• Մեծ էկրաններին արդեն ամանորյա տրամադրություն է․ «Հարսնացուն Ամերիկայից կամ Նոր տարվա կինո 2» ֆիլմի պրեմիերան  

  Ֆիլմն ամանորյա նոր կատակերգություն է, որը խոստանում է ոչ միայն ծիծաղ ու տոնական տրամադրություն, այլև սիրո, ընկերության ու մարդկային արժեքների մասին հուզիչ պատմություն...

• «ՄԻԱՑՈՒՄ». հայկական ռեփ անկախության և ժամանակակից Հայաստանի իրականության մասին  

  Նախագծի պրոդյուսերը ռեփեր, հանրային գործիչ NAY 374 -ն է, ով այս գործի համար համախմբել է հայաստանցի ու արցախցի 6 ռեփերների՝ Inadu, Morphe US, B58, Ara Kelly One, Dibeta, Enomenal։ Տեսահոլովակի նկարահանման համար ընտրվել է Հայոց այբուբենի հուշարձանը՝ որպես մեր ազգի միավորման խորհրդանիշ...

• UFC-ի մարտիկ Մելսիկ Բաղդասարյանը կնկարահանվի Ժան-Կլոդ Վան Դամի նոր մարտաֆիլմում

  Խառը մենամարտերի (MMA) հայ մարտիկ Մելսիկ Բաղդասարյանը համալրել է «KATANA» նոր մարտաֆիլմի դերասանական կազմը։ Ֆիլմի գլխավոր դերում հանդես է գալու Ժան-Կլոդ Վան Դամը, հայտնում է Armenian Film Society-ն...

• «Փորձում եմ հիշողությանս մեջ պահել քո անհոգ մանկության յուրաքանչյուր վայրկյանը». Եվա Բաղդասարյանը հուզիչ գրառում է արել որդու 11 ամսականի առթիվ

  Դերասանուհի Եվա Բաղդասարյանը շարունակում է սոցիալական ցանցերի իր հետևորդների հետ կիսվել ընտանեկան ջերմ ու հիշարժան պահերով…

• Զիրոյանը ներկայացրեց այն երգը, որը տարիներ առաջ նվիրել էր Իննա Խոջամիրյանին, բայց փոխված տարբերակով. ինչպե՞ս արձագանքեցին երկրպագուները

  Օրեր առաջ Զիրոյանը իսկական ինտրիգ առաջացրեց սոցիալական ցանցերի իր էջերում՝ ներկայացնելով իր՝ «Իմն ա» երգի ու տեսահոլովակի անոնսը…

• Ռիհաննան և Ֆրենսիս Քյուրքջյանը բացահայտում են նոր J’adore Intense օծանելիքի նոտաները

  Ռիհաննան և Christian Dior-ի օծանելիքի ստեղծագործական տնօրեն Ֆրենսիս Քյուրքջյանը ներկայացնում են նոր J’adore Intense օծանելիքի բույրային նոտաները՝ բացահայտելով դրա ստեղծման գաղտնիքները…

• Սամվել Թադևոսյանը հպարտանալու առիթ է տալիս, Սիլվա Հակոբյանի անակնկալը՝ դստեր մասնակցությամբ, Զիրոյանի նոր երգի շուրջ ստեղծված ինտրիգը. Instagram

  Ներկայացնում ենք աստղային շաբաթվա ամենաքննարկված իրադարձություններն ու ուշագրավ հրապարակումները…

• NANxME. Նանուլի ոճային անակնկալը՝ երկրպագուներին (VIDEO)

  Երգչուհի Նանուլը, չնայած երիտասարդ տարիքին, արդեն նվաճում է ոչ միայն երաժշտության ու պարային արվեստի, այլև գեղեցկության և նորաձևության ոլորտը…

Բելգիահայ երգչուհի KeyOh-ը օրերս ամուսնացել է: Հարսանիքի խնջույքի, հարսի զգեստի ու իր նորաստեղծ երջանկության մասին երգչուհին առաջինը կիսվեց NEWS.am STYLE-ի հետ:

«Հարսանիքս հենց այնպիսին էր, ինչպիսին, որ ես էի երազում: Ամուսինս՝ Ջեյսոնը, ամեն ինչ արեց իմ գեղեցիկ օրն ապահովելու համար: Նույնիսկ, կատակով հարցրեց. «Ինձ էլ կհրավիրե՞ս քո հարսանիքին»:)

Ամուսինները դեռեւս չունեն շատ լուսանկարներ հարսանեկան խնջույքից, այնպես որ՝ մեզ պես անհամբերությամբ են սպասում իրենց երջանիկ պահերն անմահացրած կադրերին.

«Հարսանեկան զգեստիս հեղինակը Մարիամ Ղարիբյանն է: Մենք այն միասին ենք ստեղծել: Այն պատրաստել ենք վեց ամսում եւ ես հինգ անգամ ստիպված եմ եղել մեկնել Պրահա՝ այն փորձելու համար: Բայց զգեստն, իրոք, արժեր դրան: Մարիամն իսկական արվեստի գործ է ստեղծել: Զգեստն իր վրա կրում է հայկական եւ հունական զարդեր՝ դրանք իմ եւ Ջեյսոնի խորհրդանիշներն են»,-ասում է երջանիկ KeyOh-ը:

Իր ամուսնու՝ Ջեյսոնի, հետ երգչուհին ծանոթացել է Բեռլինում՝ աշխատանքի բերումով:

«Մեր սիրո պատմությունը սկսվեց այն պահից, երբ ես տեսա նրան: Ջեյսոնը խնդրեց բռնել ձեռքս, ես էլ կատակեցի. «Միայն այն դեպքում, եթե կամուսնանաս ինձ հետ»: Դա երկու տարի առաջ էր: Եկեղեցում՝ արարողության ժամանակ, նա շշնջաց ականջիս. «Ասում էի, չէ՞, եթե թույլ տաս բռնել ձեռքդդ, ես կամուսնանամ քեզ հետ…»»:

Խոսելով իր ամուսնու հատկանիշների մասին՝ KeyOh-ը նշում է.

«Ջեյսոնն այն տղամարդն է, որին ես միշտ պահել եմ իմ մտքում: Ես դա միշտ նրան ասում եմ: Նա շատ հոգատար է, սիրալիր, խելացի եւ համբերատար: Ինձ հետ այնքան էլ հեշտ չէ, բայց նա, իրոք, իմ հեքիաթային արքայազն է»:

Նորապսակներն այժմ իրենց մեղրամիսը վայելում են Հունաստանում: Սակայն առջեւում նրանց սպասում է ճանապարհորդություն դեպի Միացյալ Նահանգներ.

«Ամուսինս երբեք այնտեղ չի եղել, իսկ ես միշտ երազել եմ ապրել կամ Սան Ֆրանցիսկոյում կամ Լոս Անջելեսում: Փառք Աստծո՝ մենք միշտ կիսում ենք միմյանց երազանքներն ու ամեն հարցում աջակցում ենք իրար»:

NEWS.am STYLE-ը երջանկություն ու հարատեւ սեր է մաղթում KeyOh-ին եւ Ջեյսոնին:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում