POPcorn blog. Լիսաբոնյան արկածներ

Ազնավուրի երգերը՝ Ազնավուրի հրապարակում. համերգ՝ նվիրված լեգենդար շանսոնյեի 94-ամյակին

«Այն, ինչ կարեւոր է Հայաստանի համար, կարեւոր է նաեւ մեզ համար». Շառլ Ազնավուրը նշում է 94-ամյակը

Խաշ՝ Դիլիջանում, ժենգլայով հաց՝ Արցախում. CNN-ի հաղորդումը՝ Հայաստանի մասին

Գեղանկարիչ Դավիթ Դանիելյանի էմոցիոնալ կտավներն ու ցուցահանդեսի հայտնի հյուրերը

VARDA-ի «գիշերային պարը սիրեցյալի համար»

Բլոգ Լի. «Թանգարանային գիշերը» Երեւանում

Երեւանում 14-րդ անգամ անցկացվեց «Թանգարանային գիշերը»

«Եվրատեսիլ 2018». ամփոփիչ հոլովակ NEWS.am STYLE-ից

Արքայազն Հարրիի եւ Մեգան Մարքլի հարսանեկան արարողությունը

Հայ դերասանուհիները՝ գայթակղիչ հոլովակում

Բլոգ Լի. Գինու փառատոն․ Զբոսաշրջիկներն ու մասնակիցները՝ միջոցառման մասին

Երեւանում մեկնարկել են Գինու օրերը

Սրբուհի Սարգսյանի եւ Allusion Band-ի համերգը՝ նվիրված հաղթանակի օրվան

«Եվրատեսիլ 2018». Սեւակ Խանաղյանն իր պարտության մասին

«Շոկի մեջ ենք, որ Սեւակը չանցավ եզրափակիչ»․ Wiwibloggs-ի Ուիլյամն ու Դեբանը՝ «Եվրատեսիլի» առաջին կիսաեզրափակիչի արդյունքների մասին

«Եվրատեսիլ 2018». Սեւակ Խանաղյանի ելույթը՝ առաջին կիսաեզրափակիչում

«Եվրատեսիլ 2018»․ Սեւակ Խանաղյանի ելույթը ժյուրիի համար

Շրջազգեստ և կիսաշրջազգեստ սպորտային կոշիկների հետ. Միտում՝ համարձակ աղջիկների համար

14:18, 28 օգոստոսի

2015-ին համացանցը ողողվեց կանանց ու աղջիկների՝ շրջազգեստ-սպորտային կոշիկ համադրությամբ նկարներով: Նորաձևության համաշխարհային շուկայում ի հայտ եկած այս միտումը լայն տարածում գտավ հասարակության շրջանում:

2014-ի Փարիզյան նորաձևության շաբաթի ընթացքում, երբ Կառլ Լագերֆելդը ներկայացրեց Chanel գարուն-ամառ հավաքածուն, մոդելները բեմահարթակ բարձրացան շանելային շնչին համապատասխան դասական զգեստներով, իսկ բարձրակրունկ կոշիկների փոխարեն՝ սպորտային թրեյնիներով: Նորաձևության բարձր տներից Chanel-ը միակը չէր: Միլանում կայացած նորաձևության շաբաթի ընթացքում սպորտային կոշիկներով բեմահարթակ դուրս եկան նաև Dior-ի մոդելները:

Chanel բարձր նորաձևության ցուցադրություն. գարուն-ամառ 2014

Մի քանի տարի առաջ սպորտային կոշիկներ հագնում էին միայն սպորտային հագուստի հետ, և դրանցով կարելի էր գնալ քայլելու, վազելու, մարզվելու: Այսօր՝  նորաձևության հայտնի տներում ցուցադրություններից հետո, հոլիվուդյան աստղերի, մոդելների շնորհիվ (Քենդալ Ջեներ, Ջիջի Հադիդ, Թեյլոր Սվիֆթ), այս տենդենցը մասսայական փոփոխություն է մտցնում հասարակության մեջ.  սպորտային կոշիկներով կարելի է գնալ նույնիսկ հարսանիքի՝  նմանվելով 2000-ականների հայտնի սերիալ «Վայրի հրեշտակ»-ի  հերոսուհուն:

Քենդալ Ջեներ

Հարց է առաջանում՝ մի՞թե  բոլորը միանգամից անհարմարավետ զգացին բարձրակրունկ կոշիկների վրա և որոշեցին միանգամից ոճափոխվել, թե հետևեցին համաշխարհային աստղերի օրինակին:

Տենդենցի հետ քայլելու համար միայն շրջազգեստ-սպորտային կոշիկ համադրությունը բավարար չէ, պետք է լինել նաև  համարձակ:

Երբ գեղեցկությանը փոխարինելու է գալիս հարմարավետությունը

Զգեստը կանացիությունն ու նրբագեղությունը ներկայացնող խորհրդանիշ է: Այն կարելի է հագնել առօրյա կյանքում,  գործնական հանդիպումների ժամանակ, աշխատանքի գնալիս, երեկույթների մասնակցելիս: Շրջազգեստը կամ զգեստը կնոջն ավելի վստահ, վեհ ու ազատ է դարձնում, իսկ երբ այն հագնում են սպորտային կոշիկների հետ, կանայք իրենց զգում են ավելի համարձակ ու հարմարավետ:

Ջիջի Հադիդ

Սպորտային կոշիկներն, ի տարբերություն բարձրակրունկ կոշիկների, շատ հարմարավետ են, մեծ պահանջարկ ունեն: Սպորտային կոշիկ-շրջազգեստ համադրությունը լայն տարածում ունի հատկապես արվեստագետների, լրագրողների կյանքում, քանի որ կարելի է միևնույն ժամանակ լինել և՛ խնամված ու գեղեցիկ,  և՛ զգալ ազատ. կարողանալ հազարավոր կիլոմետրեր շրջագայել:

Նման հագուկապի խնդիրը մի փոքր այլ է գործնական հանդիպումների ժամանակ: Կանգնում ես երկընտրանքի առաջ՝ գնալ գործնական հանդիպման դասական հագուստով և սպորտային կոշիկով, թե՞ … :  Ինչևէ, եթե որոշել ես անպայման այդ հանդերձանքով գնալ, պետք է ուշադրություն դարձնել գոնե հագուստի և կոշիկի  գույների ընտրությանը և բավարարվել մուգ  և միագույն սպորտային կոշիկներով:

Նորաձև  և «անճաշակ» լինելու  սահմանագծին

Սպորտային կոշիկները շրջազգեստի հետ համադրելուց առաջ պետք է լինել պահանջկոտ ՝ չբավարարվելով միայն նորաձևությանը հետևելու ցանկությամբ:

Սպորտային կոշիկների հետ շրջազգեստ և կիսաշրջազգեստ ընտրելիս կինը պետք է հետևի, որ հանդերձանքը լինի ներդաշնակ իր կազմվածքին:  Պետք է խուսափել այնպիսի համադրությունից, որը կարող է կարճացնել հասակը: Երկար զգեստների հետ սպորտային կոշիկներ ցանկալի է, որ հագնեն նիհար, ձիգ, երկարաոտ աղջիկները, իսկ կարճ հասակ ունեցողները այս համադրությամբ  կնմանվեն դեռահասների:

 

Շրջազգեստ-սպորտային կոշիկ համադրության համար կարելի է ընտրել Lifestyle ոճի կոշիկները, որոնք նախատեսված չեն մարզանքների համար: Այսօր  սպորտային կոշիկներ արտադրող մի շարք ընկերություններ ներկայացնում են իրենց Lifestyle հավաքածուները, որոնք հանգիստ կարելի է հագնել շրջազգեստի հետ, այսպիսներից է Converse-ը, Michael Kors-ը, Vans-ը, իսկ ավելի համարձակները կարող են հագնել Keds և Toms ընկերությունների կողմից արտադրված կոշիկներ: Սպորտային կոշիկներ- շրջազգեստ ավելի շատ կարելի է հագնել առօրյայում, զբոսնելիս, իսկ երեկոյան զգեստների հետ շատերին տրված չէ լինել այսպես համարձակ, բայց կան նաև այսպիսի աղջիկներ. «Մթնշաղ» սագայի հերոսուհի Քրիստեն Ստյուարտին կարելի է տեսնել երեկոյան զգեստներով՝ Keds-ից մինչև, Vans, Converse, նա իրեն չի զոհաբերում հանուն գեղեցկության, այլ գնում է դեպի հարմարավետություն` սպորտային կոշիկներով հայտնվելով հոլիվուդյան կարմիր գորգերին:

Քրիստեն Ստյուարտ

Ռիհաննա

Թեյլոր Սվիֆթ

Հայ աստեղերի մեջ առավել շատ սպորտային կոշիկ-շրջազգեստ տենդենցին են հետևում «Full House» սիթքոմի դերասանները՝ Արփի Գաբրիելյանը, Անի Երանյանը, Մարինկա Խաչատրյանը, երգչուհիներ Սոֆի Մխեյանը, Սոնա Ռուբենյանը և ուրիշներ:

 

Ամալյա Մարգարյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Մեկնե՞լ, թե՞ մնալ. ինչպես է իր ապագան տեսնում հայ երիտասարդությունը
Այո, մեկնել
Ոչ, մնալ