• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

Գարիկ Պապոյանի եւ Սոնա Ռուբենյանի համագործակցության արդյունքում հայտնի հայկական հիթերը նոր շունչ են ստացել: Երաժշտասերների կողմից էլ բավականին դրական ընդունվեց նրանց ներկայացրած հայկական երգերի մշակումները:

Եւ ահա, ինչպես սպասվում էր` Գարիկի եւ Սոնայի հաջողված նախագիծն ունեցավ իր տրամաբանական շարունակությունը` համերգի տեսքով, որը կայացավ երեկ` նոյեմբերի 13-ին, Vitamin ակումբում:

Ինչպե՞ս ստեղծվեց այս նախագիծը, ինչպե՞ս են արձագանքել երգիչները` լսելով իրենց երգերի cover տարբերակները եւ ո՞ր երգերն են նախընտրում հենց իրենք` Սոնան եւ Գարիկը: Հարցերի պատասխանները ճշտեցինք նրանցից.

«Երգերը շատ բազմաժանր են: Ժամանակին այս նախագիծը սկսեցինք ռաբիզ երգերի cover տարբերակներով, իսկ հետագայում այն փոխեց իր խորագիրը` դառնալով հայկական երգերի cover-ներ: Մենք անդրադարձել ենք այն սիրված երգերին, որոնք կարոտում ենք, քանի որ քիչ ենք լսում: Վերցրել ենք այն երգերը, որոնց բառերը, կամա, թե ակամա, բոլորը գիտեն եւ երգում են»,-նշեց Գարիկը` ավելացնելով, որ Սոնայի հետ համագործակցելու ցանկությունը պատահական չի եղել, քանի որ ինքը երգչուհու քայլերին հետեւել է նրա կարիերայի սկզբնական շրջանից.

«Ես «Հայ Սուպերսթար» նախագծի ժյուրիի կազմում էի, երբ Սոնան եւս մասնակցեց այդ մրցույթին: Նա այն քիչ մարդկանցից էր, որի երգեցողությունն ինձ տպավորեց: Եւ երբ փնտրում էի այն երգչին, որը կարող էր այս դերը ստանձնել, Սոնա Ռուբենյանը իմ ցուցակի առաջին շարքերում էր, քանի որ մեզ պետք էր նաեւ մեկը, որը բացի լավ երգելուց` կկարողանար նաեւ լավ նվագել, ինչը հրաշալի է ստացվում Սոնայի մոտ»:

Սոնա Ռուբենյանն էլ իր հերթին նշեց, որ մեծագույն հաճույքով է աշխատել այս նախագծի շուրջ.

«Շատ հետաքրքրիր էր հետեւել այդ երգերի փոխակերպան գործընթացին, քանի որ այդ փոփոխությունները շատ ծայրահեղ են եղել: Ինքս մեծ սիրով եմ այս երգերը երգում»,-նշեց երգչուհին, որը մշակված cover-ներից հատկապես առանձնացրեց «Սրտի բանալի» եւ «Նամակ» երգերը: Մինչդեռ Գարիկը դժվարացավ ասել, թե որ երգերն է առավել նախընտրում.

«Բոլորն էլ իմ երեխաներն են, չեմ կարող առանձնացնել որեւիցե մեկը»,-կատակով նշեց երաժիշտը:

Հետաքրքիր էր նաեւ իմանալ` արդյոք նախագծի պրոդյուսերը տեղեկացրե՞լ էր տվյալ երգերի կատարողներին նրանց երգերը մշակելուց եւ ներկայացնելուց առաջ եւ ի՞նչ արձագանքների է արժանացել նախագիծը վերջիններիս կողմից.

«Բացի տվյալ երգերի կատարողներին տեղյակ պահելուց` պարզապես, նաեւ հետաքրքիր էր իմանալ, թե ինչպես է դա արվում օրենքի տեսանկյունից: Երաժիշտների հետ խոսելիս հասկացա, որ ընդհանրապես նման խնդիր չկա, նույնիսկ, ուրախ էին, որ իրենց երգերի cover տարբերակներն ենք ներկայացնում»,-ասաց Գարիկը` հույս հայտնելով, որ համերգը վերջինը չի լինի, քանի որ իր իսկ խոսքով` երգերի վրա շատ երկար են աշխատել:

Ի դեպ, համերգի ընթացքում բացի արդեն հանդիսատեսին հայտնի 8 երգերի մշակումներից` Սոնան եւ Գարիկը ներկայացրեցին եւս 12 սիրված երգերի cover տարբերակներ:

Հետաքրքիր համերգային ծրագրի կատարումներից երկուսը ներկայացնում ենք ձեր ուշադրությանը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում