• Ամբանիի շլացուցիչ շքեղությունը. Ռադհիկա Մերչանթը գրավում է հանրությանը կես միլիոն դոլար արժողությամբ Patek Philippe ժամացույցով

  Ամբանի ընտանիքի հարստությունը գաղտնիք չէ. նրա մասշտաբներն ու շքեղությունը տարիների ընթացքում միայն ավելի տպավորիչ են դարձել․․․

• Կեղծավոր միլիոնատերերն ընդդեմ միլիարդատերերի. Հոլիվուդի նոր միտումը

  NYP-ն հաղորդում է, որ հայտնի մուլտիմիլիոնատերերի համար միլիարդատերերի հրապարակային հարձակումը դարձել է իրենց «ճիշտ» քաղաքացիական դիրքորոշումը ցույց տալու նոր միջոց․․․

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• Labubu-ի և LVMH-ի հանդիպումը. Pop Mart-ը Փարիզում բացում է իր գլխավոր խանութը  

  Չինական դիզայներական խաղալիքների արտադրող Pop Mart International-ը շարունակում է իր ագրեսիվ գլոբալ ընդլայնումը՝ չնայած արտասահմանյան վաճառքի փոքր-ինչ դանդաղմանը: Ընկերությունը հայտարարել է Փարիզում իր առաջին եվրոպական գլխավոր խանութի բացման մասին՝ հեղինակավոր Haussmann Boulevard-ում, Galeries Lafayette և Printemps հանրախանութների հարևանությամբ...

• Ու՞ր է անհետացել Լեդի Գագան. Երգչուհու անհետացումը գաղտնի հարսանիքի մասին լուրեր է առաջացրել  

  Polaroid–ով արված լուսանկարները առաջին հաստատումն էին այն բանի, որ Լեդի Գագան չորս ամիս հանրությանը չէր երևացել...

• Գործող «Միս Ավստրիա»-ն հանկարծամահ է եղել 22 տարեկանում  

  Պաշտոնյաները հայտարարել են «Միս Ավստրիա»-ի գործող տիտղոսակիր Լուսիա Սիսիչի ողբերգական մահվան մասին։ Նա ընդամենը 22 տարեկան էր...

• Քարդի Բին ցուցադրել է հետույքի վրա 15,000 դոլարանոց ադամանդե պիրսինգը  

  Քարդի Բին որոշել է հիշեցնել երկրպագուներին իր սկանդալային պիրսինգի մասին։ Նա նոր տեսանյութ է հրապարակել Ինստագրամում՝ ուղեկցելով այն բավականին համարձակ հայտարարությամբ...

Հունաստանում բնակվող հայտնի հայ երգչուհի Աթենա Մանուկյանը թեեւ չի եղել Հայաստանում, սակայն տեղյակ է հայերի հյուրընկալության ու ջերմության մասին եւ շատ է ցանկանում այցելել մեր երկիր: Իսկ մինչ այդ, առաջիկայնում նա պատրաստվում է նոր երգ թողարկել: Այս եւ այլ մանրմասների վերաբերյալ Աթենան խոսել է NEWS.am STYLE-ի հետ զրույցում:

Ողջույն, Աթենա։ Պատմե’ք մի փոքր Ձեր ներկայիս ստեղծագործական կյանքի մասին։ Ինչո՞վ եք այժմ զբաղված՝ նոր երգեր, տեսահոլովակներ…:

Ողջույն, ներկայումս ես զբաղված եմ իմ նոր երգի աշխատանքներով, որը շուտով պատրաստ կլինի: Անհամբեր սպասում եմ:

Խոսենք Ձեր հայկական արմատների մասին։ Որքանո՞վ են դրանք Ձեզ խանգարել կամ օգնել կարիերա ստեծելու հարցում։

Ես երբեք չեմ զգացել. որ դա օգնել կամ խանգարել է ինձ, այնուամենայնիվ, ես իսկապես հպարտ եմ իմ արմատներով եւ ոչինչ երբեւէ չի կարող փոխել դա: Ես իսկապես շատ եմ սիրում իմ ազգանունը, եւ այն յուրահատուկ է, այդպես չէ՞:

Հարցազրույցներից մեկում ասել եք, որ դեռ չեք եղել Հայաստանում։ Այնուամենայնիվ, ի՞նչ գիտեք հայերի եւ Հայաստանի մասին եւ արդյո՞ք նպատակ չունեք մոտակա ժամանակներս այցելել մեր երկիր։

Շնորհակալություն հրավերի համար, հաճույքով կգամ (ծիծաղում է-խմբ.): Մենք բոլորս գիտենք, որ Հայաստանը գեղեցիկ երկիր է՝ լի դրական եւ ջերմ մարդկանցով: Նրանք հայտնի են նաեւ իրենց հյուրընկալությամբ: Այնպես որ՝ սպասեք ինձ շուտով:

Ինչպե՞ս եւ ինչու՞ որոշեցիք երգել, ո՞րն էր Ձեր առաջին քայլը երգարվեստում։

Ինձ համար կարեւոր չէ, թե ինչպես եւ ինչու: Ես նկատի ունեմ, որ դա Աստծո պարգեւն է:  Պետք է միայն ծնողներին նախապատրաստել եւ օգնել նրանց հասկանալ իրենց խենթ երեխային, ով բավականին շատ սկզբունքներ ունի։ Իմ առաջին քայլերը երգարվեստում եղել են այն ժամանակ, երբ ես մասնակցեցի հեռուստատեսային մրցութի, որտեղ ես հաղթեցի եւ մեկ տարի անց մասնակցեցի «Եվրատեսիլ» երգի մրցույթին, ինչն ինձ համար մեծ փորձ էր:

Ձեր կարիերայի ընթացքում, համոզված եմ, որ վերելքներ ունեցել եք, իսկ ի՞նչ կասեք հիասթափությունների եւ դժվարությունների մասին։ Ինչ՞ խնդիրների կարող է բախվել երիտասարդ կատարողը շոու-բիզնես մուտք գործելով։

Դժվարությունները եւ հիասթափությունները քո կյանքի ու մասնագիտության մի մասն են կազմում: Իմ կարծիքով, կյանքում կան բաներ, որոնք չեն լինում այնպես, ինչպես դու ծրագրել ես: Միակ ելքը ես տեսնում եմ նրանում, որ պետք է փորձես հասկանալ, թե արդյոք այն, ինչին դու ձգտում ես, 100 տոկոսով քո ցանկությունն է: Երբեմն դժվար է, գիտեմ, բայց, այնուամենայնիվ, դու կարող ես դա անել:

Ինչը՞ կարող է Ձեզ կոտրել՝ որպես մարդ եւ որպես երգչուհի։

 Ես ատում եմ, երբ ինչ-որ մեկն ուշանում է հանդիպումից, նաեւ չեմ սիրում, երբ ինչ-որ բան չի ընթանում ըստ իմ ծրագրի կամ իմ ցանկության: Մի մոռացեք, որ իմ երկրորդ անունը «կատարելապաշտ» է:

Հետ նայելով՝ կարո՞ղ եք ասել, որ հասել եք Ձեր բոլոր նպատակներին, որոնք դրել էիք Ձեր առջեւ, թե՞ դեռ կան չիրականացված երազանքներ եւ ծրագրեր։

Կարծում եմ, ես դեռ շատ երիտասարդ եմ: Հիմա ես միայն ապրում եմ իմ երազանքներով եւ չեմ մտածում հեռավոր ապագայի մասին: Ես պարզապես վայելում եմ ներկան։

Ինչի՞ մասին եք երազում։

Պարզապես երջանիկ լինելու:

Պատմե’ք մեզ մի փոքր Ձեր նախասիրությունների մասին։ Բացի երգելուց, ինչո՞վ է զբաղվում Աթենան Հունաստանում։

Ես պարզապես պաշտում եմ պարել: Դա իմ գաղտնի հոբին է, երբ ես չեմ երգում:

Կա՞ մի բան, որը կցանկանաք ասել Ձեր երկրպագուներին եւ հատկապես՝ հայ երկրպագուներին։

Ինչ էլ որ պատահի՝ մաղթում եմ նրանց չհանձնվել, ուժեղ լինել եւ հավատալ իրենց ուժերին։ Սիրում եմ ձեզ, շուտով կտեսնվենք: 

Հարցազրույցը՝ Շուշան Շատիկյանի եւ Դիանա Հովհաննիսյանի

Հետևեք NEWS.am STYLE-ին Facebook-ում, Twitter-ում և Instagram-ում