Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

NEWS.am STYLE Exclusive: Ինչպես է «Կարիբյան ծովի հայազգի ծովահեն» Մարկո Խանը գերազանցել թուրք դերասաններին եւ ինչու՞ է ներողություն խնդրել Քրիստեն Ստյուարտից

12:04, 9 սեպտեմբերի

«Կարիբյան ծովի ծովահենները», «Երկաթե մարդը», «Ճամբար X-Ray», «10 000 տարի մ.թ.ա.»` կարելի է շարունակել հոլիվուդյան այն ֆիլմերի ցուցակը, որտեղ նկարահանվել է հայազգի դերասան Մարկո Խանը (Մարկո Խանլյան): Հայտնի նախագծերում Ջոննի Դեփի, Քիրա Նայթլիի, Քրիստեն Ստյուարտի, Ռոբերթ Դաունի կրտսերի և մի շարք այլ աստղերի հետ աշխատած  դերասանը նշում է. «Իմ կյանքի լավագույն աշխատանքը տղայիս միայնակ` սեփական ուժերով մեծածցնելն էր: Դա ամենակարևոր բանն է, ինչ արել եմ մինչ օրս»:

 NEWS.am STYLE-ը ներկայացնում է բացառիկ հարցազրույց Հոլիվուդի ամենահայտնի հայերից մեկի հետ:

- Մարկո, ինչպե՞ս հայտնվեցիք Հոլիվուդում: 

- Մինչ ֆիլմերում նկարահանվելը ես զբաղվում էի ռեստորանային բիզնեսով: 12 տարի աշխատել եմ ամեն օր` 12-14 ժամ: Չունեի անձնական կյանք… Իսկ 1993 թ-ին հայրս մահացավ: Իմ պատմությունը հասկանալու համար նախ եկեք ներկայացնեմ նրա պատմությունը:

Երիտասարդ տարիքում հայրս հրաշալի օպերային երգիչ էր. նրան համեմատում էին Էնրիկո Կարուզոյի և Մարիո Լանզայի հետ: Սակայն ավելի ուշ նա ստիպված էր թողնել երգելը և այլ աշխատանք փնտրել, որպեսզի կարողանար պահել իր ընտանիքը: Տարիներ անց, երբ ձեռք բերեցի իմ ռեստորանը, նա այնտեղ սկսեց երգել օպերային երգեր: Ես այնքան հպարտ էի, որ 64 տարեկանում նա այդքան լավ ձայն ուներ: Երբ տեսնում էի հորս աչքերի փայլը, մտածում էի. «Այս մարդը պետք է շարունակեր երգել, քանի որ երբ երգում է, իրեն հանդիսատեսի առջև է պատկերացնում»: Ցավոք` նա մահացավ 64 տարեկանում` սրտի կաթվածից: Նրա մահից հետո ես սկսեցի մտածել, որ չեմ ցանկանում ինչ-որ բանի համար զղջալ իմ կյանքում և որոշեցի անել այն, ինչն ինձ, իսկապես, դուր է գալիս: Սկզբում որոշեցի դառնալ ֆուտբոլիստ: Հետո հիշեցի, որ հայրս ասում էր. «Երբ գնանք Ամերիկա, կվիրահատենք քո քիթն ու դու կնկարահանվես ֆիլմերում»: Նա ի՞նչ իմանար, որ հենց իմ քիթն է դառնալու իմ այցեքարտը: Այսպիսով, ինձ մոտ ցանկություն առաջացավ նկարահանվել ֆիլմերում, բայց ես չունեի ոչ մի կապեր: Փակեցի ռեստորանս, որպեսզի այլևս հետ չնայեմ և մարզասրահի ընկերներիս խորհրդով դարձա երկրորդ պլանի դերասան: Քանի որ շատ ատլետիկ կառուցվածք ունեի, ինձ հրավիրեցին աշխատելու The Universal Studios-ում` «Ջրերի աշխարհ» և «Վայրի-վայրի արևմուտք» նախագծերում:

- Իսկ ինչպե՞ս սկսվեց Ձեր համագործակցությունը հայտնի ռեժիսորների և դերասանների հետ:

- Որպես երկրոդ պլանի դերասան` ես հաճախ էի մարմնավորում թիկնապահների, կամ, այսպես ասած, «վատ տղաների», ինչն, իրականում իմ օգտին եղավ: Մի անգամ ռեժիսորն ասաց. «Ինձ դուր չի գալիս այն, որ դու կանգնում ես գլխավոր դերակատարների կողքին և ոչինչ չես ասում»: Հետո ինձ խոսքեր տվեցին: Հետագայում ռեժիսորն ինձ հարցրեց. «Ի՞նչ ես անում այստեղ»: Ես էլ պատասխանեցի. «Ուզում եմ նկարահանվել»: Նա էլ, թե. «Ինչո՞ւ ես ընտրել ստվերում մնալը: Դու հետաքրքիր արտաքին ունես, դերասանական դասընթացների հաճախիր, իսկ հետո կապվիր ինձ հետ»: Այսպիսով, սկսեցի հաճախել դերասանական դասընթացների ու ամեն ինչ այդպես սկսվեց:

Որդու հետ

- Հոլիվուդյան մի շարք աստղերի հետ եք նկարահանվել: Ո՞ւմ հետ էր, հատկապես, տպավորիչ աշխատելը:

-Շատ տաղանդավոր դերասանների հետ եմ պատիվ ունեցել աշխատելու, ինչպիսիք են` Ջոննի Դեփը, Ադամ Սենդլերը (3 անգամ), Ռոբերթ Դաունի կրտսերը, Քրիստեն Ստյուարտը, Կամիլլա Բելլը, Սթիվեն Սթրեյթը, Ալբերտ Բրուքսը և այլք…Համագործակցել եմ նաև ռեժիսորներ Ռոլանդ Էմերիխի (2 անգամ), Գոռ Վերբինսկու և Ջոն Ֆավրոյի հետ: Շատ անուններ կան, որոնց կցանկանայի նշել, բայց նրանցից յուրաքանչյուրի հետ աշխատելն էլ յուրահատուկ զգացողություն էր և դժվար է նշել միայն մեկին:

Ատոմ Էգոյան եւ Մարկո Խան

-Ինչպես արդեն նշեցիք, շատ հայտնի ռեժիսորների հետ եք աշխատել: Իսկ կա՞ն այնպիսիք, որոնց հետ կցանկանայիք ապագայում համագործակցել:

- Մեծ սիրով կաշխատեմ նրանց հետ, ում հետ արդեն աշխատել եմ, ինչպես նաև ցանկացած ռեժիսորի հետ, ով կցանկանա տեսնել ինձ իր ֆիլմում: Հնարավորության դեպքում սիրով կաշխատեի նաև Հայաստանում, Եվրոպական երկրներում, Ռուսաստանում…Հետագայում էլ կցանկանայի աշխատել Ռոլանդ Էմերիխի հետ, քանի որ նա հրաշալի ֆիլմեր է նկարում:

Մարկո Խան եւ Ռոլանդ Էմերիխ

-«Կարիբյան ծովի ծովահենները 2: Մեռյալի սնդուկը»  ֆիլմում մարմնավորում եք ազգությամբ թուրք ծովահենի: Ինչպե՞ս Ձեզ տվեցին այդ դերը:

- (Ծիծաղում է): Լսումներին մասնակցում էին նաև երկու թուրք դերասաններ: Մեզ բոլորիս կանչեցին ռեժիսոր Գոռ Վերբինսկու և պրոդյուսեր Ջերրի Բրուքհայմերի մոտ: Երբ Ջերրին և Գոռը մեզանից յուրաքանչյուրին խնդրեցին թուրքերենով որևէ բան ասել, թուրք դերասանները համոզված էին, որ իրենցից մեկին են ընտրելու: Մենք պետք է ձևացնեինք, թե ինչ-որ մարմին ենք նետում ծովը և թուրքերենով բառեր ասեինք: Այդ թուրքերն արդեն գժվում էին, որովհետև Գոռի ու Ջերրիի ամբողջ ուշադրությունն ինձ վրա էր: Դե, ավելորդ է արդեն ասել, որ նրանք ինձ ընտրեցին: Քանի որ ֆիլմը պետք է սկսվեր այդ տեսարանով, ես էի օրվա գլխավոր դերասանը. բազում զրույցներ ունեցա ռեժիսորի և պրոդյուսերի հետ, ինձ տարբեր անկյուններից նկարահանեցին, բայց ինչպես Հոլիվուդում ընդունված է` այդ կադրերից շատերը կրճատեցին: Երանի~ պահեին…

Մարկո Խանը՝ Օմար Շարիֆի հետ

-Մարկո, սովորաբար «վատ տղաների» եք մարմնավորում: Հե՞շտ են տրվում Ձեզ այդ դերերը:  

-Այո, ճիշտ է` ֆիլմերից շատերում չարագործների եմ մարմնավորում, բայց եթե համեմատեք իմ մյուս հերոսներին «Աստված մահացած չէ», «Ծղոտե տիկնիկներ» և «Ճամբար X-Ray» ֆիլմերում մարմնավորած իմ հերոսների հետ, կզգաք տարբերությունը: Նրանք ավելի խորը կերպարներ են: Կցանկանայի նաև կատակերգությունում աշխատել: Իմ այդ կողմը ոչ բոլորին է հայտնի:

Մարկո Խան, Կամիլա Բել եւ Հարալդ Քլոզեր

- Ձեր մարմնավորած կերպարներից, հատկապես, ո՞ր մեկը կառաձնացնեիք:

-Կառանձնացնեի միաչքանի կերպարիս («Մ.թ.ա. 10 000 տարի առաջ»), քանի որ նրա վրա աշխատել եմ 6 ամիս և կարողացել եմ ստեղծել այդ հերոսին: Իսկ հիմա, երբ ավելի մեծ փորձ ունեմ, նաև կառանձնացնեի Միսրաբին («Աստված մահացած չէ»), Մահմուդին («Ճամբար X-Ray») և Գևորգին («Ծղոտե տիկնիկներ»):

Մարկո Խան եւ Էրիկ Ռոբերթս

-«Ճամբար X-Ray»-ում Ձեր խաղընկերուհին «Մթնշաղի» աստղ Քրիստեն Ստյուարտն է: Ինչպե՞ս էր նրա հետ աշխատելը:

-Քրիստենի հետ աշխատելը հրաշալի էր: Շատ պրոֆեսիոնալ դերասանուհի է: Ըստ սցենարի` պետք է կռվեի նրա հետ և թքեի նրա երեսին: Սակայն ես դա անել չէի կարողանում և երեսին թքելու փոխարեն նրա համազգեստի վրա էի թքում: Բայց սցենարն այլ բան էր պահանջում…Ես մոտեցա Քրիստենին և ռեժիսորին ու ասացի. «Ես նախկինում երբեք չեմ թքել որևէ մեկի երեսին, էլ չասեմ, որ այս դեպքում խոսքը գնում է մի երիտասարդ աղջկա մասին, ում համար ես հայր կարող էի լինել»:

Դրանից հետո Քրիստենն ինձ մի կողմ քաշեց և ասաց. «Դու պե՛տք է դա անես: Ես ուզում եմ, որ անես»: Դա անելուց հետո ես մոտեցա նրան, ներողություն խնդրեցի և գրկեցի: Հետագայում` երեկույթներից մեկի ժամանակ նա մոտեցավ ինձ և ասաց. «Ինձ քո հասցեն տուր: Ուզում եմ քեզ շնորհակալական բացիկ ուղարկել»: Նրա հետ էլի մեծ սիրով կաշխատեի:

- Իսկ ներկա պահին ի՞նչ նախագծերի շուրջ եք աշխատում:

-Ներկայումս աշխատում եմ խոշոր բյուջե ունեցող մի ֆիլմի վրա, որի մասին դեռևս չեմ կարող խոսել: Նաև իմ սեփական նախագծերն եմ ստեղծում` կատակերգական ժանրից մինչև էքշն…Եթե կան հովանավորներ, սիրով կհամագործակցեմ :)

-Ի՞նչ խորհուրդ կտաք այն հայ դերասաններին, ովքեր ցանկանում են հայտնվել Հոլիվուդում:

-Դերասանական դասընթացների հաճախելը շատ կարևոր է: Պետք է հստակ գիտակցեք, թե ինչ տիպի դերեր եք ցանկանում խաղալ: Սակայն միայն դերասանությունը բավական չէ, պետք է լինես կրթված, որպեսզի կարողանաս ֆինանսապես էլ աջակցել ինքդ քեզ: Նկարահանման հրապարակում ընկերացիր բոլորի հետ, երբեք չես կարող իմանալ, թե նրանցից ով հայտնի կդառնա: Հոլիվուդում աշխատելու համար պետք է սահուն տիրապետել անգլերենին: Երբեք չպետք է դիմացինին թերագնահատել: Եթե քննադատում են, պետք է ընդունել քննադատությունը և սովորել դրանից, չպետք է հուսահատվել, եթե մերժում են…Եթե նկարահանվելը ձեր տարերքն է, ուրեմն երբեք չհանձնվեք:

Կցանկանայի Հայաստանում էլ ստեղծել Հոլիվուդ, որտեղ կլինեն պրոֆեսիոնալ դերասաններ, ռեժիսորներ և պրոֆեսիոնալ աշխատակազմ, որպեսզի այստեղ էլ գային տարբեր երկրներից մասնագետներ նկարահանումներ իրականացնելու համար, և ոչ թե իրենց հետ բերեին սեփական անձնակազմին, այլ ասեին. «Մենք պետք է աշխատենք հայերի հետ: Նրանք պրոֆեսիոնալներ են»:

- Եթե չեմ սխալվում, Դուք դեռ չեք եղել Հայաստանում: Մոտ ապագայում Հայաստան այցելելու ծրագրեր ունե՞ք:

-Դժբախտաբար, դեռ չեմ եղել…Երբ ժամանակ ունեի, գումար չունեի, երբ գումար ունեի, ժամանակ չկար…Բայց գիտեմ, որ շուտով կգամ ու վստահ եմ, երբ հասնեմ Հայաստան, ծնկի կիջնեմ և կհամբուրեմ հողը: Երբ լսեմ, թե ինչպես են իմ քույրերն ու եղբայրները խոսում իմ մայրենի լեզվով, կարտասվեմ, բայց դրանք կլինեն երջանկության արցունքներ…

 

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել