• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Հոլիվուդում նկարահանվող ամերիկահայ հայտնի դերասան Մայքլ Գուրջյանի մասին արդեն պատմել ենք` ներկայացնելով նրա հետ մեր բացառիկ հարցազրույցը, որտեղ Մայքլը պատմում էր Քրիստիան Բեյլի, Մորգան Ֆրիմանի, Քըրք Դուգլասի եւ հոլիվուդյան այլ մեծությունների հետ իր համագործակցությունների մասին: Դերասանը նաեւ նշել էր, որ հեղինակել է «Բեաթրիս» վերնագրով մի նովել:

Հոկտեմբերի 26-ին Մայքլը, վերջապես, երկրպագուների դատին կհանձնի իր նոր գիրքը, որը, սակայն, վերանվանվել է եւ այժմ կոչվում է What Lies Beyond The Stars («Ինչ կա աստղերի ետեւում»):

Նոր գրքի եւ իր առաջիկա աստղային համագործակցության մասին Մայքլ Գուրջյանն առաջինը պատմեց NEWS.am STYLE-ին:

-Մայքլ, մեր նախորդ զրույցի ընթացքում նշել էիք, որ գիրքը, որի վրա այդ ժամանակ աշխատում էիք, կոչվում է «Բեաթրիս»: Հետաքրքիր է` ինչո՞ւ որոշեցիք վերանվանել այն: 

-Հրատարակիչն այդպես որոշեց: Նրա կարծիքով` դա գրքի համար ավելի ձգող վերնագիր է: Սկզբում մի փոքր կասկածում էի, բայց հիմա ինձ ամեն ինչ դուր է գալիս: 

-Որքա՞ն ժամանակ եք աշխատել այս գրքի վրա:

-Այս գրքի վրա մոտ 4 տարի աշխատել եմ: Այդ ընթացում պահեր են եղել, երբ մտածել եմ ամեն ինչ թողնել եւ հանձնվել, քանի որ գիրք գրելն, իրոք, դժվար գործընթաց է, բայց հիմա անչափ հպարտ եմ արդյունքով: 

-Կարճ կներկայացնե՞ք, թե ինչի մասին է գիրքը: 

-Ես, սովորաբար, ասում եմ, որ այս գիրքը գիտափիլիսոփայական ժանրի է: Այն պատմում է Սան Ֆրանցիսկոյի եւ Սիլիկոնե հովտի տեխնոլոգիական զարգացումների մասին, որոնց կիզակետում մի տղամարդ է: Նա փորձում է պայքարել տեխնիկայի պատճառով մարդկանց միջեւ ծագած հեռավորությունների դեմ: Չէ ՞որ, մեր կյանքը հիմա լցված է տեխնիկայով եւ ամենուրեք միայն էկրաններ են: Այդ տղամարդը սկսում է երազել այն ժամանակների մասին, երբ նա դեռ փոքր էր, երբ չկային համակարգիչներ եւ նա վերադառնում է իր ծննդավայրը, որը կոչվում է Մանդեսինո` սա հրաշալի վայր է` Հյուսիսային Կալիֆորնիայում: Այնտեղ նա հանդիպում է մի կնոջ, որին մանուկ ժամանակ էր ճանաչում, բայց այսօր նա վստահ չէ` դա նա է, թե ոչ: Առեղծվածային շատ բաներ կան այս նովելում. սա նաեւ սիրո պատմություն է: 

-Մայքլ, քանի որ նաեւ դերասան եք, պրոդյուսեր եւ ռեժիսոր, հնարավո՞ր է, որ այդ ստեղծագործության հիման վրա նաեւ ֆիլմ նկարահանեք: 

-Ճիշտն ասած` ստեղծագործությունը գրվել է որպես սցենար: Տարիներ առաջ այն գրելով` ցույց տվեցի հրատարակիչներից մեկին, որն ինձ առաջարկեց վերածել այն գրքի: Ես այդպես էլ արեցի, իսկ հիմա արդեն մտածում եմ դրա հիման վրա ֆիլմ ստեղծելու մասին:

Ինչ վերաբերում է  ֆիլմի վերնագրին` դեռ չգիտեմ` արդյոք այս դեպքում էլ կփոխենք վերնագիրը, թե ոչ: Այն դեռեւս կոչվում է «Բեաթրիս»: Երբ ավելի շատ տեղեկություն լինի ֆիլմի մասին, խոստանում եմ կիսվել ձեզ հետ:

-Գիրքը հայ ընթերցասերներին հասանելի կլինի՞: 

-Հուսով եմ, որ այդպես կլինի: Այս պահին հստակ ոչինչ չեմ կարող ասել, բայց Հայաստանում մի ընկեր ունեմ, որի հետ կապ կհաստատեմ եւ կխոսենք գրքի հնարավոր թարգմանության մասին: Կարծում եմ` հրաշալի կլինի:

Գիտեմ, որ գիրքը վաճառվելու է Անգլիայում եւ Եվրոպայի մի շարք այլ երկրներում: Անպայման կաշխատեմ այն ուղղությամբ, որ այն թարգմանվի նաեւ հայերեն: 

-Իսկ Հայաստան այցելելու ծրագրեր չունե՞ք: 

-Օհ, շատ կցանկանայի գալ Հայաստան: Հիմա, երբ արդեն վերջացրել եմ գրքիս աշխատանքները, կարծում եմ, արժանի եմ ճանապարհորդության: Երեւանը հրաշալի վայր կլինի հանգստանալու համար: Հույս ունեմ, որ ընտանիքիս հետ կգանք Հայաստան: Այդտեղ շատ ընկերներ ունեմ, որոնց վաղուց չեմ տեսել: Արդեն 10 տարի է` չեմ եղել Հայաստանում, ինձ շտապ անհրաժեշտ է վերադառնալ: 

-Բացի գրքից` էլ ի՞նչ նախագծերի վրա եք աշխատում այս շրջանում:

-HBO հեռուստաալիքն աշխատում է մի ֆիլմի վրա, որտեղ գլխավոր դերում հանդես են գալիս Ռոբերտ Դե Նիրոն եւ Միշել Փֆայֆերը: Այն կոչվում է Wizard of Lies («Ստի վարպետը») եւ պատմում է ամերիկացի գործարար Բերնի Մեդոֆի եւ նրա ֆինանսական բուրգի մասին: Ես եւս նկարահանվել եմ այդ ֆիլմում:

Ինչ վերաբերում է աշխատանքային այլ նորություններիս` նշեմ, որ What Lies Beyond The Stars գիրքն ունենալու է շարունակություն: Այնպես որ` առաջիկայում դեռ աշխատելու եմ այդ գրքի վրա: 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում