• Հինգ սխալ, որոնք լուռ կործանում են ամուսնությունները

  Երջանիկ և երկարատև ամուսնության գաղտնիքը կայանում է ոչ միայն համատեղելիության, այլև հուզական մտերմության պահպանման մեջ․․․

• Ֆլիրտ, հպում և ոչ մի ճնշում. կրքի ֆրանսիական բաղադրատոմսը

  Ֆրանսիացի կանայք հաճախ համարվում են գայթակղության վարպետներ, որոնք կարողանում են պահպանել կիրքը հարաբերություններում և վայելել սեքսը…

• «Զուգարանը նրանց գաղտնի զենքն է». ամուսնալուծության փորձագետը բացահայտել է, թե ինչու են տղամարդիկ ժամերով փակվում լոգարանում  

  Ամուսնալուծության փորձագետը մեծ իրարանցում է առաջացրել հավերժական «սեռերի պատերազմում»՝ պնդելով, որ տղամարդիկ, իբր, զուգարան մտնելը վերածել են ընտանեկան պարտականություններից խուսափելու զենքի...

• Բրիտանացի գիտնականները պարզել են, թե ինչու են չափազանց առատաձեռն տղամարդիկ վախեցնում կանանց

  Բրիտանացի գիտնականները կրկին ստանձնել են ամենակարևոր խնդիրը՝ պարզել, թե ինչն է խանգարում մարդկանց կառուցել առողջ հարաբերություններ…

• Ամուսինը 16 տարով մեծ է, ապրում է առանձին և հանդիպում է այլ մարդկանց հետ

  31-ամյա Հեյլի Ֆոլկն արդեն երկու տարուց ավելի է՝ անսովոր ամուսնության մեջ է իրենից 16 տարով մեծ տղամարդու հետ․․․

• «Սեքս խղճահարությունից դրդված». ցնցող ուսումնասիրությունը բացահայտում է, թե ինչու են կանայք քնում տղամարդկանց հետ, նույնիսկ երբ չեն ուզում

  Հետազոտողները պարզել են, որ կանայք, ովքեր ընդհանրապես սեռական ցանկություն չեն զգում, կարող են ամսական երկու-երեք անգամ սեռական հարաբերություն ունենալ՝ իրենց հարաբերությունները պահպանելու և զուգընկերոջից բաժանվելը կանխելու համար: Երբեմն մտերմությունը ընդհանրապես կրքի մասին չէ․․․

• Երկարատև սիրո գաղտնիքը անկողնում է. գիտնականները ապացուցել են սեռական վստահության և երջանկության միջև կապը

  Իտալիայում վերջերս անցկացված առցանց ուսումնասիրությունը ցույց է տվել, որ սեռական առումով ինքնավստահ և ինքնաբավ մարդիկ հակված են ավելի մեծ բավարարվածություն զգալ իրենց սիրային հարաբերություններում․․․

• Տղամարդիկ և կանայք թշնամիներ չեն. Ինչու է ինտերնետը մեզ պարտադրում սեռերի պատերազմ

  Հարաբերությունների դադարեցումը, միայնության համաճարակը և փոխադարձ դժգոհության պաշտամունքը գրավել են թվային տարածքը․․․

Մոտ մեկ շաբաթ առաջ մի տարօրինակ էլեկտրոնային նամակ ստացա։ Ոմն մի կին պնդում էր, որ արդեն կես տարի է սիրային հարաբերություններ է սկսել  ամուսնուս հետ։ Սկզբում ես մտածեցի, որ  ինչ-որ մեկը որոշել է չար կատակ անել. կասկածյալների թվում էր նաեւ ամուսինս, քանի որ նա այս տեսակ հումորների մեծ սիրահար է։ Սակայն պարզվեց, որ ամուսինս այս ամենի հետ ոչ  մի կապ չուներ։ Ավելին, երբ ես նրան պատմեցի այս մասին, նա ծիծաղեց եւ ասաց, որ պատրաստ է անգամ ջարդել այն մարդու ձեռքերը, ով գրել է տվյալ նամակը։ Նշեմ, որ մենք ավելի քան 10 տարի ամուսնացած ենք եւ անկեղծ ասած՝ երբ ինձ մոտ նման կասկածներ էին առաջանում, ես վանում եւ ուշադրություն չէի դարձնում դրանց. կարծում եմ՝ հարաբերությունները առաջին հերթին պետք է կառուցել վստահության հիմքի վրա։ Հետեւաբար, այդ մտքերն այնքան էլ էական նշանակություն չունեին ինձ համար։

