Մի քանի տարի առաջ ներկա էի Նյու Յորքի փոքրիկ պատկերասրահներից մեկում բացված ցուցահանդեսի, որին հիմնականում մասնակցում էին պատկառելի տարիքի տնային տնտեսուհիներ, որոնք ինքնարտահայտվել էին իրենց աշխատանքներում. իհարկե գեղեցիկ ու արժեքավոր ստեղծագործություններ նույնպես կային։ Ուշադրությունս գրավեց մի տատիկ, որը նույնպես ներկայացրել էր իր գործերը։ Չնայած նրա աշխատանքները այնքան էլ տպավորիչ չէին, տատիկը, որն ըստ իր արտաքին տեսքի՝ մոտ 70 տարեկան, ինքնին ասես արվեստի գործ լիներ...
Նա հագել էր հիփի ոճի տաբատ, թեք դրված կեպկա, կրում էր մեծ ականջօղեր, ինչպես նաեւ չէր մոռացել «ստեղծագործ» դիմահարդարման մասին։ Նրա տեսքը հուշում, կարելի է ասել՝ աղաղակում էր, որ նա արվեստի մարդ է։ Բացման արարողության ժամանակ յուրաքանչյուր մասնակից հակիրճ ներկայացնում իր աշխատանքները։ «Իմ» տատիկը հայտարարեց, որ նա նախընտրում է ամբողջովին մերկ նկարել այգում, որպեսզի նրա բոբիկ ոտքերը զգան հողի շունչն ու էներգիան. իմ հարուստ երեւակայությունը միանգամից ուրվագծեց այդ սյուրռեալիստական պատկերը։ Չնայած տատիկի պատկառելի տարիքին՝ նրա էներգիան բնական աղբյուրի պես հորդում էր, իսկ նրա՝ սեւաներկ մատիտով ընդգծված կապույտ աչքերն այնքան լի էին կենսուրախությամբ, որ ես անգամ նախանձեցի նրան։ Տատիկի մեջ կար մի բան, որի վրա նույնիսկ ժամանակն էր անզոր եղել։ Այո, ժամանակը իր դաժան հետք թողնել էր նրա մաշկի վրա՝ խորը կնճիռներ առաջացնելով, բայց ոչ մի ազդեցություն չէր ունեցել նրա հոգու եւ ոգու վրա։ Այս կինն ուներ անմահություն պարգեւող ազատություն։ Ճիշտ է, նա երբեք մեծանուն նկարչուհի չէր դառնա եւ նրա աշխատանքները, հավանաբար, կհայտնվեին աղբանոցում, բայց նա իրենով անմահ կմնար, քանի որ նրա ազատությունը իրական ու բնական էր...Չգիտեմ, միգուցե Նյու Յորքի շունչն էր ինձ արբեցրել, բայց այս տատիկը ցույց տվեց ինձ, որ 70 տարեկանում կյանքը դեռ նոր է սկսվում եւ դեռ շատ շուտ է ինքդ քեզ «կյանքից դուրս գրես»։ Եվ ես մեծ ցավ ապրեցի, որ հայ տաճիկները կյանքի որոշակի շրջանից սկսած պատրաստվում են այն աշխարհ գնալուն՝ հրաժարվելով ներկան վայելելուց։
Իհարկե, դուք կասեք, որ մեզ մոտ կենսաթոշակները ցածր են, կամ մի՞թե պարտադիր է այգում մերկ նկարել՝ կյանքը վայելելու համար։ Իսկ ինչու՞ ոչ... չէ՞ որ կարեւորը «պահը բռնացնելն է»։ Այն ակնթարթը, երբ տիեզերքը վերամիավորվում եւ թույլ է տալիս քեզ զգալ երկրային երջանկության թեթեւ շունչը։ Թող որ մեկի համար «հողի ջերմությունը» զգալը լինի, իսկ մեկ ուրշի համար՝ այգում թռչունների դայլայլը լսելը։ Ծերանում է միայն մարմինը, իսկ հոգին միշտ երիտասարդ է մնում։ Այսպես է ասում իմ 85-ամյա տատիկը։ Նա միշտ սեւ զգեստով է, գրեթե միշտ տանն է եւ պարբերաբար մեզ ուղղություն է ցույց տալիս, թե որտեղ պետք է իրեն թաղենք։ Այո, նրա առողջական վիճակը այն չէ, կենսաթոշակն էլ բարձր չէ, բայց նա ողջ է, եւ մեր ու ձեր խնդիրն է նրան ու մյուսներին ստիպել կրկին զգալ կյանքի համը։ Ուստի, մի շտապեք ծաղրել Երեւանում երբեմն հանդիպող, արտասովոր տեսքով տատիկներին՝ խենթ համարելով նրանց։ Թույլ տվեք նրանց վայելել իրենց կյանքի, միգուցե, վերջին ակնթարթները։ Չէ՞ որ հոգեպես նրանք, ինչպես նաեւ դուք, ընդամենը 20-ամյա երիտասարդներ են...
Ալեքս Ալիխանյան
Հետևեք NEWS.am STYLE-ին Facebook-ում, Twitter-ում և Instagram-ում
19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով17:29, 21 նոյեմբերի
Բացահայտվել է արքայազն Հարիի և Մեգան Մարքլի՝ Մեծ Բրիտանիա հանկարծակի վերադարձի անսպասելի պատճառը16:19, 21 նոյեմբերի
Մելանիա Թրամփը քննադատել է ամուսնու շրջապատին. առաջին տիկնոջ խոսքով՝ Դոնալդին շրջապատել են միայն քծնողների15:22, 21 նոյեմբերի
Մաքոլեյ Կալկինը վերադառնում է «Տանը մենակ» ֆիլմին. պաշտամունքային ֆիլմն անսպասելի շարունակություն կունենա14:18, 21 նոյեմբերի
Քիմ Քարդաշյանը մի հարսնացուի համար կվերադարձնի անցյալի բույրը. հուզիչ պատմությունը գրավել է TikTok-ը13:12, 21 նոյեմբերի
«Նա հետ ուղարկեց իմ պաստան». Ջեյմի Օլիվերը 30 տարի անց հիշել է Ռոբերտ Դե Նիրոյի հետ կապված նվաստացուցիչ դեպքը12:01, 21 նոյեմբերի
Երբեմն մի ամբողջ կյանք է անցնում հինգ կանգառի արանքում, իսկ ամենակարևոր խոսքերը մնում են չասված. Քրիստ Մանարյանի «Հինգ կանգառ» դրաման11:12, 21 նոյեմբերի
Քրիս Փրատը բոլորից վա՞տ է համբուրվում. Ջենիֆեր Լոուրենսը կազմել է հոլիվուդյան աստղերի անսպասելի վարկանիշ10:30, 21 նոյեմբերի
«Պենելոպե, օ՜, Պենելոպե…». երբ սպասումը դառնում է ճակատագիր, իսկ հավատարմությունը՝ ընտրություն09:00, 21 նոյեմբերի
ՆՈՅԵՄԲԵՐԻ 21-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