսնել մեկ բեմում։ Մենք մեծ հաջողությամբ իրականացրինք այն առաջին անգամ նախորդ տարի,  և շատ ուրախ եմ, որ, հաշվի առնելով արձագանքները, մենք կարողանում ենք կրկնել ծրագիրը։ Բայց պետք է նշեմ, որ այս անգամ ամբողջությամբ նոր ծրագիր է, նոր կոմպոզիտորներ, նոր ստեղծագործություններ, և մեր ունկնդրին, իսկապես, շատ հետաքրքիր սիմֆոնիկ ճամփորդություն է սպասվում։ 

Ո՞ր կոմպոզիտորներն են այս անգամ ներառված ծրագրում, և ի՞նչ հայտնի գործեր են հնչելու։ 

Ընտրվել են այն ստեղծագործությունները, որոնք, ըստ մեր հարցումների, ամենաշատն են սիրում մեր երիտասարդ ունկնդիրները։ Եվ շատ ուրախ եմ, որ կարողացանք այս բոլոր ստեղծագործությունները մեկտեղել մեկ ծրագրում՝ սկսած Մոցարտից, Չայկովսկուց մինչև այնպիսի ստեղծագործություններ, որոնք գուցե բոլորս ճանաչում ենք, բայց այդ ստեղծագործությունների անունները դժվար կարողանանք հիշել, թեև միանշանակ հիշում ենք մեղեդին։ Եվ այս խոսք-համերգ ձևաչափում մենք ներկայացնում ենք հենց այդ ստեղծագործությունների մասին հետաքրքիր փաստեր, որը շատ հետաքրքիր կլինի բոլոր տարիքի մեր ունկնդիրների համար։ 

Համերգը, փաստորեն, նախատեսված է թե դասական երաժշտության սիրահարների համար, թե մարդկանց համար, ովքեր առաջին անգամ կարող են բացահայտել այս աշխարհը։ Ի՞նչ արձագանքներ կան նախորդ համերգներից։

Այո, մենք հրաշալի արձագանքներ ունենք նախորդ համերգներից, որոնք sold-outէին, ինչն էլ հենց նշանակում է, որ իսկապես դասական երաժշտությունը գնալով ավելի հանրամատչելի է դառնում մեր երկրում, ավելի շատ երիտասարդներ և ոչ միայն սկսում են հաճախել դասական երաժշտության համերգներին, որը մեր նվագախմբի առաքելություններից մեկն է՝ երիտասարդացնել և տարածել դասական երաժշտությունը շատ ունկնդիրների շրջանում։ Մենք բազմաթիվ նամակներ ենք ստանում մեր ունկնդիրներից, ովքեր ցանկանում են մեր նվագախմբի կատարմամբ լսել այս կամ այն ստեղծագործությունը. դա կլինի Պրոկոֆևի «Ռոմեո և Ջուլիետ»-ը, Պիետրո Մասկանիի «Ինտերմեցցո»-ն կամ Մոցարտի Դաշնամուրի 21 կոնցերտը։ Եվ շատ ուրախ եմ, որ այս բոլոր ստեղծագործությունները համատեղել ենք մեկ համերգային ծրագրում։ Այնպես որ բոլորին սիրով սպասում ենք հուլիսի 1-ին և 2-ին «Արամ Խաչատրյան» համերգասրահում։

Հետևեք NEWS.am STYLE-ին Facebook-ում, Twitter-ում և Instagram-ում