• Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից

  Քիմ Քարդաշյանը մտադիր չէ արձագանքել Թեյլոր Սվիֆթի ստորացուցիչ դիս թրեքերին՝ վերջինի երկրպագուների բանակի հանդեպ «վախից» ելնելով…

• Բիլլի Բոլդուինը «ոչ ջենթլմենական» կերպով է արձագանքել Շերոն Սթոունի սկանդալային հայտարարությանը

  Թեման սկիզբ է առել այս շաբաթ, երբ Սթոունը Լուի Թերուի փոդքաստում հայտնել է…

• «Նա հիմա շատ տխուր է». պրոդյուսերը խոսել է Կիրկորովի հետագա կարիերայի մասին

  Երգիչ Ֆիլիպ Կիրկորովն այժմ շատ տխուր է, NEWS.ru-ին տված հարցազրույցում իր կարծիքն է հայտնել պրոդյուսեր եւ ռեժիսոր Վիկտոր Կիննը․․․

• «Միսս Ճապոնիան» հրաժարվել է իր տիտղոսից՝ ամուսնացած տղամարդու հետ սիրավեպի պատճառով

  26-ամյա մոդել Քերոլայն Շիինոն դարձել է եվրոպական ծագումով առաջին կինը, ով հաղթել է հունվարի 22-ին կայացած գեղեցկության ազգային մրցույթում…

• Հայտնի թուրք խոհարար Սոլթ Բեն պարծեցել է կտրոնով, որը կազմել է 108500 դոլար, եւ հայտնվել բուռն քննադատության թիրախում

  «Փողը գալիս է, փողը գնում է»,- Instagram-ում գրել է 40-ամյա թուրք խոհարարը․․․

• Moana Bikini ապրանքանիշը քննադատության կիզակետում է հայտնվել՝գովազդելով կանացի լողազգեստ, որը տղամարդ է ներկայացրել

  Ավստրալական Moana Bikini ապրանքանիշը հայտնվել է քննադատության թիրախում...

• Ֆրանսիայի իշխանությունները հետաքննում են դերասանուհու ինքնասպանությունը, ով Ժերար Դեպարդյեին մեղադրել է սեռական ոտնձգությունների մեջ

  60-ամյա Էմանուել Դեբեվերը Փարիզի կամրջից ցած է նետվել Սեն գետը։ Նա մահացել է նույն օրը, երբ ֆրանսիական հեռուստատեսությունը ցուցադրեց վավերագրական ֆիլմ՝ Դեպարդյեի դեմ սեռական ոտնձգությունների մի շարք մեղադրանքների մասին...

• Cardi B-ն ելույթի ժամանակ բարձրախոսը նետել է երկրպագուի վրա (վիդեո)

  Տարբեր առարկաներ բեմ նետելու «թրենդը» շարունակվում է․․․

Մայիսի վերջին Նյու Յորքում անց է կացվել Big Apple Music Awards ամենամյա մրցանակաբաշխությունը, որը կազմակերպվում է 2008 թվականից սկսած։

Մրցանակակիրներն ընտրվում են ըստ իրենց երկրում եւ երկրից դուրս հայտնիության աստիճանի, թողարկված ձայնասկավառակների, տեսահոլովակների եւ երգերի քանակի, ինչպես նաեւ YouTube-ում տեսահովոլակների դիտողականությամբ։ Մրցանակաբաշխության հիմնադիրը ամերիկյան «էրիդունի թիվի» հեռուստաալիքն է, որը հեռարձակում է Կովկասի, Միջին Ասիայի եւ Մերձավոր Արեւելքի ժողովուրդների երաժշտությունը։

Հիմա անցնենք բուն թեմային։ Ադրբեջանի ժողովրդական արտիստ Բրիլիանտ Դադաշեւան արժանացել է Lifetime Achievement Award մրցանակի ՝ ստեղծագործական ձեռքբերումների համար։ Նրանից բացի, Իլհամ Գասիմովը ճանաչվել է Ադրբեջանի լավագույն երգչուհի՝ Best Female Artist of Azerbajian, իսկ Թայիր էյնուլլաեւը՝ լավագույն պարող (Best Male Artist of Azerbajian)։ Այս ամենի հետ կապված Ադրբեջանում հիստերիա է բարձրացրել haqqin.az-ը։

Կայքի հոդվածը մեջբերում ենք ամբողջությամբ։

«Ադրբեջանի ժողովրդական արտիստ Բրիլիանտ Դադաշեւան հանգիստ մրցանակներ եւ նվերներ է ստանում ԱՄՆ-ում բնակվող հայերի կողմից։ Բացի մրցանակից, երգչուհուն տրվել է նաեւ դրամական պարգեւ՝ 30 հազար դոլարի չափով։ Big Apple Music Awards մրցանակաբաշխությանը Դադաշեւան նաեւ ստացել է Mercedes մակնիշի ավտոմեքենա, որի մասին ժողովրդական արտիստուհին չի ցանկանում խոսել, քանի դեռ այն Նյու Յորքից Ադրբեջանի մայրաքաղաք չի հասել։ Նշենք, որ երկու տարի շարունակ, Բրիլիանտ Դադաշեւան ստացել է սույն մրցանակաբաշխությանը մասնակցելու հրավեր, սակայն կարողացել է Նյու Յորք մեկնել միայն 2014 թվականին»։

Այնուհետ կայքը առաջարկում է տեղափոխվել մրցանակաբաշխության կայք՝  www.bigapplemusicawards.org, եւ դիտել տնօրենների խորհրդի ցանկը։

«Տեսեք ինքներդ։ Նախագահի եւ փոխնախագահի դիմաց գրված է՝ Hagop Boyadjian եւ Edouard Nazarian։ Մրցանակաբաշխության կազմակերպիչը ամերիկյան «էրիդունի թիվի» հեռուստաալիքն է։ Այո, պաշտոնապես այն ամերիկյան է, սակայն անգամ անունից պարզ է, որ սա հայկական նախագիծ է։  Պարզապես պետք է մի փոքր շարժել ուղեղը՝ նախքան մրցանակներ ստանալու վազելը։ Չնայած, միգուցե, ես մեր արտիստներից անհնարին բան եմ պահանջում, ինչպես եւ իմ գործընկերներից։ Նրանցից ոչ ոք իրեն նեղություն չի տվել հետաքրքրվել, թե ինչ մրցանակ է դա, ովքեր են մտնում Big Apple Music Awards-ի ղեկավար կազմի մեջ։ Ավելի հեշտ է պատճենել պատրաստի հաղորդագրությունը եւ տեղադրել կայքում։ Այստեղ աշխատում են ռեֆլեքսները, ոչ թե ուղեղը։ Ռեֆլեքսների հետ ամեն ինչ կարգին է, սակայն ի՞նչ կապ ունի դա լրագրության հետ։ Որպեսզի պատկերն ամբողջական լինի, խորհուրդ եմ տալիս այցելել այս էջ՝ http://www.bigapplemusicawards.org/#!past-awards/ctd5։ Այստեղ նշված են Big Apple Music Awards-ի՝ նախորդ տարիների հաղթողների անունները։ 2009 թվականին Best Central Asian Artist մրցանակը ստացել է ադրբեջանուհի Նազիբա Աբդուլաեւան, ով վաղուց ապրում եւ աշխատում է Ուզբեկստանում։ Նա եղել է հայերի շրջապատում։ Նրանք են՝ Samvel Yervinyan (Best Instrumental Album),  Ani Kristi (Best Armenian Female Artist), Ara Martirosyan (Golden Voice of Caucasus), Jivan Gasparyan Jr. (Best Duduk Player ) , The Armenoids (Best New Wave Group), Aramik (Best Flamenco Album)

Նայեք Big Apple Music Awards 2012-ի հաղթողների ցանկը։ Այնտեղ իսկապես հայտնի հայեր են՝  Charles Aznavour (Lifetime Achievement Award), Serj-Tankian (Humanitarian Award), Seroj Avoyan (Best Armenian Musician of the year) , Aida Sargsyan (Best/Most Popular Armenian Female ), Hayko (Most popular Armenian Folk Singer)։ Այս անունները խոսում են այն մասին, որ Big Apple Music Awards-ի գլխավոր նպատակը հայկական մշակույթի եւ երաժշտության տարածումն է եւ հայ կատարողների պարգեւատրումը։ Մնացած ամեն բան երկրորդական է։ Այդ դեպքում, ինչու՞ են մեր կատարողները գնում հայկական պարգեւների հետեւից։ Ինչու՞ են նրանք թույլ տալիս օգտագործել իրենց։ Միթե՞ Բրիլիանտ Դադաշեւան այդ 30.000 դոլարի եւ մեքենայի կարիքն ուներ։ Կարծես թե, իր հայրենիքում էլ նա, մեղմ ասած, աղքատ չէ, երգում է հարսանիքներին բավականին սոլիդ գումարով։  Բացի այդ, կա նրա ամուսինը՝ Ադալյաթ Գաջիեւը՝ Ռուսական պետական դրամատիկական թատրոնի տնօրենը։ Նա նույնպես պետք է որ գումար բերի տուն, եւ, կարծում եմ, բերում է։ Եվ չնայած դրան, Բրիլիանտը, ինչպես եւ մեր մյուս երաժիշտները, վազում է ԱՄՆ՝ մրցանակի հետեւից։ Նրանց քայլերին ես գնահատական չեմ տա, թող ամեն մեկն ինքը հետեւություններ անի։ Ես միայն կհայտնեմ իմ զարմանքն առ այն, որ երգչուհին, որը թռչում է՝ ստանալու մրցանակներ եւ նվերներ մի ընկերության կողմից, ում ղեկավարները հայեր  են եւ պարգեւատրում են հայերի, շարունակում է կրել Ադրբեջանի ժողովրդական արտիստի կոչումը։ Կարծում եմ, վատ չէր լինի իմանալ սրա վերաբերյալ մշակույթի եւ տուրիզմի նախարարության դիրքորոշումը»։

Հետևեք NEWS.am STYLE-ին Facebook-ում, Twitter-ում և Instagram-ում