• Մարդկության դեմքը. Սուրենյանցի «Լքյալը» և հումանիստական արվեստը

  Վարդգես Սուրենյանցի հրաշք կտավը՝«Լքյալը», առաջին անգամ ներկայացվեց Հայաստանում, Ղազախստանի Աբիլխան Կաստեևի անվան արվեստի ազգային թանգարանի բացառիկ փոխառությամբ...

• Խաչիկը պատրաստվում է ամենաքաղցր տոնին․ Գաթայի փառատոնը 10 տարեկան է

  Սեպտեմբերի 19-ին Վայոց ձորի Խաչիկ բնակավայրը կրկին կդառնա գաթայի, ազգային երգ ու պարի, արհեստների ու գյուղական բարիքների տոնական կենտրոն…

• Քրիստոնեական սարսափ. Ամենամռայլ կրոնական տեսարանները

  Քրիստոնեությունը լույս է և Աստծո ողորմածություն, կամ այդպես է ընդունված համարել․․․

• Մոխիրը կրակմարիչի մեջ, ծնկի իջած Հիտլերը և սատկած աղավնիներ. Մաուրիցիո Կատելանը Բեռլինում բեմադրել է «Գիշեր» ներկայացումը

  Հրդեհամարիչը, թերևս, ամենաաննկատելի ցուցանմուշն է Մաուրիցիո Կատելանի նոր ցուցահանդեսում, որն անցկացվել է Բեռլինում

• Երևանում կանցկացվի «Անցյալի ապագա» միջազգային էթնո-նորաձևության փառատոնը

  «Անցյալի ապագա» միջազգային մշակութային փառատոնի հյուրերն արդեն ժամանում են Հայաստան...

• iPhone-ը՝ 1937 թվականից. Գրեթե 90 տարեկան նկարը վայրի դավադրության առասպել է ծնել

  Գրեթե իննսունամյա նկարը բուռն առցանց բանավեճ է առաջացրել և տարօրինակ դավադրության տեսության տեղիք տվել․․․

• The Guardian. Բորիս Ջոնսոնի դեմքով տղաբ. ինչո՞ւ ընդհանրապես գողանալ Ռենուարը  

  Մինչ ֆրանսիացի արվեստասերները ցնցված են Պիեռ-Օգյուստ Ռենուարի երկու նկարների գողության լուրից Կանյե-սյուր-Մերի թանգարանից, որը կրում է նրա անունը, արվեստի աշխարհի մնացած մասը շփոթված է. Իսկապե՞ս։ Ռենուա՞ր։ Բայց նա... սարսափելի է։ Դա նման է նեղ ջինսերի դարաշրջանում բաճկոններ թալանելուն...

• «ԹԷԱՏՐՈՆ» փառատոնի շրջանակում Երևանում կցուցադրվի «Ֆոլիա» ներկայացումը

  Սեպտեմբերի 14-ից 28-ը, Երևանի քաղաքապետարանի գլխավոր հովանավորությամբ, ՀՀ արտաքին գործերի նախարարության և ՀՀ էկոնոմիկայի նախարարության Զբոսաշրջության կոմիտեի աջակցությամբ, Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը․․․

Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը։ Այս տարի փառատոնը նվիրված է Հայաստանի Հանրապետության անկախության 35-ամյակին։ Ծրագրերը կիրականացվեն Երևանում, Գավառում, Մեղրիում և Արտաշատում։

Փառատոնն անցկացվում է Երևանի քաղաքապետարանի գլխավոր հովանավորությամբ։ Աջակիցներն են ՀՀ արտաքին գործերի նախարարությունը և ՀՀ էկոնոմիկայի նախարարության Զբոսաշրջության կոմիտեն։

Փառատոնի ծրագրի, միջազգային համագործակցությունների և այս տարվա առանձնահատկությունների մասին կազմակերպիչները պատմեցին Երևանում կայացած ասուլիսի ընթացքում, որին մասնակցեցին Երևանի քաղաքապետարանի մշակույթի և զբոսաշրջության վարչության պետ Գոշ Սարգսյանը, «ԹԷԱՏՐՈՆ» փառատոնի տնօրեն Սաթէ Խաչատրյանը, ֆրանսիացի աշխարհահռչակ խորեոգրաֆ Մուրադ Մերզուկին, Հայաստանում Բելգիայի դեսպան Էրիկ դը Մույնկը և Հայաստանում Ֆրանսիայի դեսպանության Համագործակցության և մշակույթի հարցերով խորհրդական, Ֆրանսիական ինստիտուտի տնօրեն Քսավյե Ռիշարը։

«ԹԷԱՏՐՈՆ»-ի տնօրեն Սաթէ Խաչատրյանի խոսքով՝ փառատոնի կարևոր ուղղություններից մեկը մշակութային ապակենտրոնացումն է։ Այդ նպատակով ծրագրերն այս տարի ևս դուրս են բերվել մայրաքաղաքի սահմաններից։

««ԹԷԱՏՐՈՆ» կատարողական արվեստների միջազգային ֆրանկոֆոն փառատոնը, իբրև ռազմավարական ուղղություն, որդեգրել է մշակութային ապակենտրոնացում՝ ինչպես անցյալ տարիներին»,- նշեց նա։

Խաչատրյանի խոսքով՝ փառատոնն ունի նաև սոցիալական բաղադրիչ։ Այս տարի ծրագրերի շրջանակում անդրադարձ է կատարվում Ալցհայմերի հիվանդությանը, որի շրջանակում կազմակերպիչները համագործակցում են նաև Առողջապահության նախարարության հետ։

«Մենք նաև կարևորում ենք մշակութային հասանելիությունը, և, ինչպես նկատեցիք, մենք միջոցառումներ ունենք նաև Երևանից դուրս»,- ասաց փառատոնի տնօրենը։

Նա ընդգծեց նաև Ֆրանսիայի հետ համագործակցությունների շարունակականությունը և նշեց, որ այս տարի ավելի ընդգրկուն է դարձել համագործակցությունը Բելգիայի հետ։

Երևանի քաղաքապետարանի մշակույթի և զբոսաշրջության վարչության պետ Գոշ Սարգսյանի խոսքով՝ վերջին տարիներին քաղաքապետարանը փոխում է մայրաքաղաքի մշակութային քարտեզը՝ խոշոր փառատոների և միջոցառումների միջոցով։

Նա ասում է՝ քաղաքապետարանի կողմից իրականացվող ծրագրերը ոչ միայն մշակութային բովանդակություն են ստեղծում Երևանի բնակիչների և զբոսաշրջիկների համար, այլև հնարավորություն են տալիս մայրաքաղաքում հյուրընկալել միջազգային հեղինակավոր խմբերի և անհատների։

Սարգսյանը նշեց, որ Երևանի քաղաքապետարանը մի քանի տարի շարունակ հանդիսանում է «ԹԷԱՏՐՈՆ» փառատոնի հովանավորը։

«Սա իր ձևաչափի մեջ ոչ միայն մշակութային, մասնագիտական հանդիպումների փառատոն է, այլև՝ հսկայական փորձի փոխանակման, որովհետև Երևանը, լինելով մշակութային առումով հարուստ մայրաքաղաք, ինքնին դառնում է փորձի փոխանակման լրջագույն ու կարևոր վայր»,- հավելեց նա։

Այս տարվա ծրագրում առանձնահատուկ տեղ ունի նաև Բելգիայի հետ համագործակցությունը։ Հայաստանում Բելգիայի դեսպան Էրիկ դը Մույնկը կարևորեց երկու երկրների միջև մշակութային կապերի զարգացումը։

Նա ընդգծեց նաև փառատոնի ապակենտրոնացման նշանակությունը՝ շեշտելով, որ կատարողական արվեստն ու պարը հասանելի են դառնում ոչ միայն Երևանի, այլև Հայաստանի տարբեր բնակավայրերի բնակիչների համար։

Հայաստանում Ֆրանսիայի դեսպանության Համագործակցության և մշակույթի հարցերով խորհրդական, Ֆրանսիական ինստիտուտի տնօրեն Քսավյե Ռիշարի խոսքով՝ փառատոնի առաջին տարում ֆրանսիական կողմը հիմնականում ոգևոևող աջակցություն է ցուցաբերել, սակայն դրա հաջողությունը հիմք է դարձել հետագա համագործակցության ընդլայնման համար։

«Ավելի ուշ մենք հասկացանք, որ փառատոնն իր ուրույն տեղն է գտել Երևանի մշակութային կյանքում և այս անգամ մենք որոշեցինք ավելի ներառված լինել ծրագրերի ֆինանսավորման մեջ»,- ասաց Ռիշարը։

Փառատոնի պաշտոնական բացումը կկայանա ֆրանսիացի աշխարհահռչակ խորեոգրաֆ Մուրադ Մերզուկիի «Ֆոլիա» ներկայացմամբ։ Այն Երևանի Գ․ Սունդուկյանի անվան ազգային ակադեմիական թատրոնում կցուցադրվի սեպտեմբերի 22-ին և 23-ին՝ ժամը 19։30-ին։

«Ֆոլիան» հիփ-հոփ պարի և բարոկկո երաժշտության համադրություն է։ «Լը Կոնսեր դը լ’Օտել Դյո» համույթի երաժիշտների հետ պարողները բեմում միավորում են իտալական տարանտելաների և ֆոլիաների ժողովրդական ռիթմերը՝ դրանք համադրելով էլեկտրոնային հնչյունների հետ։

Ներկայացման մեջ տարբեր ժամանակաշրջանների և գեղարվեստական լեզուների միջև ստեղծվում է երկխոսություն․ հիփ-հոփը միավորվում է ժամանակակից և դասական պարային լեզուների, ինչպես նաև պտտվող դերվիշների շարժումների հետ։ Երաժիշտներն ու սոպրանոն ևս հանդես են գալիս որպես բեմական գործողության լիարժեք մասնակիցներ։

Մուրադ Մերզուկին հայ հանդիսատեսին հայտնի է Փարաջանովի 100-ամյակին նվիրված հայ-ֆրանսիական «Նռան գույնը» պարային ներկայացմամբ, «Քոչար 360» պերֆորմանսով, ինչպես նաև «Պիկսել» ներկայացմամբ, որը Երևանում ցուցադրվել էր նախորդ տարի «ԹԷԱՏՐՈՆ» փառատոնի շրջանակում։

Այսպիսով, «ԹԷԱՏՐՈՆ»-ի այս տարվա ծրագիրը համադրում է միջազգային կատարողական արվեստը, մշակութային համագործակցությունը և ապակենտրոնացման գաղափարը՝ փառատոնի ծրագրերը հասանելի դարձնելով նաև Երևանից դուրս։ Հայաստանի անկախության 35-ամյակին նվիրված միջոցառումների շրջանակում սեպտեմբերի 14–28-ը Երևանը, Գավառը, Մեղրին և Արտաշատը կհյուրընկալեն ֆրանկոֆոն կատարողական արվեստի տարբեր ձևաչափեր։

Հետևեք NEWS.am STYLE-ին Facebook-ում, Twitter-ում և Instagram-ում