• Ռիհաննան Ֆրենսիս Քյուրքջյանի հետ Dior-ի համատեղ տեսանյութում փայլել է հայկական Yeprem ապրանքանիշի զարդերով

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացրել են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Հայաստան է գալիս աշխարհահռչակ TOM FORD բրենդը

  Երկարատև բանակցություններից հետո Հայաստան է գալիս աշխարհահռչակ TOM FORD բրենդը…

• Հայկական TERESS բրենդը ներկայացրեց իր աշուն-ձմեռ 26-27 հավաքածուն՝ հյուրերին հրավիրելով ինքնատիպ «դեգուստացիայի» (VIDEO)

  Հայկական TERESS բրենդը հետաքրքիր կերպով ներկայացրեց իր նոր՝ աշուն-ձմեռ 26-27 հավաքածուն...

• Գեղեցիկ և ֆունկցիոնալ տուն․ ինչպե՞ս համադրել տեխնիկան և ինտերիերը

  Ժամանակակից տունն այսօր միայն հարմարավետ կահույքի և գունային լուծումների համադրությունը չէ...

• «Կոկա-Կոլա ՀԲՔ Արմենիա» ՓԲԸ-ն նշեց իր գործունեության 30-ամյա հոբելյանը Հայաստանում

  «Կոկա-Կոլա ՀԲՔ Արմենիա» ՓԲԸ-ն սեպտեմբերի 24-ին կայացած հոբելյանական միջոցառմամբ նշեց Հայաստանում իր գործունեության 30-ամյակը՝ վերահաստատելով երկրում իր երկարաժամկետ հանձնառությունը և շարունակական ներդրումներն՝ ուղղված տնտեսական աճին, աշխատատեղերի ստեղծմանը, մատակարարների աջակցմանն ու համայնքների զարգացմանը...

• «Hahaha LA». Երբ մանկական հագուստը դառնում է մշակութային կամուրջ

  Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ…

• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

Պատմական իրադարձություն հայկական գաստրոնոմիայի համար. Ծաղկունք  Ռեստորան և Գլխատունը դարձել է առաջին ռեստորանը Հայաստանից, որ ընդգրկվել է «The World’s 50 Best Discovery» հարթակում՝  միջազգային ուշադրություն հրավիրելով երկրի զարգացող խոհարարական արվեստին։ 

Որպես հեղինակավոր «The World’s 50 Best» հարթակի մաս՝ «The World’s 50 Best Discovery»-ն համաշխարհային ուղեցույց է, որ ներկայացնում է ոլորտի միջազգային փորձագետների կողմից ընտրված լավագույն ռեստորանները, բարերն ու հյուրանոցները: Այն բացահայտում է բացառիկ գաստրոնոմիական անկյուններ՝ օգնելով ճանապարհորդներին և խոհարարական ոլորտի մասնագետներին գտնել այնպիսի վայրեր, որոնք մարմնավորում են կատարելություն, ստեղծարարություն և տեղանքի ինքնություն: 

Ծաղկունքի Ռեստորան և Գլխատան ներառումն այս ցանկում զգալի ձեռքբերում է հայկական խոհանոցի համար: Մինչ այս ճանաչումը, ռեստորանն արդեն իսկ ընդգրկվել էր աշխարհի առաջատար ռեստորանային ուղեցույցներից մեկում՝ «La Liste»-ում, ինչպես նաև արժանացել էր այնպիսի միջազգային հեղինակավոր լրատվամիջոցների ուշադրությանը, ինչպիսիք են Forbes-ը, The Guardian-ը, National Geographic-ը, Vogue-ը և համաշխարհային այլ պարբերականներ: Այս նոր նվաճումն էլ ավելի է ամրապնդում Ծաղկունք Ռեստորան և Գլխատան դիրքերը՝ որպես համաշխարհային հարթակում ժամանակակից հայկական խոհանոցը ներկայացնող առաջատարներից մեկի:  

Հիմնադրվելով 2021 թվականին «ԴԱՐ» հիմնադրամի «Գագարին նախագծի» շրջանակներում՝ Ծաղկունք Ռեստորան և Գլխատունը գտնվում է Ծաղկունք գյուղում՝ Սևանա լճից մոտ 10 րոպեի, իսկ Երևանից՝ մոտ մեկ ժամվա հեռավորության վրա: Ռեստորանը ստեղծվել է ժամանակակից հայկական խոհարարական ինքնությունը զարգացնելու, ինչպես նաև բացառապես տեղական մթերքների , արտադրողների և համայնքների միջև կապերն ամրապնդելու նպատակով:  

Բացման օրվանից Ծաղկունքն ակտիվ դերակատարում է ունեցել Հայաստանի գաստրոնոմիական կյանքի զարգացման գործում՝ համագործակցելով միջազգային ճանաչում ունեցող խոհարարների հետ: Նշանավոր էր համագործակցությունը Կոպենհագենի հանրահայտ «Noma» ռեստորանի համահիմնադիր Մադս Ռեֆսլունդի հետ, ով 2021 թվականին գրեթե մեկ ամիս անցկացրեց «Ծաղկունք»-ում՝ ուսումնասիրելով հայկական բաղադրիչները, խոհարարական ավանդույթներն ու տեղական ֆերմերներին, ինչպես նաև կազմակերպեց հատուկ ընթրիքների շարք:

«Ծաղկունքը» շարունակում է նոր համատեղ նախագծեր իրականացնել հայ և միջազգային շեֆ-խոհարարների հետ՝ բացահայտելով ժամանակակից հայկական խոհանոցի նոր արտահայտչամիջոցները: Այս միջազգային փորձի փոխանակումները նոր հեռանկարներ են բացել հայկական խոհանոցի համար, ոգեշնչել տեղի խոհարարներին և նպաստել Հայաստանում ավելի դինամիկ գաստրոնոմիական մշակույթի ձևավորմանը:

Ռեստորանի սիրտը Գլխատունն է՝ 11-րդ դարով թվագրվող պատմական շինություն, որը վերականգնվել է «ԴԱՐ» հիմնադրամի կողմից: Վերականգնման ընթացքում հայտնաբերվել և պահպանվել են ճարտարապետական հնագույն տարրեր և գետնափոր կավե թոնիրներ: Այսօր այդ տարրերը հյուրերի սպասարկման անբաժանելի մասն են, ներառյալ՝ հայկական ավանդական լավաշի թխումը:

«Ծաղկունք»-ը սերտորեն համագործակցում է «ԱՐՏԵՐ» վերականգնողական օրգանական ֆերմայի և հայ ֆերմերների հետ՝ աջակցելով պատասխանատու գյուղատնտեսությանը և ցուցադրելով տեղական բաղադրիչների ողջ բազմազանությունը:

«Ծաղկունք»-ի գլխավոր արժեքը մարդիկ են: Ռեստորանի թիմը հիմնականում բաղկացած է տեղի բնակիչներից և տարածաշրջանի երիտասարդներից, ովքեր իրենց հմտությունները զարգացրել են հենց այս նախագծի շրջանակներում: Տեղական արտադրողների և արհեստագործների հետ միասին նրանք կազմում են «Ծաղկունք»-ի հիմքը՝ ռեստորան, որը խորապես կապված է իր համայնքին ու հողին:

Հետևեք NEWS.am STYLE-ին Facebook-ում, Twitter-ում և Instagram-ում