Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Աշուն-2014. գլխավոր նորաձեւ միտումներն ու գույները

10:14, 2 սեպտեմբերի

Տարվա ամենագեղեցիկ եղանակը՝ թավշյա աշունը, արդեն սկսվել է: Թեեւ եղանակը դեռ ամառային է, այնուամենայնիվ, օդում արդեն զգացվում է աշնան սառը շունչը, եւ, ուրեմն, ժամանակն է վերադասավորել զգեստապահարանն ու անցնել աշնանային հագուստի: Գաղտնիք չէ, որ տարվա յուրաքանչյուր եղանակի համար դիզայներներն առաջարկում են նոր միտումներ:  Իմի բերելով 2014-ի ձմռանն անցկացված մի շարք նորաձեւության շաբաթների հիմնական ցուցադրությունները, ուր աշխարհահռչակ նորաձեւության տները ցուցադրեցին իրենց աշնանային հավաքածուները, կարելի է հստակ սահմանել այս աշնան գլխավոր միտումները:

Սկսենք գույներից: Ընդհանրապես, աշունն ասոցացվում է դեղինի, կարմիրի, շագանակագույնի, խակիի, բորդոյի եւ նմանատիպ այլ գույների հետ, եւ աշնանային հագուստն էլ պետք է իր մեջ ներառի վերոնշյալ գույները: Հավանաբար հենց սրանով են այս տարի առաջնորդվել մի շարք դիզայներներ: Այսպես, տարեսկզբին Միլանի նորաձեւության շաբաթվա ընթացքում ցուցադրված՝ Gucci նորաձեւության տան աշնանային հավաքածուն բաղկացած է հենց այս գույների զգեստներից:

Բացի այդ, Gucci-ն աշնան համար առաջարկում է նաեւ անչափ եթերային եւ նուրբ գույներ՝ մի փոքր անսովոր թախծոտ եւ մռայլ աշնան եւ սովորական՝ վառ ու ոճային աղջիկների համար: Պաստելային երանգները այս աշնան հիթերից կլինեն:

Prada նորաձեւության տան աշնանային հավաքածուն մի փոքր տարբերվում է գույների եւ նախշերի համարձակ եւ առավել խիստ համադրությամբ: Կարմիր, սեւ, ոսկեգույն, կանաչ, դեղին. աշխարհահռչակ ապրանքանիշի դիզայները, կարծես թե, չի շեղվել աշնանային երանգներից:

Նույն կարմիրի, սեւի, նարնջագույնի, բեժի համադրությամբ է ստեղծվել Roberto Cavalli-ի 2014 թվականի աշնանային հավաքածուն, որը համադրվել է ցուրտ եղանակներին այնքան անհրաժեշտ մորթիով:

Միլանի նորաձեւության շաբաթվա ամենաքննարկվող ցուցադրություններից էր Dolce&Gabbana-ի հեքիաթային հավաքածուն: Բացի այն, որ հավաքածուն բաղկացած է մուգ կանաչի, շագանակագույնի, ոսկեգույնի, դեղինի, դարչնագույնի հետաքրքիր համադրություններից, այն նաեւ բնության նախշեր է պարունակում՝ ծաղիկներ, ճյուղեր, կենդանիներ:

Ինչպես տեսնում եք, համաշխարհային նորաձեւության տներն ու դրանց դիզայներներն իրենց աշնանային հավաքածուները ստեղծել են՝ չհեռանալով բնությունից եւ հավատարիմ մնալով աշնան գույներին: Այսպիսով, իմի բերելով այս ամենը, վստահորեն կարելի է աշնանային զգեստապահարանը համալրել դարչնա-շագանակագույնի, դեղինի, կանաչի, կարմիրի եւ բորդոյի, ոսկեգույնի եւ սեւի, ինչպես նաեւ պաստելային երանգների համարձակ համադրություններով:

 Շուշան Շատիկյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search