• Կինոբեմադրիչ Ջիվան Ավետիսյանի՝ «Վերածնվածը» ֆիլմի անդրանիկ ցուցադրությունը Լոս Անջելեսում

  Լոս Անջելեսում՝ Warner Bros. Studios.-ի Steven J. Ross կինոթատրոնում, հոկտեմբերի 3-ին կայացավ կինոբեմադրիչ Ջիվան Ավետիսյանի «Վերածնվածը» (Revival) լիամետրաժ խաղարկային ֆիլմի առաջին ցուցադրությունը․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Աղաս Մանուկյանը՝ «Բարի Գալուստի» մասին․ առաջին պրոդյուսերական փորձը, Հունաստանում նկարահանումներն ու չնկարահանվելու որոշումը

  Հոկտեմբերի 20-ից Shant TV-ի եթերում կմեկնարկի «Բարի Գալուստ» նոր սիթքոմը…

• Նոր կադրեր «Մոնթե» ֆիլմի նկարահանումից

  Նոյեմբերին մեծ էկրան կբարձրանա Genetic Production-ի կողմից նկարահանվող «Մոնթե» ֆիլմը, որը Հայաստանի և Արցախի հերոս, Արցախյան պատերազմի մասնակից Մոնթե Մելքոնյանի կյանքի մասին՝ ամբողջապես հիմնված իրական փաստերի վրա...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

Օգոստոսի 1-ին «Կինոմոսկվա»-ում տեղի ունեցավ հայկական նոր՝ «Ուրվականը մեր միջև» կատակերգության առաջին ցուցադրությունը:

Ֆիլմի ռեժիսորն ու սցենարի հեղինակը Նարեկ Ավագյանն է, որի համար սա ռեժիսորական առաջին աշխատանքն է։ Նա իր դեբյուտը բնութագրում է որպես «էքսպերիմենտալ» փորձ՝ նշելով, որ ֆիլմի ստեղծման ընթացքում զուգահեռաբար իրականացվել են նաև այլ ստեղծագործական նախագծեր, որոնց մասին առայժմ չի ցանկանում մանրամասնել։

«Ֆիլմին զուգահեռ միանգամից մի քանի պրոդուկտ ենք ստացել, ինչը բարդացնում էր ամբողջ գործընթացը։ Ֆիլմի առանցքային կերպարը ուրվականն է, և հենց դա նկարահանման ամենահետաքրքիր, բայց նաև ամենաբարդ հատվածներից էր։ Հրանտ Թոխատյանի տեսարանները նկարահանվել են առանձին՝ տաղավարից դուրս, իսկ հետո տեխնիկական լուծումների միջոցով միացվել ֆիլմին։ Թեև սա կատակերգություն է՝ լի զվարճալի իրավիճակներով, ուրվականը նաև միջոց է՝ բացահայտելու մարդկային հարաբերությունները»,- պատմում է ռեժիսորը։

Посмотреть эту публикацию в Instagram

Публикация от NEWS.am STYLE (@style.news.am)

Երբ նոր տունը գաղտնի բնակիչ ունի

«Ուրվականը մեր միջև»-ի սյուժեի կենտրոնում երիտասարդ զույգն է, որը տեղափոխվում է նոր տուն՝ լի երազանքներով և ապագայի մեծ ծրագրերով։ Սակայն ամեն ինչ փոխվում է, երբ դժբախտ պատահարից հետո աղջիկը բացահայտում է, որ իրենց տանը ուրվական է բնակվում։ Վերջինս ամեն կերպ փորձում է ազատվել նոր բնակիչներից, իսկ այդ պահից սկսվում են մեկը մյուսին հաջորդող զավեշտալի ու անսպասելի իրադարձությունները։ Իրավիճակն առավել խճճվում է, երբ նրանց հյուր են գալիս տղայի ծնողները։

Երիտասարդ զույգին մարմնավորում են Սամվել Սարգսյանն ու Սյուզի Սիրակը, ծնողների դերերում հանդես են գալիս Լևոն Հարությունյանն ու Կարինե Ծատուրյանը, իսկ խորհրդավոր ուրվականի կերպարը վստահվել է Հրանտ Թոխատյանին։

Սամվել Սարգսյանի առաջին մեծ դերը

Թեև Սամվել Սարգսյանը հանդիսատեսին արդեն հայտնի է հեռուստանախագծերից և թատերական բեմից, «Ուրվականը մեր միջև»-ը նրա առաջին գեղարվեստական ֆիլմն է։ Դերասանը խոստովանում է՝ պրեմիերայի ընթացքում շատ էր հուզվում։

«Իրականում շատ լարված էի դիտում ֆիլմը, բայց նկարահանումներից ամենաջերմ հիշողություններն ունեմ։ Մեր թիմը շատ միասնական էր, իսկ աշխատանքային մթնոլորտը՝ ջերմ։ Նկարահանումները հեշտ չէին, բայց կարծում եմ՝ արժանի արդյունքի հասանք։ Շատ եմ ուզում, որ հանդիսատեսը գա կինոթատրոն և կիսի իր կարծիքը, որովհետև դա մեզ համար ամենակարևոր գնահատականն է»,- նշում է դերասանը։

Սյուզի Սիրակի դերասանական դեբյուտը

Երգչուհի Սյուզի Սիրակի համար սա առաջին փորձն էր կինոյում։ Նա խոստովանում է, որ մինչ այս երբեք չէր մտածել դերասանուհի դառնալու մասին, սակայն առաջարկը սիրով է ընդունել։

«Երբեք մտքովս չէր անցել փորձել ինձ դերասանության մեջ, բայց ֆիլմեր շատ եմ սիրում, ու առաջարկը շատ հետաքրքիր էր։ Սա միանգամայն նոր աշխարհ էր ինձ համար։ Ընթացքը և՛ բարդ էր, և՛ հաճելի, բայց հենց այդ դժվարությունների մեջ էլ ամենամեծ հետաքրքրությունն էր»,- ասում է նա:

Թեթև հումորը, ընտանեկան հարաբերությունները, անսպասելի իրավիճակներն ու, իհարկե, Հրանտ Թոխատյանի մարմնավորած ուրվականը խոստանում են հանդիսատեսին զվարճալի կինոժամանց՝ հայկական նոր կատակերգության ձևաչափում։ Ֆիլմը PersonaJe ընկերության արտադրանքն է, գործադիր պրոդյուսերը Նարեկ Ստեփանյանն է:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում