Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Ժողովուրդների բարեկամություն» փառատոնի իսրայելական պատվիրակության այցը Ծիծեռնակաբերդ (Ֆոտոռեպորտաժ)

19:29, 29 ապրիլի

Այսօր՝ ապրիլի 29-ին, Երևանում «Ժողովուրդների Բարեկամություն» փառատոնի շրջանակներում կայացավ համերգ, որտեղ ելույթ են ունեցել Իսրայելի,  Վրաստանի և Հայաստանի երիտասարդ կատարողները։ Մայրաքաղաքի հյուրերը այցելեցին  Հայոց ցեղասպանության զոհերի հուշահամալիր։

NEWS.am STYLE–ի հետ զրույցում Հայաստանում հրեական համայնքի ղեկավար Ռիմա Վարժապետյանը նշեց այս տեսակ միջոցառումների անցկացման կարևորությունը.

«Սա մեծ միջազգային նախագիծ է, որը ստեղծվել է Իսրայելի նախաձեռնությամբ և աջակցությամբ։ Փառատոնի շրջանակներում, որտեղ անցկացվում է նաև մրցույթ (երգ և պար),  Իսրայելից Հայաստան են ժամանել 100-120 մասնակից։ Երաժիշտների մի խումբ ցանկություն է հայտնել այցելել հուշահամալիր։ Մեզ համար սա մեծ իրադարձություն է, քանի որ Հայոց ցեղասպանության 101-ամյակին նվիրված ֆորումի շրջանակներում, որը տեղի ունեցավ ապրիլի 23-ին,  նշվում էր հենց երիտասարդների դաստիարակության և կրթության մասին։ Երիտասարդությունը կիմանա այս իրադարձությունների մասին, և սա, ինչպես ասում են, մի մեծ գործի առաջին քայլն է։ Ի վերջո, այս նախաձեռնությունը հարգանք է  հայ ժողովրդին»:

«Ինչպես հայ, այնպես էլ հրեա ժողովուրդը, անցել է դաժան փորձություններով։ Մենք ձեզ հետ ենք։  Կարծում եմ, չի կարելի գալ Հայաստան և չայցելել այս հուշահամալիրը։ Վաղն այստեղ կլինի նաև երկրորդ խումբը։ Մեր երեխաները Հայոց օրհներգը կնվագեն, նաև եբրայերեն մի երգ կկատարեն, որը պատմում է, թե ինչ են զգում մարդիկ․․․չէ որ կարևոր չէ, թե քանի մարդ է զոհվել՝ 1,5 միլիոն, թե 2․․․Մինեւնույն  է, սարսափելի է»,-  իր հերթին նշեց իսրայելական պատվիրակության անդամ Լյուդմիլա Գուզևան (քաղաք Արիել)։

«Մենք «Ժողովուրդների բարեկամություն» փառատոնի մասնակիցներ ենք։ Սա եզակի կրթական, գեղարվեստական, ստեղծագործական նախագիծ է։ Այստեղ հավաքվել է Իսրայելի, Վրաստանի և, իհարկե, Հայաստանի երիտասարդությունը։ Բացի այն, որ այստեղ կարելի է ցուցադրել պարային և ձայնային տաղանդը, սա հրաշալի իրադարձություն է միավորվելու, քանի որ արվեստը միավորում է բոլոր մասնակիցներին։ Տարբեր միջոցառումներից և հանդիպումներից հետո հետևում ես մասնակիցներին և հասկանում, որ գոյություն չունի ոչ մի սահման և կարևոր չէ, թե որ երկրից են նրանք՝ նրանք ուղղակի միասին են և հաճույք են ստանում միմյանց հետ շփվելիս։ Մենք պարզապես բացահայտեցինք մեզ համար Հայաստանը։ Իսրայելի երեխաները հիացած են ջերմ հյուրընկալությունից։ Նրանք առաջին անգամ են այստեղ և առաջին հերթին դուր եկավ մարդկային շփումը։ Ես՝ որպես մանկավարժ և մարդ, որը զբաղվում է կրթությամբ, պարտքս էի  համարում պատանի աշակերտներիս բերել այստեղ, քանի որ արդեն նշել եմ՝ կարևոր չէ, թե քանի մարդ է սպանվել։ Սրանք  հրեշավոր իրադարձություններ են, և երեխաներին պետք է պատմել, չէ՞ որ սա  այս տեսակ ահարկու իրադարձությունները կանխելու առաջին ճանապարհներից մեկն է։  Հուսով ենք՝ որքան շատ պատանի և  առհասարակ մարդիկ իմանան այս մասին, այնքան քիչ կլինեն վայրերը, որտեղ պետք է հավաքվել և այս արարողություններն անցկացնել» - ասաց կիբուցի իսրայելյան երաժշտական դպրոց-ակադեմիայի տնօրեն Ստաս Գավրիլովը։

Նյութը՝ Մելինե Տոնոյանի եւ Եվա Նավասարդյանի 


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել