«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Exclusive. Լիբանանահայ ոճաբան Ջեք Թեքեյանը ֆոտոշարք է իրականացրել Երեւանում

11:22, 17 նոյեմբերի

Լիբանանում հայտնի վարսահարդար-ոճաբան Ջեք Թեքեյանն օրերս առաջին անգամ Հայաստան էր ժամանել: Ոճաբանն այստեղ իրականացրել է իր նոր սանրվածքների ֆոտոշարքը՝ հայ եւ ուկրաինացի մոդելների մասնակցությամբ:

Ջեք Թեքեյանը վարսահարդարմամբ զբաղվում է շուրջ 30 տարի: Ասում է՝ աշխատում է միայն կանանց հետ եւ անում նրանց վարսերի խնամքին վերաբերող ցանկացած պրոցեդուրա:

NEWS.am STYLE-ի հետ զրույցում ոճաբանն ասաց, որ վարսահարդարման սրահներ ունի ոչ միայն Լիբանանում, այլեւ ԱՄՆ-ում՝ Բոսթոնում, ինչպես նաեւ Միլանում եւ Անգլիայում: Հենց այնտեղ էլ նա մշտապես իրականացրել է իր նոր սանրվածքների ֆոտոշարքերը, սակայն այս անգամ դրանք տեղի են ունեցել Երեւանի փողոցներում:

«Ուզեցի այս անգամ մի քիչ տարբեր լինի՝ հայկական ոճի մեջ»,-ասաց նա:

Յուրաքանչյուր երեք ամիսը մեկ Ջեք Թեքեյանն իր հաճախորդներին նոր սանրվածքներ, կտրվածքներ ու գույներ է առաջարկում, որոնց համար էլ արվում եւ ֆոտոշարքերն ու տարածվում նրա սրահներում եւ ուսումնական կենտրոնում:

Երեւանում օրերս արված լուսանկարներն էլ կարժանանան այդ «բախտին»: Սեւահեր մոդել Լուսինե Հայրապետյանն ու ուկրաինացի Կատյա Սոբուցկան Հյուսիսային պողոտայում լուսանկարիչ Տուշո Բարսեղյանի օբյեկտիվի առջեւ ցուցադրել են Ջեք Թեքեյանի նոր սանրվածքները: Կազմակերպչական հարցերում, ինչպես այս նախագծի, այնպես էլ ոճաբանի այլ նախաձեռնություններում, օգնում է Էլիանոր Նազարյանը: 

Մեր հարցին՝ մտադրություն չունի՞ գործունեություն ծավալել նաեւ Հայրենիքում, Ջեք Թեքեյանը դժվարացավ պատասխանել: Ասաց՝ դժվար է, բայց միգուցե:

Խոստովանում է՝ կանանց հետ սկզբնական շրջանում հեշտ չի եղել աշխատելը, բայց ժամանակի ընթացքում սովորել է: Հաճախորդի ցանկությունը լսում է, սակայն, որպես ոճաբան, իր խորհուրդներն է առաջարկում:

«Նախքան աշխատանքը սկսելը, հաճախորդի հետ սուրճի սեղանի շուրջ քննարկում ենք անում եւ որոշում, թե ինչ կարելի է անել: Եթե տեսնենք, որ նրա ուզածը չի սազում իրեն, ուղղակի կասենք եւ այլ բան կառաջարկենք»,-նշեց ոճաբանը:

Մեր զրույցի վերջում Ջեք Թեքեյանը նորաձեւության միտումներին կուրորեն հետեւող աղջիկներին մի խորհուրդ տվեց. «Թող հոգ տանեն իրենց վարսերի մասին, գեղեցիկը գեղեցիկ է՝ լինի կարճ վարսեր, թե երկար: Դեմքին ինչ վայել է, դա նորաձեւ է»,-եզրափակեց նա:

Զրուցեց՝ Շուշան Շատիկյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search