• Imperial Orchestra-ն՝ կրկին Երևանում. հրաշալի սիմֆոնիկ շոու CINEMA MEDLEY-ն՝ այս անգամ Սյուզաննա Մելքոնյանի կատարմամբ

  Սեպտեմբերի 7-ին Կարեն Դեմիրճյանի անվան մարզահաերգային համալիրում կրկին կհնչի «CINEMA MEDLEY» նախագիծը՝ սիմֆոնիկ նվագախմբի կատարմամբ ամենամեծ և ամենաէմոցիոնալ սաունդթրեքային շոուներից մեկը…

• Սիմֆոնիկ ԿԻՆՈ. Վիկտոր Ցոյի հիթերը՝ նվագախմբի նվագակցությամբ Դեմիրճյանի անվան մարզահամերգային համալիրի բեմում  

  2025 թվականի մայիսի 25-ին Երևանում կկայանա «Սիմֆոնիկ ԿԻՆՈ» համերգը, որի ընթացքում կուլտային խմբի երաժշտությունը կհնչի նոր, նվագախմբային հնչողությամբ...

• Իսպանացի լենգենդար սոպրանո Այնոա Արտետան առաջին անգամ ելույթ կունենա Հյաստանում    

  Իսպանացի լենգենդար սոպրանո Այնոա Արտետան իր գլխապտույտ համաշխարհային կարիերայի ընթացքում առաջին անգամ ելույթ ունենա Հյաստանում: Արտետան հանդես կգա ‹‹Ես գալիս եմ Իսպանիայից›› խորագրով համերգով, մայիսի 18-ին, ‹‹Արամ Խաչատրյան›› համերգասրահում՝ անվանի դաշնակահար Վիկտոր Կարբախոյի նվագակցությամբ...

• Վյաչեսլավ Բուտուսով. «Հիմա իմ խնդիրն իմ ուղերձներում կրքերից ազատվելն է»

  Ռուս ռոք երաժիշտ Վյաչեսլավ Բուտուսովը Երևանում կայանալիք համերգից առաջ համաձայնել է պատասխանել NEWS.am STYLE-ի մի քանի հարցերի․․․

• Դասականի եւ ռոքի բախում. լեգենդար Hooverphonic ռոք խումբը ելույթ կունենա Երեւանում՝ Հայաստանի ֆիլհարմոնիկ նվագախմբի հետ

  «Երբ առաջին անգամ ժամանում ես նոր երկիր, դա նման է գեղեցիկ կնոջ հետ առաջին հանդիպմանը»,-ասում է Ալեքս Քալիերը՝ բելգիական Hooverphonic կուլտային խմբի հիմնադիրը․․․

• Ջենիֆեր Լոպեսն առաջին անգամ ելույթ կունենա Հայաստանում՝ իր Up All Night համաշխարհային շրջագայության շրջանակում

  Ջենիֆեր Լոպեսն իր «Up All Night» համաշխարհային շրջագայության շրջանակում առաջին անգամ ելույթ կունենա Հայաստանում…

• Զեմֆիրան համերգով հանդես կգա Երեւանում

  Զեմֆիրան համերգով հանդես կգա Երեւանում…

• Դենիս Մացուև. «Հայաստանում ինձ միշտ շատ ջերմ եմ զգում։ Թե հոգով, թե ինչպես տանը»

  Դենիս Մացուև. «Հայաստանում ինձ միշտ շատ ջերմ եմ զգում։ Թե հոգով, թե ինչպես տանը»...

Կ.Դեմիրճյանի անվան մարզահամերգային համալիրում նոյեմբերի 27-ին կներկայացվի «KINGS ON ICE PRESENT-FASHION ON ICE» շոու-ծրագիրը: «FORPOSTART Production»-ի ամենասպասված այս իրադարձությունը համախմբել է լավագույններից լավագույններին`պարարվեստի մասնագետներին, ռեժիսորներին, սցենարիստներին, ձևավորողներին, գեղանկարիչներն ու համաշխարհային գեղասահքի աստղերին`Եվգենի Պլյուշչենկոյի գլխավորությամբ:

Լեգենդար գեղասահորդը խոստովանում է, որ իր նախորդ երևանյան ելույթից հետո անհամբերությամբ սպասում էր Հայաստան վերադառնալուն: Եվգենի Պլյուշչենկոն մեզ հետ զրույցում պատմում է «KINGS ON ICE PRESENT-FASHION ON ICE»  բացառիկ շոուի մասին, ինչպես նաև խոսում հայ գեղասահորդների, հաղթանակների ու ընտանիքի մասին:

-Kings on Ice շոուն մեծ ժողովրդականություն է վայելում բազմաթիվ երկրներում: Եթե համեմատենք հայ և այլ երկրների հանդիսատեսին, կնկատե՞նք որևէ տարբերություն: Վերջին անգամ ելույթ եք ունեցել Տալինում, Ձեզ այնտեղ, ինչպես և բազում այլ երկրներում, շատ ջերմ են ընդունել: Ի՞նչ կասեք այդ մասին:

-Մեզ ջերմ են ընդունում ամենուր: “Kings on ice” շոուի համասեփականատերերն են Արի Զաքարյանը, Էդվին Մարտոնը, Եվգենի Պլյուշչենկոն: Այն միջազգային մակարդակի, համաշխարհային մասշտաբի շոու է, որտեղ հանդես են գալիս գերաստղերն ու լավագույն գեղասահորդներն` օլիմպիական, Եվրոպայի և Ռուսաստանի չեմպիոնները: Մենք ավելի շատ շեշտը դնում ենք սպորտային շոուի վրա, քանի որ մեզ մոտ հիմնականում հանդես են գալիս գործող մարզիկները: Բացի այդ, ներկայացման մեջ հանդես են գալիս երիտասարդ խոստումնալից և տիտղոսներ ունեցող մարզիկները: Մեր շոուի ընթացքում ելույթ են ունենում այնպիսի երաժիշտներ, ինչպիսիք են Էդգար Հակոբյանը, Էդվին Մարտոնը: Մենք աճում ենք, նոր համարներ ենք բեմադրում, նոր շոուներ ենք պատրաստում և առաջ ենք շարժվում: Հիմա էլ հատուկ Հայաստանի համար բեմադրում ենք «KINGS ON ICE PRESENT-FASHION ON ICE» ամբողջովին նոր, թարմացված շոուն, որի համար պատրաստել ենք բոլորովին նոր բեմական հագուստներ: Ցուցադրելու ենք նորաձևություն` սառույցի վրա: Շատ հետաքրքիր է լինելու, մասնակցելու են հետաքրքիր երգիչներ, երաժիշտներ:

-Ի՞նչ տպավորություններ ունեք Ձեր նախորդ երևանյան ելույթից “Kings on ice” շոուի շրջանակում:

-Ես երկու անգամ հանդես եմ եկել Հայաստանում, և երկու ելույթներս էլ շատ լավ են ընդունվել: Կարծում եմ, որ Հայաստանում սիրում են գեղասահքը: Այս փաստն ապացուցեց մեր շոուին մասնակցած հանդիսատեսը: Անցյալ անգամ մեզ հետ նաև ելույթ ունեցավ Դիմա Բիլանը, ում հաճույքով հրավիրել էինք ձեր երկիր: 

Հետաքրքիր շոուն շատ լավ ընդունվեց Հայաստանում, ինչպես և աշխարհի ցանկացած կետում: Ուզում եմ շնորհակալություն հայտնել կազմակերպիչներին, ովքեր օգնեցին մեզ իրականացնել շոուն: Ամեն ինչ հիասքանչ էր, միջոցառմանը մասնակցում էր Հայաստանի առաջին տիկինը, ինչպես նաև պաշտոնյաներ, նախարարներ.սա շատ բանի մասին է վկայում: Հուսամ, որ այս անգամ էլ ամեն ինչ կանցնի բարձր մակարդակով:

-Նախորդ անգամ Ձեզ հետ հանդես էին գալիս նաև հայ գեղասահորդներ: Ինչպե՞ս եք գնահատում գեղասահքի զարգացումը Հայաստանում:

-Մի քանի մարզիկ կա, ի դեպ, ես նրանց հետ փոքր-ինչ աշխատեցի նախորդ անգամ, երբ եկել էի մասնակցելու շոուին: Բոլորը հեռանկար ունեցող մարզիկներ են, մենք նրանց սպասում ենք նաև այս տարի. նրանք հանդես են գալու ներկայացման մեջ: Պետք է ավելի շատ մարզվեն, մասնակցեն մրցումների:  Գիտեմ, որ Հայաստանում Ի. Ռոդնինայի գեղասահքի նոր դպրոց է բացվել: Կուզենայի, որ ծնողներն իրենց երեխաներին բերեին այդ դպրոց, որպեսզի նրանք զբաղվեն սպորտով, գեղասահքով: Վերջինս հիանալի մարզատեսակ է:

-Ի՞նչ տպավորություններով եք մեկնել Հայաստանից նախորդ անգամ: Ինչպե՞ս կբնութագրեք Հայաստանն ու հայերին:

-Հայերի հետ ինձ շատ բան է միավորում. իմ տնօրեն, մենեջեր ու ընկեր Արի Զաքարյանը, ում հետ ես աշխատում եմ 15 տարի, հայ է: Մոսկվայում, Սանկտ Պետերբուրգում շատ հայեր են բնակվում, ես շատ հայ ընկերներ ունեմ Հայաստանում: Ես մեկնել եմ հիասքանչ տրամադրությամբ և կրկին վերադառնալու ակնկալիքով: Նոյեմբերի 27-ին շատ քիչ ժամանակ է մնացել: Մենք շուտով ելույթ կունենանք:

-Ինչպիսի՞ն է Եվգենի Պլյուշչենկոն կյանքում:

-Տարբեր` կախված տրամադրությունից: Ես կարող եմ ամբողջ օրն անցկացնել անկողնում, եթե շատ եմ հոգնել, հետո վերականգնվել, սպորտով, ինչ-որ գործերով զբաղվել: Ես կարող եմ 2-3 օր ոչինչ չանել, բայց շրջագայություններից, ճամփորդությունից հետո պետք է առաջ շարժվել: Նույն տեղում երկար մնալ չեմ կարող:  

-Ձեր 3-ամյա որդին` Սաշան, Ռուսաստանում առաջին տղան է, ով հայտնվել է ամերիկյան ամսագրի շապիկին: Ինչպե՞ս կմեկնաբանեք այս փաստը, ի՞նչ զգացողություններ ունեիք: Պատմեք Ձեր որդու մասին, նա կշարունակի՞ Ձեր ուղին:

- Այո, իսկապես, Ալեքսանդրը զարդարել է երկու շապիկ` մեկը` ամերիկյան, մյուսը, եթե չեմ սխալվում, եվրոպական: Այս ճակատում նրա հետ պարապում է մայրը: Սաշան շատ է սիրում դիրքեր ընդունել, լուսանկարվել, բնականաբար նա այդ ամենն անում է խաղալիքների դիմաց, բայց հաճույքով է անում: Նա զուգահեռաբար զբաղվում է սպորտով, սահում է ոչ թե գեղասահքի, այլ հոկեյի չմուշկներով: Մի փոքր ստացվում է: Բացի այդ, հաճախում է նախապատրաստական դպրոց, շատ տաղանդավոր երեխա է, շատ է պարապում, նրա հետ աշխատում են մասնագետները: Շուտով կդառնա 4 տարեկան, ավելի պրոֆեսիոնալ ձևով կհաճախի ֆուտբոլի, հոկեի:

Պարույր Սինյավսկի

Հարցազրույցի իրականացմանը աջակցել են Ռոզա Գրիգորյանն ու Աննա Գրիգորյանը 

Հետևեք NEWS.am STYLE-ին Facebook-ում, Twitter-ում և Instagram-ում