Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Կես միլիոն ֆունտ արժողությամբ զգեստ եւ Կիրկորով. Տաջիկ օլիգարխի դստեր հարսանիքը Մոսկվայում

10:15, 1 նոյեմբերի

Օլիգարխների շքեղ հարսանիքները Ռուսաստանում աչք են ծակում՝ ճգնաժամային այս ժամանակներում փորձելով գերազանցել միմյանց: Դրանք կազմակերպողները պետք է վերցնեին ու նորից կարդային 1914-17 թվականների ռուսական պատմությունը, չէ՞ որ եթե արջը զարթնի, նրան այլեւս որեւէ ազգային գվարդիայով չես կանգնեցնի:

Դե, Աստված նրանց հետ...

Եվ այսպես: Տաջիկ օլիգարխ Իլհոմ Շոկիրովի դուստրը՝ Մադինան, ամուսնացել է: Ըստ Life-ի՝ նրա հարսանիքը կայացել է օրերս, Մոսկվայում: Հանդիսությունն անցկացվել է Radisson Royal հյուրանոցում, ուր ազդեցիկ ընտանիքը 900 մարդու է հրավիրել: Տաջիկ «արքայադստեր» ընտրյալը Սարդոր անունով երիտասարդ է:

Մադինան հարսանիքին ներկայացել է Ralph & Russo-ից զգեստով՝ 500 հազար ֆունտ սթեռլինգ արժողությամբ: Թագավորական զգեստը կազմված է մի քանի շերտ շղարշից, կարված մետաղական արծաթե թելով եւ մի քանի հազար մարգարիտներով եւ Սվարովսկի բյուրեղներով:

Բեմում հյուրերին զվարճացրել է Իվան Ուրգանտն իր սանի՝ Ալլա Միխեեւայի եւ երգչուհի Գլյուկոզայի հետ: Իր շոու-բալետի հետ ելույթ է ունեցել նաեւ Ֆիլիպ Կիրկորովը, իսկ նորապսակներն առաջին պարը պարել են «Երկինքը երկրի վրա» երգի ներքո, որը կատարել է դաղստանցի երգիչ Տիմուր Թեմիրովը:

Սոսոն երգել է «Աղոթենք ծնողների համար»: Ուրախության իր բաժինն է ներդրել հարսի եւ փեսայի սիրելի կատարողը՝ Լեոնիդ Ագուտինը: Ընդհանուր առմամբ, ժամանցի ծրագրի համար օլիգարխը միջինը 30 մլն ռուբլի է ծախսել:

Հյուրերին ավանդական միջինասիական ուտեստներ են մատուցել, էլիտար ալկոհոլ եւ տորթ՝ հրուշակագործ Ռենատ Աղզամովից:

Հարսանիքից առաջ հարսնացուն երկու աղջիկների հավաք է կազմակերպել. առաջինը նախընտրել է նշել իսպանական Մարբելիեում, զբոսանավի վրա, ուր Շոկիրովան լավագույն ընկերուհիների հետ ուղեւորվել է մասնավոր օդանավով: Երկրորդ երեկույթը հարսանիքից մեկ օր առաջ կազմակերպել են Մոսկվայի ամենաթանկ ռեստորաններից մեկում՝ Balzi Rossi-ում:

Հարսնացուի հայրը՝ գործարար Իլհոն Շոկիրովը, Տաշքենդի ամենաթանկարժեք հյուրանոցի՝ «Գրանդ»-ի սեփականատերն է, նրան է պատկանում Ուզբեկստանի «Դեմիր» առեւտրի-ժամանցի կենտրոնի 65%-ը, նաեւ մի քանի հյուրանոց ունի Մերձմոսկվայում:

2010 թվականին Իլհոմ Շակիրովը շքեղ հարսանիք էր կազմակերպել որդու համար, որն ամուսնացավ Ուզբեկստանի վարչապետ Ռուստամ Ազիմովի դստեր հետ:


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search