• Լեոնարդո դա Վինչին՝ որպես խոհարարական հանճար․ ի՞նչ էր ուտում, պատրաստում և արարում մեծ նկարիչը խոհանոցում

  Պատկերացրեք Լեոնարդո դա Վինչիին ոչ թե արվեստանոցում՝ մոլբերտի առջև, այլ խոհանոցում․ վրձնի փոխարեն դանակ է, ներկապնակի փոխարեն՝ կտրատելու տախտակ։ Կողքին դրված է խոհարարական գործընթացը թեթևացնող մեխանիզմի գծագիրը, իսկ ինքը գրանցում է մթերքների արտասովոր համադրություններն ու հորինում սեփական բաղադրատոմսերը...

• Գաստրոնոմիկ տուրիզմը ժողովրդականություն է վայելում. ո՞ւր գնալ համեղ փորձառություն վայելելու համար

  Սնունդը վաղուց ի վեր եղել է ճանապարհորդական ուղղությունների վրա ազդող հիմնական գործոն․․․

• Թբիլիսիի գաղտնիքները. Ինչու՞ Հյուստոնի խոհարարները գնացին Վրաստան՝ աշխարհի լավագույն խավիարը փնտրելու

  Հյուստոնում գործող Goodnight Hospitality-ի խոհարարներ Ֆելիպե Ռիչիոն և Օսթին Ուեյթերը աշխարհի առաջատար խավիարի արտադրողներից մեկի մոտ կատարած ուղևորության ժամանակ բացահայտեցին, թե ինչն է տարբերակում լավ խավիարը իսկապես ակնառուից, գրում է Robb Report-ը․․․

• Հարյուր դոլարանոց հոթ-դոգի վերելքը. Ինչպես է պարզ փողոցային սնունդը վերածվում haute cuisine-ի

  Իր ստեղծման օրվանից հոթ-դոգը տարիներ շարունակ կրել է տարածված արագ սննդի համբավ՝ էժան, ոչ ամենաառողջարար և անպաճույճ․․․

• Մերկ և քաղցած. Հյուրերը լիովին մերկ ճաշում են Ֆլորիդայի նոր ռեստորանում  

  Հոլիվուդում գտնվող Ֆլորիդայի C.L.A.S.S. Soirée Steakhouse ռեստորանը իր հյուրերին առաջարկել է անսովոր խոհարարական փորձառություն՝ լիովին մերկ ճաշելու հնարավորություն: Այս խիզախ միջոցառումներն այժմ անցկացվում են ամեն ամսվա առաջին երկուշաբթի օրը...

• 32 դոլար արժողությամբ տապակած տավարի մսից մինչև հավի խավիար. հայտարարվել են առաջիկա US Open-ի լավագույն ուտեստները

  Արինա Սաբալենկայի և Նովակ Ջոկովիչի միջև խաղերի հետ մեկտեղ, այս տարվա ԱՄՆ բաց առաջնության մասնակիցները կվայելեն բարձրակարգ խոհանոցի իսկական խնջույք․․․

• Ամենօրյա շքեղություն. Ինչպես 6000 դոլար արժողությամբ պաղպաղակն ու արհեստական ​​հացը դարձան նոր շքեղություն

  Շքեղության հասկացությունը այլևս չի սահմանափակվում Միշլենի աստղանիշով ռեստորանների նուրբ խոհանոցով կամ վինտաժային գինիներով․․․

• Միշլինի աստղով հայտնի խոհարարին սպառնում է մեկ տարվա ազատազրկում՝ աղանդերի մեջ մրջյունների պատճառով

  Ավստրալիացի խոհարար Ջոզեֆ Լիջերվուդը, որը Netflix-ի խոհարարական «Culinary Class Wars» շոուի աստղն է, հետաքննության տակ է իր Սեուլի բարձրակարգ Evett ռեստորանում չգրանցված միջատներ օգտագործելու համար․․․

Մեզանից շատերը ձմերուկի քաղցր միջուկը վայելելուց հետո առանց երկար մտածելու կեղևը նետում են աղբամանը։ Սակայն ԱՄՆ գյուղատնտեսության նախարարությունը (USDA) ձմերուկի կեղևն ընդգրկել է սննդային տվյալների իր պաշտոնական բազայում՝ ներկայացնելով դրա օգտակար հատկությունները և առաջարկելով սննդային թափոնների քանակը նվազեցնելու նոր տարբերակ։

USDA-ի տվյալների համաձայն՝ առանց սերմերի ձմերուկի հում կեղևի մեկ երրորդ բաժակը պարունակում է․
• 10 կալորիա
• 1 գրամ սննդային մանրաթել
• 140 միլիգրամ կալիում
• 4 միլիգրամ վիտամին C

Թեև ձմերուկի կեղևը ուտելի է, մասնագետները նշում են, որ այն չի կարող փոխարինել հակաօքսիդանտներով հարուստ հյութալի միջուկին, հատկապես՝ լիկոպինին։ Այնուամենայնիվ, կեղևը կարող է օգտակար հավելում լինել սննդակարգում։

Ձմերուկի խթանման ազգային խորհրդի (NWPB) հաղորդակցության գծով ավագ տնօրեն Ստեֆանի Բարլոուի խոսքով՝ նախկինում ձմերուկի կեղևը ուսումնասիրվել է աշխարհի տարբեր գիտական հաստատությունների կողմից, սակայն երբեք՝ USDA-ի խիստ և ստանդարտացված չափանիշներով։

Այս ուսումնասիրության ֆինանսավորումն ու արտադրանքը FoodData Central բազայում ներառելու նախաձեռնությունը հենց խորհուրդն է իրականացրել։

«Սպառողների մեծ մասը պարզապես չգիտի, որ ձմերուկի կեղևը կարելի է ուտել»,- ասում է Բարլոուն։
Շուկայի ուսումնասիրության համաձայն՝ միջինում ձմերուկի մոտ 70%-ը կազմում է միջուկը, իսկ 30%-ը՝ կեղևը։ Ընդ որում, գնորդների 62%-ը կեղևն ամբողջությամբ դեն է նետում։ Քաշով դա մեկ միջին ձմերուկից մոտ 5 ֆունտ (ավելի քան 2 կգ) սննդային արժեք ունեցող մաս է, որը կարելի է օգտագործել նաև խոհարարության մեջ։

Նյու Յորքի համալսարանի սննդաբան Լիզա Յանգը ընդգծում է․ «Ձմերուկի կեղևը չի կարելի սուպերֆուդ համարել, սակայն այն օգտագործելը պարզ միջոց է՝ մի փոքր ավելի շատ սննդանյութեր ստանալու և սննդային թափոնները նվազեցնելու համար։ Կեղևն ավելի կոշտ է և պակաս քաղցր, այդ պատճառով պատրաստման եղանակը կարևոր է։ Եվ, իհարկե, մի մոռացեք ձմերուկը կտրելուց առաջ այն մանրակրկիտ լվանալ»։

Ինչպե՞ս պատրաստել ձմերուկի կեղևը

Ձմերուկի կեղևի նկատմամբ հետաքրքրությունը տարեցտարի աճում է՝ մեծապես շնորհիվ TikTok-ի և YouTube-ի խոհարարական բլոգերների, որոնք տարածում են աշխարհի տարբեր երկրների բաղադրատոմսեր։
NWPB-ի մասնագետների խոսքով՝ ձմերուկի կեղևը կարելի է օգտագործել ամենատարբեր եղանակներով։

1. Սմուզիների մեջ․ Կեղևը փորձելու ամենաարագ տարբերակն այն է, որ պարզապես ավելացնեք այն բլենդերի մեջ՝ մյուս բաղադրիչների հետ։

2. Աղցանների մեջ․ Կեղևը կարելի է քերիչով անցկացնել և համեմել քացախով, շաքարով, աղով ու բուսական յուղով։ Ընդ որում՝ կարելի է նույնիսկ չհեռացնել կեղևի արտաքին կանաչ հատվածը։

3. Մարինացում և թխում․ Ձմերուկի կեղևը հարմար է մարինացնելու համար։ Պատրաստված կեղևը փակ ապակե տարայի մեջ՝ սառնարանում, կարելի է պահել մինչև երկու շաբաթ։ Այն կարելի է նաև օգտագործել ասիական ոճի տաք ուտեստների և թխվածքների պատրաստման համար։

Պատրաստելուց առաջ մասնագետները խորհուրդ են տալիս․

• Ձմերուկն ամբողջությամբ լավ լվանալ սառը հոսող ջրի տակ։ Կոշտ սպունգների կամ մաքրող միջոցների օգտագործման կարիք չկա։

• Սրբիչով չորացնել, կտրատել շերտերի կամ խորանարդիկների և առանձնացնել կեղևը՝ հետագայում ուտեստների մեջ օգտագործելու համար։

• Կտրատած ձմերուկը կամ կեղևը պահել սառնարանում՝ հերմետիկ փակվող տարայի մեջ, 3-5 օր։

Հետևեք NEWS.am STYLE-ին Facebook-ում, Twitter-ում և Instagram-ում