• 100,000 փուչիկներից պատրաստված տոնածառ. Անգլիայում ռեկորդային ինստալյացիան զվարճացնում է և աջակցում բարեգործությանը

  Անգլիայում բացվել է 25 ոտնաչափ (մոտավորապես 7.6 մետր) բարձրության տոնածառ՝ պատրաստված 100,000 փուչիկներից։ Տեղադրման նպատակն է ոչ միայն տարածել տոնական տրամադրություն, այլև գումար հավաքել բարեգործական նպատակներով․․․

• Զատկի ձվերը զարդարելու երեք գաղափար՝ արագ եւ զվարճալի

  Զատկի կիրակին մոտ է, եւ դուք, հավանաբար, արդեն հավաքել եք ձվերը ներկելու համար անհրաժեշտ բոլոր պաշարները․․․

• 2025 թվականի կանաչ փայտե օձի խորհրդանիշը. ինչպես դիմավորել այն և ինչ սպասել

  2025 թվականն ըստ արևելյան օրացույցի կանցնի Կանաչ Փայտե օձի հովանու ներքո։ Ամանորի գիշերվա նախօրեին պատմում ենք, թե ինչ սպասել խորհրդանիշից գալիք տարում....

• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Ամանորյա նվերներ՝ ոճային, համեղ, օրիգինալ

  Նախաամանորյա եռուզեռը հոգնեցուցիչ է, բայց չնայած դրան՝ հաճելի շրջան է․․․

• Գարեջրի Օրերը կզովացնեն Զաքյան փողոցը

  Հուլիսի  22-ին և 23-ին՝ ժամը 14։00-ից մինչև 22։30-ը, Երեւանի Զաքյան փողոցում տեղի կունենա տարվա մենափրփրուն իրադարձությունը՝ «Գարեջրի Օրերը», որի կազմակերպում է «Երևանի Գինու Օրեր» փառատոնի հիմնադիր «ԷվենտՏուրա» ընկերությունը....

• Ժիզել Բյունդխենը եւ Ալեսանդրա Ամբրոսիոն իրենց ժամանցն են վայելում Ռիո դե Ժանեյրոյի աշխարհահռչակ կառնավալում

  Դիմակներ, շքեղ հագուստներ, լույսեր, հրավառություն․․․

• Ռիո դե Ժանեյրոյում մեկնարկել է աշխարհի ամենամեծ դիմակահանդեսը

  Միլիոնավոր մարդիկ ուղիղ եթերում դիտելու են այն․․․

-Թիֆլիսը քեֆ անելու ամենալավ քաղաքն է աշխարհում:

-Վրաստանում հանգստանալ կարելի է եւ պետք է ոչ միայն Բաթումիում ու Քոբուլեթիում:

-Վրացական ճաճան խմելու բան չէ:

Առաջին երկու պնդումներիս հետ կարող եք եւ չհամաձայնվել, սակայն ճաճայի մասին գնահատականս բեկանման ենթակա չէ:

Անշնորհակալ գործ է Վրաստանը հայաստանցիներին ներկայացնելը. Տարեկան մի քանի հարյուր հազար հայաստանցիներ են հանգստանում Բաթումիում, Քոբուլեթիում եւ այլ հանգստավայրերում: Բայց ամեն անգամ Վրաստան այցելելիս հերթական անգամ զարմանում եմ, թե որքան լավ են վրացիները կարողանում իրենց երկիրը, մշակույթն ու խոհանոցը ներկայացնել, մատուցել զբոսաշրջիկներին:

Մարտին Վրաստանի տուրիզմի ազգային վարչակազմը ճանաչողական այց էր կազմակերպել ԱՊՀ երկրներից մի խումբ լրագրողների համար՝ ներկայացնելով Վրաստանի զբոսաշրջային ենթակառուցվածքները: Վրաստանում բազմաթիվ հետաքրքիր վայրեր կան, ուր կարող է այցելել հայաստանցի զբոսաշրջիկը։ Մեր այցելության առաջին կանգառը մայրաքաղաք Թբիլիսին էր, հատկապես նրա հին մասը։

Հին քաղաք

Թբիլիսիի Հին քաղաքը մի քանի մշակույթների միաձուլում է, այստեղ եւ վրացական եկեղեցիներ կան, եւ հայկական եկեղեցիներ, մահմեդական մզկիթ, հրեական սինագոգ։ Հին քաղաքի զարդը, անշուշտ, Շարդենի փողոցն է՝ նեղլիկ անցումներով, ռեստորաններով, պատկերասրահներով։ Հին քաղաքի զարդը Նարիկալա ամրոցն է։ Նարիկալան առաջին տեղն է, որ արժե գնալ Թբիլիսիում, հենց թեկուզ նրա համար, որ այդ ամրոցից է բացվում լավագույն տեսարանը դեպի Վրաստանի մայրաքաղաքը։ Նարիկալա կարելի է բարձրանալ ոտքով, բայց ավելի հարմար եւ հաճելի է ճոպանուղին։ Այն եւս դարձել է Թբիլիսիի այցեքարտերից մեկը։

Մետեխի տաճարն ու Վախթանգ Գորգասալի արձանը

Քուրի ափին կանգնած է Մետեխի տաճարը՝ կառուցված 7-րդ դարում։ Այն Վրաստանի մայրաքաղաքի ամենահին եւ հայտնի շինությունն է։ 13-րդ դարում տաճարը հողին են հավասարեցրել մոնղոլները, բայց վրացական իշխանությունն արագորեն վերականգնել է։ 15-րդ դարում տաճարը քանդել են պարսիկները, իսկ 19-րդ դարում այն դարձել էր կազակական զորքերի զորանոց։ Մինչեւ 20-րդ դարի կեսերը տաճարի մոտ ամրոց կար, որը ծառայել է նաեւ որպես բանտ։ Մետեխի տաճարի մոտ կանգնած է Թբիլիսիի հիմնադիր Վախթանգ Գորգասալ արքայի բրոնզաձույլ արձանը։

Ածխային բաղնիքները

Թբիլիսի այցելող զբոսաշրջիկը պարզապես պարտավոր է այցելել ածխային բաղնիքներ։ Բաղնիքները գործում են սկսած 14-րդ դարից։ Բաղնիքները ոչ միայն լողանալու վայր էր եղել, դրանք նաեւ յուրօրինակ ակումբներ էին քաղաքի բնակիչների եւ հյուրերի համար, նաեւ հնագույն խաղատներ, որտեղ կոճ էին խաղում։ Բաղնիքների դիմաց այժմ «կոճի»-ի արձանն է։

Աբանոթուբանի

Բաղնիքներից քիչ հեռու նեղ կիրճ կա՝ գեղեցիկ ջրվեժով, որը նախկինում քանդված եւ վտանգավոր էր, սակայն այժմ վերականգնել են։ Կիրճը դարձել է սիրահարների սիրելի վայրերից մեկը Թբիլիսիում։

Սեբաստացի սուրբ քառասուն մանկանց եկեղեցի

Հին Թբիլիսիում վերականգնում են ամեն ինչ։ Կան նաեւ նոր եկեղեցիներ, որոնցից մեկը հին հայկական Սեբաստացի սուրբ քառասուն մանկանց եկեղեցին է։ Քանդված եկեղեցու տեղում այլ շինություն է եղել, որը գնել էր վրացի մի գործարար՝ ռեստորան կառուցելու համար։ Սակայն հողը փորելիս հայտնաբերել էին եկեղեցու հիմքերը եւ գործարարը տարածքը նվիրել էր վրացական եկեղեցուն։ Այժմ այստեղ նույն անունով, բայց արդեն վրացական եկեղեցի է կանգնած։

Նորաշեն Սուրբ Աստվածածին եկեղեցին

Հին Թբիլիսիում է գտնվում հայկական Նորաշեն Սուրբ Աստվածածին եկեղեցին՝ կառուցված 1467 թվականին։ Ներկայումս եկեղեցում վերականգնողական աշխատանքներ են կատարվում։

Գաբրիաձեի ժամացույցը

Շարդենիփողոցի ամենագեղեցիկ անկյուն Թբիլիսիի Խամաճիկների թատրոնն է՝ իր հայտնի աշտարակով։ Թատրոնը բացվել է 1981 թվականին, իսկ աշտարակը ընդամենը 2010 թվականին, թեեւ նայելիս տպավորություն ես ստանում, թե այն դարերի պատմություն ունի։ Ամեն ժամ աշտարակից դուրս է գալիս ոսկեթեւ հրեշտակն ու խփում զանգերը, իսկ օրվա մեջ երկու անգամ ժամացույցի ստորին հատվածում բացվում է երկաթյա վարագույրը եւ փոքրիկ ներկայացում է ցուցադրվում։

Սիոնի եկեղեցին

Վրաստանի մայրաքաղաքում պարտադիր այցելելու վայրերից մեկը Սիոնի եկեղեցին է, որը մինչեւ 2006 թվականը՝ վրաց կաթողիկոսի նստավայրն էր։ Կառուցվել է այն 6-րդ դարում, բազմիցս քանդվել եւ վերականգնվել՝ մեզ հասնելով այս տեսքով։ Եկեղեցու մասունքներից ամենահիշարժանը Սուրբ Նինոյի խաչն է, որը պահվում է Սիոնի եկեղեցում։

Թբիլիսիի, հատկապես Հին քաղաքի յուրաքանչյուր անկյունը մի պատմություն է, ափսոս, չենք կարող ներկայացնել բոլորը։ Փոխարենը դուք կարող եք գնալ եւ ձեր աչքով տեսնել։

Հաջորդիվ կպատմենք Սղնախիի, Ցինանդալիի, Մցխեթի, Գուդաուրիի եւ այլ վայրերի մասին։

Շարունակելի....

Հետևեք NEWS.am STYLE-ին Facebook-ում, Twitter-ում և Instagram-ում