Սակայն հաջորդ օրը ստացա եւս մեկ նամակ, որտեղ գրված էր նրանց հանդիպման մասին, ինտիմ բնույթի մանրամասներ, որոնք վկայում են, որ  նամակի հեղինակը շատ լավ ճանաչում է ամուսնուս։ Ես շատ ցնցված էի, սակայն կարողացա «հավաքել ինձ» եւ երկրորդ նամակի մասին ոչինչ չասեցի ամուսնուս։ Երրորդ նամակը բավականին գռեհիկ էր։ Դա ապացուցում էր այն հանգամանքը, որ ամուսինս վաղուց արդեն ինձ չի սիրում եւ կլքեր ինձ, եթե չլինեին մեր երեխաները։ Ավելին, այդ կինը սկսեց վիրավորել ինձ՝ պահանջելով, որ այլեւս «չբռնանամ» ամուսնուս ու ազատություն տամ նրան։ Սակայն նույնիսկ այս ամենից հետո ես վիճաբանություններ չսկսեցի ամուսնուն հետ՝ չնայած այս ամենը մեծապես ազդում էր նյարդերիս վրա։ Բնականաբար, նամակների բովանդակությունը ստիպեցին ինձ կասկածել ամուսնուս եւ արդյունքում սկսեցի փորփրել նրա հեռախոսը, ինչը նախկինում թույլ չէի տա ինձ։ Կասկածելի ոչինչ չգտա, ինչը փոքր-ինչ հանգստացրեց ինձ, բայց կասկածները շարունակում էին կրծել իմ հոգին։ Ես հասկանում էի, որ եթե ամուսնուս հետ խոսեմ, նա հաստատ կհերքի ամեն ինչ։ Այդ ժամանակ ես որոշեցի պատասխանել այդ կնոջն ու հանդիպման հրավիրել նրան։ Թվում էր՝ դա մեծ անակնկալ էր նրա համար, որովհետեւ մի քանի օր նա չպատասխանեց ինձ։ Սակայն օրեր անց նա նամակ ուղարկեց՝ գրելով, որ իբրեւ թե, չի ցանկանում հանդիպել «ինձ նման ծեր եւ հիստերիկ կնոջ հետ»։ Այս ամենից հետո ես բոլոր նամակները ուղարկեցի ամուսնուս։ Շատ մեղմ կլինի ասել, որ նա զայրացել էր, սակայն ոչ մի արդարացում կամ հերքում։ Միայն նշեց, որ իր մեթոդներով կփորձի հասկանալ, թե ով է նամակի հեղինակը եւ ամեն ինչ կկարգավորի։ Նրա այս պահվածքից ես հասկացա, որ այս պատմությունը ինչ-որ մի «բարի կամեցողի» ինտրիգն է, սակայն անկեղծ ասած՝  կասկածներն իմ հոգում դեռ չեն մարել։ Պարզ է, որ այդ կինը, ով էլ որ լինի, շատ լավ ճանաչում է ամուսնուս։ Եվ հենց սա էլ հանգիստ չի տալիս ինձ. հատկապես հաշիվ առնելով այն փաստը, որ ամուսինս հրաժարվեց ասել՝ նրան հաջողվեց պարզել, թե ով էր նամակի հեղինակը, թե ոչ։ Նա միայն պնդում էր, որ ամեն ինչ կարգավորվել է եւ պետք է մոռանալ այս պատմության մասին; Եվ չնայած ես շարունակում եմ խելացի եւ հանգիստ կնոջ իմ դերը խաղալ, ինչ-որ անհասկանալի մի բան ներսից տանջում է ինձ։ Առաջին անգամ մեր հարաբերություններում նման խնդիր է առաջացել, եւ ես չգիտեմ, թե ինչ պետք է անեմ...

Լիլիթ Ա.

Հետևեք NEWS.am STYLE-ին Facebook-ում, Twitter-ում և Instagram-ում