• «Սեքս խղճահարությունից դրդված». ցնցող ուսումնասիրությունը բացահայտում է, թե ինչու են կանայք քնում տղամարդկանց հետ, նույնիսկ երբ չեն ուզում

  Հետազոտողները պարզել են, որ կանայք, ովքեր ընդհանրապես սեռական ցանկություն չեն զգում, կարող են ամսական երկու-երեք անգամ սեռական հարաբերություն ունենալ՝ իրենց հարաբերությունները պահպանելու և զուգընկերոջից բաժանվելը կանխելու համար: Երբեմն մտերմությունը ընդհանրապես կրքի մասին չէ․․․

• Երկարատև սիրո գաղտնիքը անկողնում է. գիտնականները ապացուցել են սեռական վստահության և երջանկության միջև կապը

  Իտալիայում վերջերս անցկացված առցանց ուսումնասիրությունը ցույց է տվել, որ սեռական առումով ինքնավստահ և ինքնաբավ մարդիկ հակված են ավելի մեծ բավարարվածություն զգալ իրենց սիրային հարաբերություններում․․․

• Տղամարդիկ և կանայք թշնամիներ չեն. Ինչու է ինտերնետը մեզ պարտադրում սեռերի պատերազմ

  Հարաբերությունների դադարեցումը, միայնության համաճարակը և փոխադարձ դժգոհության պաշտամունքը գրավել են թվային տարածքը․․․

• 5 պատճառ, թե ինչու են կանայք դավաճանում

  Երկար ժամանակ կանանց անհավատարմության դրդապատճառները մնում էին բանավեճի առարկա և շատ ավելի քիչ էին ուսումնասիրվում, քան տղամարդկանցը․․․

• Կանադուհին տղամարդկանց փոխանակել է արհեստական ​​ինտելեկտով ստեղծված ընկերոջ հետ. «Սեքսը ռոբոտի հետ ավելի լավ է, քան ցանկացած իրական տղամարդու հետ»

  41-ամյա կանադացի Սառա Գրիֆինը սեր է գտել արհեստական ​​բանականության տեսքով․․․

• Շաբաթական 3.5 անգամ. Գիտնականները հաշվարկել են սիրահար զույգերի համար սեքսի նորման

  Թվում է տրամաբանական. որքան ուժեղ է սերը, այնքան շատ է սեքսը։ Սակայն գիտությունը պնդում է, որ իրականում ամեն ինչ բոլորովին այլ կերպ է գործում․․․

• Ընտանեկան սիրավեպ. ամերիկուհին քնել է իր դստեր փեսացուի հետ և պնդում է, որ ամուսինը հիացած է

  Ամանդա անունով 55-ամյա ամերիկուհին հայտնվել է սկանդալի կենտրոնում՝ բացահայտորեն խոստովանելով, որ հարաբերություններ ունի սեփական դստեր փեսացուի հետ․․․

• TikTok-ն ընդդեմ ամուսնության. Ինչպես է տղամարդկանց ատելու միտումը կանանց թողնում «կոտրված տաշտակի մոտ»

  TikTok-ի վիրուսային միտումները և ֆեմինիստական ​​գրականությունը կանանց սովորեցնում են տղամարդկանց թշնամիներ համարել…

Հայ ֆեմինիստուհի. այս արտահայտությունն արդեն իսկ ականջ է ծակում: Այն անհեթեթ ու նույնիսկ ծիծաղելի է թվում: Միջին վիճակագրական հայ տղամարդու պատկերացումներում ոչ մի կերպ չի տեղավորվում ֆեմինիզմ եւ հայուհի հասկացությունը:

Մեղավոր եմ, զղջում եմ: Ինձ մոտ, ինչպես եւ շատ տղամարդկանց, «ֆեմինիստուհի» բառը լսելիս երեւակայությունս ագրեսիվ, սեռական առումով չբավարարված, կասկածելի արտաքինով, տղամարդուն ատող պարկեր է ստեղծում,  խառնուրդ՝ էնտուզիազմով լի կոմսոմոլուհու, ով կարտոֆիլ հավաքելու է գնում եւ սարսափելի կնոջ, ով հասարակության մեջ մերկ կրծքով քայլելու իրավունքներն է պաշտպանում: Անձամբ ես կարծում եմ, որ ֆեմինիզմի առաջացման համար առաջին հերթին մեղավոր են տղամարդիկ. ժամանակին չեն սիրել գեղեցիկ կնոջը: Արդյունքում ֆեմինիզմ են ստացել, կնոջ պատասխանը տղամարդու ինքնագոհությանն ու մեծամտությանը:

Կատակը՝ կատակ, բայց վերադառնանք մեր տխուր իրականությանը: Հայ ֆեմինիստուհիների մասին մտքերն ինձ անհասկանալի եզրահանգման բերեցին: Մի կողմից՝ ժամանակակից հայ կինը չի կարող ֆեմինիստուհի լինել, իսկ մյուս կողմից՝ հայուհու առանձնահատկությունը նրանում է, որ նա մասամբ ավելի շատ ֆեմինիստուհի է, քան բոլոր եվրոպացիները միասին: Եվ մեր կանայք հրաշալի են նրանով, որ չեն էլ կասկածում, որ ֆեմինիստուհի են: Խոսքն այն քնքուշ աղջիկների մասին չէ, ովքեր «կարմիր խնձորի» դեմ զվարճալի ակցիաներ են կազմակերպում: Հայուհին իր բնույթով դատապարտված է տղամարդուն ենթարկվելու: Ի դեպ՝ ինչպես ցանկացած կին: Անկախության, ազատության, հավասարության մասին բոլոր խոսակցությունները մոռացվում են, երբ կինը սիրում է տղամարդուն: Հավատացեք, յուրաքանչյուր կին, եթե իրականում եւ անկեղծ սիրում է, ընդունակ ու պատրաստ է ցանկացած զոհաբերության: Եվ դրանով նա գերազանցում է տղամարդուն, քանի որ դրա համար համարձակություն եւ ուժ է պետք, եւ հենց այս հատկություններն են, որ երբեմն չեն բավականացնում տղամարդկանց:

Հայ կինը ծնվում է այն մտքով, որ ամբողջ աշխարհն իրեն ինչ-որ բան պարտք է, հատկապես՝ տղամարդիկ: Եվ ոչ միայն պարտք են, այլեւ պարտավոր են: Ինչո՞ւ: Միայն այն պատճառով, որ նա Կին է: Ենթարկվելով՝ հայ կինն աննկատ առավելություն է ստանում եւ իշխանությունն իր ձեռքը վերցնում: Այս տեսանկյունից նա պարզապես գիտակ է, ում հաճախ բարձրագույն կրթություն պետք չէ: Այդ մեր կանանց զարմանալի հատկությունն է: Նրան պետք չէ տղամարդու հետ պայքարել հավասար իրավունքների համար, քանի որ մասամբ նա ավելի շատ իրավունքներ ու արտոնություններ ունի:

Պետք է խոստովանել, որ իրականությունն իր կանոններն է թելադրում, երբեմն՝ առավել քան դաժան: Եվ գոյատեւելու համար կինը ստիպված է ենթարկվել իրողությանը: Հայուհին, պահպանելով իր օջախի պահապանի ավանդական դերը, նույնպես փոխվում է: Նա ավելի կիրթ է դարձել, ինքնավստահ, ավելի ուժեղ: Երբեմն ստիպված է իր վրա վերցնել ոչ միայն պահապանի, այլեւ պաշտպանի եւ օջախը ստեղծողի դերը: Այդպիսի օրինակները շատ են եւ դրանք հերքելը հիմարություն ու անհեթեթություն է: Բայց այս ամենը տեղի է ունենում ոչ թե հանուն ազատության ու ֆեմինիզմի, այլեւ իրավիճակի ուժով: Բնականաբար, ոչ հեռավոր ապագայում սա կբերի հայ կանանց նոր սերնդի առաջացման, ովքեր վստահ կլինեն, որ միայն իրենց վրա պետք է հույս դնեն: Եվ սրանում պետք է մեղադրել ոչ թե «ընդհատակյա մութ ուժերին, ովքեր ցանկանում են կործանել Հայաստանը», այլ ինքներս մեզ, առաջին հերթին՝ հայ տղամարդկանց: Մեր տղամարդիկ վերջին ժամանակներում կոտրված են: Ես համարձակվում եմ այդ խոստովանել: Մեր հայրերի ու պապերի սերունդը՝ տղամարդկային ճիշտ պատկերացումներով, ցավոք, անցյալում է: Նրանց փոխարինելու են եկել կասկածելի անձինք, որոնց ամբողջ ինտելեկտն ու արականությունն առնանդամի գլխի չափ է: Սրանում է մեր ամենամեծ դժբախտությունը...

Ալեքս Ալիխանյան

Հետևեք NEWS.am STYLE-ին Facebook-ում, Twitter-ում և Instagram-ում