Վերջերս իմացել եմ, որ Սինգապուրում հանրային զուգարաններում ջուրը չքաշելու դեպքում քաղաքացուն տուգանում են։ Ընդ որում, սա բավականին լուրջ խախտում է համարվում, քանի որ տուգանքը կազմում է 500դոլար։ Կարծում եմ, որ Հայաստանում նույնպես պարտադիր պետք է կիրառել այս տուգանքը, քանի որ այլ կերպ հնարավոր չէ մեր համաքաղաքացիներին սովորեցնել հարգել մյուսներին։ Չգիտեմ, թե ինչպիսի պատկեր է մյուս երկրներում, բայց Հայաստանում այն իսկական աղետ է։ Ես աշխատում եմ քաղաքի կենտրոնում գտնվող գրասենյակում։ Շենքում կան տարբեր կազմակերպություններ, կա անվտանգության համակարգ եւ կողմնակի անձիք չեն կարող ներս մտնել։ Բայց, ներողություն եմ խնդրում մանրամասների համար, այնտեղ կարիքներդ հոգում ես միայն ծայրահեղ անհրաժեշտության դեպքում։ Ընդ որում, պետք է մտնելուց առաջ քաջություն հավաքել, իսկ հետո ախտահանիչ գելով մաքրել այդ հատվածները։ Ուղղակի մղձավանջ է։
Պարզվում է, որ մենք մինչեւ այսօր չենք սովորել մեր հետեւից զուգարանի ջուրը քաշել։ Ավելին, եթե հանրային զուգարան է, ուրեմն կարելի է անգամ միզել զուգարանակոնքի շուրջբոլորը, օգտագործված միջադիրներն ու զուգարանի թղթերը թողնել գետնին։ Այնպիսի տպավորություն է, որ քեզ նախորդող մարդիկ շարժվել են «Ինձանից հետո թեկուզ ջրհեղեղ» սկզբունքով։ Մենք ամեն ինչ արել ենք՝ բողոքել ենք, հատուկ հայտարարություններ եւ ցուցումներ գրել զուգարաններում, մի անգամ ես նույնիսկ սկսեցի գոռալ ամբողջ միջանցքում, թե ինչ եմ մտածում զուգարանից օգտվողների մասին։ Անօգուտ է։ Ես խղճում եմ մեր մաքրուհուն։ Մի առավոտ նա անգամ ինձ ասաց. «Այո, ես հավաքարար եմ, բայց չի կարելի այսքան խոզ լինել»։ Չեմ հասկանում, միթե այդքան դժվար է բնական կարիքները հոգալուց հետո զուգարանի ջուրը քաշել. չէ՞ որ տանը մենք բոլորս էլ առանց որեւէ դժվարությունների անում ենք դա։ Եվ ինչով են մեղավոր մյուսները, ովքեր ստիպված են հանդուրժել իրենցից առաջ զուգարանից օգտված մարդկանց փնթիությունն ու անդաստիարակությունը։
Ընդ որում, խնդիրն առկա է ոչ միայն մեր գրասենյակում. իմ ծանոթներից շատերն են բողոքում այս խնդրից։ Իմ ընկերներից մեկն անգամ այնքան էր զզվել, որ տեսախցիկի մուլյաժ էր դրել։ Բայց դա էլ չի օգնել։ Ուստի, հարկավոր է անցնել տուգանքի մեթոդին եւ տուգանքը պետք է շատ մեծ լինի՝ նվազագույնը 10000 դրամ։ Անհրաժեշտ է նաեւ տուգանել փողոցում աղբ նետելու համար։ Տուգանք՝ ամեն ծխախոտի մնացորդի համար, որը մարդիկ գցում են մայթեզրին։ Միգուցե, այսպես մարդիկ կսկսեն հարգել իրենց եւ շրջակա միջավայրը։ Այլ տարբերակ չեմ տեսնում։
Օֆելյա Վ.
Հետևեք NEWS.am STYLE-ին Facebook-ում, Twitter-ում և Instagram-ում
13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել