• Ֆիլիպինների անտառներում ծաղկել է մոլորակի ամենաառեղծվածային բույսերից մեկը

  Ֆիլիպինների խիտ անտառներում գրանցվել է եզակի բուսաբանական իրադարձություն...

• Սալադինի և Քրիստոսի ծաղիկը. Կարո՞ղ է լեգենդար դամասկոսյան վարդը գոյատևել գլոբալ տաքացմանը

  Դամասկոսյան վարդը (Rosa damascena) հաջողությամբ դիմացել է կայսրությունների անկմանը, խաչակրաց արշավանքներին և ավերիչ քաղաքացիական պատերազմին․․․

• Ուելսի արքայադստեր պատվին վարդ են անվանակոչել

  Վարդը անվանակոչվել է Ուելսի արքայադստեր անունով՝ բնության բուժիչ ուժը ընդգծելու համար, հաղորդում է BBC-ն…

• Ծաղիկներ տան եւ ոչ միայն. Ֆուքսիաներ՝ հեքիաթ ձեր այգում

  Ֆուքսիաները հիանալի տեսարան են ստեղծում այգում․․․

• Ծաղիկներ տան, եւ ոչ միայն տան համար. ռոմանտիկ եւ ոչ քմահաճ վեյգելան կզարդարի ձեր այգին

  Քիչ դեկորատիվ բույսեր կարող են համեմատվել վեյգելայի բնավորության եւ գեղեցկության հետ․․․

• Զատկի ծաղիկները եւ դրանց խորհուրդը

  Ոչինչ չի զարդարում տունն այնպես, ինչպես ծաղիկները: Հատկապես գարնանը եւ հատկապես Սուրբ Զատիկին․․․

• Ֆլորիստը ստեղծել է աշխարհում ամենաթանկ ծաղկեփունջը՝ 1 մլն դոլար արժողությամբ

  Ֆլորիստ Խալիլով Յուսիֆը հայտնի է նրանով, որ ստեղծում է հոգիդ պարուրող ծաղկեփնջեր։ Նա ծաղկեփնջեր ստեղծելու արվեստը բարձրացրել է անգերազանցելի ճոխության մակարդակի։ Նրա վերջին գլուխգործոցը 1 մլն դոլար արժողությամբ ծաղկեփունջն է, որը շատերն անվանում են աշխարհի ամենաթանկ ծաղկային կոմպոզիցիան...

• Ինչպես թարմ պահել ծաղկեփունջը

  Սիրելի մարդու կողմից ստացված մեկ վարդն անգամ թանկ է մեզ համար, բայց, ցավոք, ծաղիկները հավերժ չեն, եւ մի քանի օրից թոշնում են...

Մի քանի օր է մնացել մայրության եւ գեղեցկության տոնին:

Հայստանում կանանց տոնը նշում են երկու անգամ՝ մարտի 8-ին եւ ապրիլի 7-ին: Արդեն ավանդույթ դարձած կանաց միամսյակի ընթացում հայ տղամարդիկ իրենց սիրելիներին, մայրերին եւ քույրերին անակնկալներ են պատրաստում. ոմանք արտասովոր, ոմանք էլ համեստ նվերներ են ընտրում:

Տոնը պատկերացնել առանց ծաղիկների գրեթե անհնար է: Գարնանային այս գեղեցիկ տոնին անկախ ամեն ինչից, թե ինչ նվեր են պատրաստել տղամարդիկ, պետք է այն մատուցել գեղեցիկ ծաղկեփունջի հետ միասին:

NEWS.am STYLE-ը երիտասարդ տղաների շրջանում հարցում է անցկացրել, թե ի՞նչ ծաղիկ են սիրում նվիրել իրենց սիրելիներին, մայրերին եւ քույրերին: Իհարկե, հնչեցին ծաղիկների տարբեր անուններ, բայց ամենագերակշռողը վարդն էր:

Մեր իրականությունում կան երփներանք վարդեր: Շատերը  իրենց սիրած գույնի վարդն են նվիրում, առանց իմանալու՝ ինչ է այն խորհրդանշում:

Դե ինչ, NEWS.am STYLE-ը իր ընթերցողներին ծանոթացնում է, թե որ գույն, ինչ է նշանակում:

Ալ կարմիր վարդեր

Սիրո եւ կրքի խորհրդանիշն են, բացի դրանից դրանք կարող են արտահայտել հարգանք եւ հաստատկամություն դիմացինի հանդեպ: Երբ դիմացինին նվիրում են մուգ կարմիր վարդեր, նշանակում է ուզում են ընդգծել այն հմայքը, կրքոտությունը, գեղեցկությունը, որը կա դիմացինի մեջ, բայց որի մասին վերջինս չի էլ պատկերացնում:  Վարդի այս տեսակը կարելի է նվիրել 23-35 տարեկան կանանց:

Սպիտակ վարդեր

Դրանք խորհրդանշում են մաքրություն, անկեղծություն ու պարզություն: Այն ստեղծված է ընդգծելու դիմացինի ոչ երկրային գեղեցկությունը, կատարելությունը: Անկեղծ, անպիղծ, ոչ մարմնական ու հոգևոր սիրո խորհրդանիշ է:  Վարդի այս տեսակը ընդուված է նվիրել նոր մայրացած կանանց, ընկերուհիներին եւ երեխաներին:

Դեղին վարդեր

Եթե ձեր ընտրյալը նվիրում է ձեզ դեղին վարդեր, ապա իմացեք, որ նա հոգ է տանում ձեր մասին: Ոմանք կարծում են, որ դեղին վարդերը խորհրդանշում են ատելություն, դավաճանություն եւ բաժանում, բայց իրականում այդպես չէ: Վարդի այս գույնը պարզապես խորհրդանշում է հավերժություն եւ ընկերություն: Եթե այս վարդերը նվիրում են երկար տարիներ ամուսնացած մարդիկ, ապա դա ընտանեկան ջերմության, ներդաշնակության նշան է:

Վարդագույն վարդեր

Վարդագույն վարդերը եղել են, կան ու կմնան սիրո խորհրդանիշ: Այս ծաղիկը ցանկությունից այրվող կրքի ու անհագ ցանկության խորհուրդ ունի: Վարդագույն վարդերը հիմնականում նվիրում են 15-25 տարեկան աղջիկներին:

Կապույտ վարդ

Կապույտ վարդեր ինքնին խորհրդավոր են: Եթե ձեզ նվիրել են կապույտ գույնի վարդեր, դա նշանակում է, որ թե՛ նվիրողը եւ թե՛ ստացողը առեղծվածային մարդիկ են, ոչ սովորական եւ հանելուկային: Սակայն կապույտ վարդը նաեւ բաժանման խորհուրդ ունի:

Պատրաստեց Մ.Մ.

Հետևեք NEWS.am STYLE-ին Facebook-ում, Twitter-ում և Instagram-ում