Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ոճաբան Մարիաննա Մուկուչյանը` Այշվարիա Ռայի հետ համագործակցության մասին

11:03, 28 ապրիլի

Միջազգային հարթակներում հայկական անունների հանդիպելը միշտ էլ հաճելի է հայերիս համար: Վերջերս այսկերպ մեզ զարմացրեց ոճաբան Մարիաննա Մուկուչյանը, ով հարդարել է աշխարհի ամենագեղեցիկ կանանցից մեկին` բոլիվուդյան աստղ Այշվարիա Ռային: Պարզվում է՝ սա Մարիաննայի միակ բոլիվուդյան համագործակցությունը չէ: Մարիաննան աշխատել է տարբեր աստղերի հետ. քրոջից` հայնտի երգչուհի Իվետա Մուկուչյանից սկսած մինչեւ Պրիանկա Չոպրա եւ «Միսս աշխարհ» տիտղոսին արժանացած Այշվարիա Ռայ:

NEWS.am STYLE-ն այս թեմայով բացառիկ զրույց է ունեցել միջազգային ճանաչում ունեցող դիմահարդար եւ վարսահարդար Մարիաննա Մուկուչյանի հետ:

- Մարիաննա՛, ինչո՞ւ որոշեցիք մեկնել Գերմանիայից եւ կարիերան շարունակել Հնդկաստանում:

-Ես սիրում եմ ճանապարհորդել ու հաճախ եմ իմ` դիմահարդարի եւ վարսահարդարի աշխատանքը համատեղում ճամփորդելով: Օրինակ, աշխատել եմ Նյու Յորքում, Քեյփթաունում եւ Դուբայում: Կարծում էի` Հնդկաստանն էլ կլինի մի վայր, որտեղ կմնամ 2-3 ամիս, մինչեւ նոր երկիր ճանապարհորդելս, բայց աշխատանքն ու արկածները հանգեցրին նրան, որ իմ կարիերան մեծ հաջողություն ունեցավ այստեղ: Արդյունքում` արդեն մեկ ու կես տարի է հաջող գործունեություն եմ ծավալում Հնդկաստանում:

- Եվրոպական եւ ասիական դիմահարդարման ոճերը, ակնհայտորեն, տարբերվում են միմյանցից: Այս ոճերից ո՞րն է Ձեզ ավելի հոգեհարազատ:

-Քանի որ հայուհի եմ, բայց կյանքիս մեծ մասն անցկացրել եմ Գերմանիայում, ես հասկանում եմ դիմահարդարման ու վարսահարդարման այս երկու ոճերի առանձնահատկությունները: Այո, դրանք շատ են տարբերվում միմյանցից: Եվրոպական դիմահարդարումը շատ պարզ է եւ հասարակ. այն կենտրոնացված է դեմքի միայն մի հատվածի վրա: Եվրոպացիները սիրում են ընդգծել կամ շուրթերը, կամ աչքերը կամ մաշկը` պահպանելով բնական սանրվածքն ու տեսքը: Ասիական դիմահարդարման ու վարսահարդարման ոճն ունի հակառակ պատկերը` մեծ աչքեր, ծավալուն մազեր… Մի կերպարի մեջ կարող ենք տեսնել եւ՛ ընդգծված աչքեր, եւ՛ շուրթեր, եւ՛ ծավալուն մազեր ու շատ աքսեսուարներ: Նրանք սիրում են ընդգծել իրենց դիմագծերն ամբողջությամբ։ Իմ կատարած աշխատանքի 90 տոկոսում պահանջվում է ծավալուն վարսահարդարում… Անկեղծ ասած` ինձ դուր է գալիս պարզ, բնական նաեւ կանացի եւ դասական տեսքը: Այսպիսով, երբ աշխատում եմ հնդկական կերպարների վրա, միեւնույնն է` ձգտում եմ պահպանել պարզն ու դասականը:

- Իսկ ինչպե՞ս սկսեցիք համագործակցել բոլիվուդյան աստղերի հետ:

- Իմ համագործակցությունը Բոլիվուդի հետ ինքնաբերաբար ստացվեց: Այստեղ ես աշխատում եմ  մի գործակալության հետ, որտեղ ինձ ներկայացնում  են որպես միջազգային դիմահարդարի եւ վարսահարդարի: Մի քանի ամսագրերի հետ աշխատելուց հետո իմ մասին լավ կարծիք ձեւավորվեց ու ինձ սկսեցին հրավիրել բոլիվուդյան աստղերի հետ համագործակցության: Առաջին անգամ աշխատել եմ Պարինետի Չոպրայի եւ Ալիա Բաթի հետ` VOGUE ամսագրի շապիկի համար:

- Կպատմե՞ք հայտնի դերասանուհի, մոդել եւ երգչուհի Պրիանկա Չոպրայի հետ Ձեր համագործակցության մասին:

- Պրիանկա Չոպրային դիմահարդարել եմ Grazia ամսագրի շապիկի համար: Նա շտապում էր, ինչպես միշտ…Նրա օրը շատ հագեցած է, ու նա միշտ մի վայրից մյուսն է վազում: Այնուամենայնիվ, շատ բարեհամբույր անձնավորություն է:

- Վերջերս աշխատեցիք նաեւ 1994 թ-ին «Միսս աշխարհ» տիտղոսին արժանացած հանրահայտ Այշվարիա Ռայի հետ: Ինչպիսի՞ զգացողություն էր աշխարհի ամենագեղեցիկ կանանցից մեկի հետ համագործակցելը:

-Հրաշալի էր աշխատել Այշվարիայի հետ: Ես փոքր-ինչ հուզվում էի, քանի որ նախկինում չէի համագործակցել նրա հետ, իսկ նա եղել է ու միշտ էլ կմնա միակ եւ անկրկնելի Այշվարիա Ռայը:  Զարմացել էի նրա բարության վրա…Շատ բարեհամբույր էր եւ հաճախ էր հարցնում, արդյոք չե՞մ ցանկանում որեւէ բան ուտել կամ խմել, փորձում էր օգնել ինձ` պահելով դիմահարդարման պարագաներս, որպեսզի հեշտացնի իմ աշխատանքը: Ես նրան դիմահարդարում էի նրա բնակարաններից մեկում, որտեղ նա ինձ ծանոթացրեց իր ամուսնու եւ ընկերներից մեկի հետ: Այշվարիայի հետ աշխատելը հեշտ էր ու հաճելի: Ինձ համար մեծ պատիվ է նրա բարձր գնահատականը:

- Մարդիկ հաճախ են ֆորումներում քննարկում Այշվարիայի տեսքը: Օրինակ, կարելի է հանդիպել մեկնաբանությունների, թե Այշվարիա Ռայն առանց դիմահարդարման այդքան էլ գեղեցիկ չէ, կամ  նրա աչքերի գույնը բնական չէ… Որպես Այվարիայի հետ աշխատած դիմահարդար` ի՞նչ կասեք նմանօրինակ խոսակցությունների մասին:

- Այշվարիան իմ տեսած ամենագեղեցիկ կանանցից մեկն է: Առանց դիմահարդարման էլ նա նույնքան գեղեցիկ է, որքան դիմահարդարմամբ: Նրա մաշկը շատ սպիտակ է, իսկ աչքերի շրջանում կնճիռներ գրեթե չկան: Այշվարիան շատ չնչին շտկումների կարիք ունի, քանի որ, գրեթե, անթերի է: Կարող եմ 100 %-ով վստահեցնել, որ նրա աչքերի գույնը բնական է, եւ նա լինզաներ չի կրում:

- Մարիաննա, իսկ հոլիվուդյան աստղերից ո՞ւմ հետ կցանկանայիք համագործակցել:

- Կցանկանայի համագործակցել Բեյոնսեի, Ռիհաննայի, Նիքոլ Շերզինգերի եւ Քիմ Քարդաշյանի հետ:

- Մինչ օրս կատարած Ձեր աշխատնքներից որի՞ համար եք, հատկապես, հպարտ:

-Դժվար է նշել, քանի որ այնքան շատ համագործակցություններ եմ ունեցել` ամսագրերից մինչեւ հեռուստատեսային գովազդ ու հայտնի մարդիկ…Ցանկացած ասպարեզում էլ հպրտությամբ եմ աշխատել, բայց կառանձացնեմ Այշվարիայի հետ համագործակցությունս:

- Հայտնի է, որ հաճախ հենց Դուք եք հանդիսանում Ձեր քրոջ` Իվետա Մուկուչյանի ոճաբանը: Հայկական շոու-բիզնեսից էլ ո՞ւմ հետ կցանկանայիք աշխատել:

-Ցավոք, ես ու քույրս հաճախ իրարից հեռու ենք գտնվում, աշխարհի տարբեր ծայրերում ենք բնակվում. ուստի միշտ չէ, որ կարողանում եմ աջակցել նրան դիմահարդարման ու վարսահարդարման հարցերով: Բայց երբ միասին ենք լինում, անպայման, ֆոտոշարք ենք իրականացնում: Ինչ վերաբերում է հայկական շոու-բիզնեսի այլ ներկայցուցիչներին, ցավոք, այդքան էլ ծանոթ չեմ նրանց հետ, որպեսզի կոնկրետ անուններ նշեմ…

- Այնուամենայնիվ, ի՞նչ կասեք հայկական շոու-բիզնեսի ներկայացուցիչների ոճի մասին:

- Ես սիրում եմ կանացիությունն ու դասականը եւ չեմ ընդունում, երբ ամեն ինչ շատ է արվում: Մազերը հաճախ շատ ծավալուն են լինում, աչքերը ծանրաբեռնված են լինում չափից շատ ստվերաներկով ու կեղծ թարթիչներով, շուրթերը շատ վառ են լինում եւ այլն:  Կցանկանայի նրանց ավելի քիչ դիմահարդարմամբ տեսնել` առանց աչքի մատիտի, պարզապես, կոկիկ դեմքով ու բնական մազերով:

-Իսկ որպես դիմահարդար` ի՞նչ խորհուրդ կտաք հայ աղջիկներին եւ կանանց:

-Խորհուրդ կտամ, որ երբեմն քիչ դիմահարդարմամբ դուրս գան: Շատ դեպքերում պետք է, պարզապես, կրել ամառային թեթեւ շրթներկ ու թարթչաներկ: Երբեմն, դա ավելի լավ է նայվում, քան շատ դիմահարդարված դեմքն ու աչքերը:

Ես սիրում եմ դիմահարդարումը, բայց այն չպետք է միշտ կրել…Այն, ուղղակի, պետք է օգնի, որ կարողնաք ընդգծել ձեր բնական գեղեցկությունը:

 

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search