Վրացական GPB հեռարձակողն այս տարի ընտրեց մայիսին նախանշված «Եվրատեսիլ» մրցույթում երկրի ներկայացուցչին: Ներքին ընտրության արդյունքներով, մրցույթում Վրաստանը ներկայացնելու են The Shin խումբն ու երգչուհի Մարիկո Էբրալիձեն: 1990 թվականի վերջին ստեղծված The Shin խումբը կազմված է 5 հոգուց: Մարիկո Էբրալիձեն խմբին միացել է որպես վոկալիստ: Վրաստանը «Եվրատեսիլ»-ում ելույթ է ունենալու երկրորդ կիսաեզրափակչում՝ մայիսի 8-ին եւ ներկայացնելու է Three Minutes To Earth երգը: NEWS.am STYLE-ի հետ զրույցում The Shin-ը եւ Մարիկո Էբրալիձեն խոսել են մրցույթից ակնկալիքների եւ Հայաստանի ներկայացուցիչ Արամ MP3-ի ներկայացուցչի մասին:
Առաջիկա մրցույթից ի՞նչ փոփոխություններ եք ակնկալում ձեր կարիերայում:
The Shin - Սա իսկական մարտահրավեր է: Մենք երաժշտություն ենք ստեղծում արդեն երկար տարիներ, հիմա ժամանակն է այն տարածել ամբողջ Եվրոպայում: «Եվրատեսիլ»-ը մեզ կօգնի այդ հարցում:
Մարիկո - Մրցույթն ակնհայտորեն փոխելու է իմ կարիերան, իմ կյանքը, իմ ուղին:
Ի՞նչ ակնկալիքներ ունեք Կոպենհագենի շոուից:
The Shin - Հանդիսատեսի հետ ջերմ հանդիպում եւ ծափահարություններ ենք ակնկալում: Մենք կտանք մեր ամբողջ էներգիան, նույնպիսի պատասխան ենք սպասում հանդիսատեսից:
Մարիկո - Ես նոր մարդկանց հետ հանդիպումներ, դրական էմոցիաներ եմ ակնկալում: Ես կանեմ՝ ինչ կարող եմ, իսկ այդ մեծ ջանք է պահանջում: Բայց ես ունեմ այդ ուժն ու այդ էներգիան: Այդ ինձ համար մեծ եւ անմոռանալի փորձ է լինելու:
Ձեզ ո՞ր երգերն են դուր գալիս նախորդ մրցույթներից:
The Shin - Մենք սիրում ենք ABBA խմբի Waterloo երգը: Կարծում ենք՝ մրցույթի ամբողջ պատմության ընթացքում այն լավագույնն է:
Մարիկո - Ինձ դուր է գալիս Լորինի Euphoria-ն եւ Մարիա Սերիֆովիչի «Աղոթքը»: Կընդգծեմ հայկական Qele Qele երգը, որը երգում էր գեղեցիկ հայ երգչուհին:
Առաջիկա մրցույթում Հայաստանի երգը լսե՞լ եք: Ի՞նչ կարծիք ունեք դրա մասին:
The Shin - Մեզ շատ է դուր գալիս Արամ MP3-ը: Նա լավ երգիչ է, եւ երգն է լավը, գեղեցիկ գործիքավորմամբ: Մենք նրան լավագույնն ենք մաղթում Կոպենհագենում:
Մարիկո - Ես Արամի հետ հանդիպել եմ Ամստերդամում: Նա լավ արտիստ է եւ հրաշալի մարդ: Երգը շատ մեղեդային եւ հաճելի է: Ամբողջ սրտով հաղթանակ ենք մաղթում Արամ MP3-ին եւ եղբայրական Հայաստանին:
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»