Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Նարեկ Մակարյան. «Իմ սիրտը դեռ ազատ է»

13:28, 17 մարտի

«Հայաստանի ձայնը» նախագծի մասնակից եւ արդեն իսկ կայացած երգիչ Նարեկ Մակարյանը իսկական հայտնություն էր հանդիսատեսի համար: Նրա կատարումները հուզել էին ոչ միայն հայ հանդիսատեսին, այլ նաեւ մի շարք ճանաչված մարդկանց, որոնց թվում էր նաեւ մեծն մաեստրո Շառլ Ազնավուրը: Եւ յուրաքանչյուր իր կատարմամբ Նարեկը ավելի ու ավելի է զարմացնում: NEWS.am STYLE-ը որոշեց ծանոթանալ Նարեկ Մակարյանի հետ:

Կպատմես, ինչպե՞ս է փոխվել կյանքդ նախագծում հայտնվելուց հետո:

Դե, ծանոթացել եմ լավ մարդկանց հետ, ովքեր իրենց գործում պրոֆեսիոնալ են: Ունեմ նոր ընկերներ: Ավելի պատասխանատու եմ դարձել: Ի դեպ, օգտվելով առիթից, ուզում եմ շնորհակալություն հայտնել բոլոր ժյուրիի անդամներին, չէ՞ որ յուրաքանչյուրի խորհուրդների հիման վրա ես կատարելագործվում եմ: Անչափ շնորհակալ եմ:

Իսկ Սոֆի Մխեյանը ինչպիսի՞ մարզիչ է:

Սոֆին շատ պոզիտիվ մի մարդ է, ում ես շատ սիրում ու գնահատում եմ: Ուզում եմ կարեւորել նրա պրոֆեսիոնալիզմը եւ կրեատիվ մտածելակերպը:

Նարեկ, դու կատարել ես բավականին շատ երգեր, որոնց մեջ կարելի է առանձնացնել Շառլ Ազնավուրի եւ Սիրուշոյի կատարումները: Բացի այդ, հիանալի արձագանքներ ես ստացել հենց իրենցից՝ հեղինակներից: Չէ՞իր վախենում, որ մարդիկ չեն ընդունի քո կատարումները:

Ինձ համար մեծ պատիվ էր կատարել թե Սիրուշոյի եւ թե Շառլ Ազնավուրի ստեղծագործությունները, սակայն կար մի վախ, որ հնարավոր է հեռուստադիտողը չհավանի եւ չընդունի, քանի որ սովոր է լսել օրիգինալ կատարումները: Սակայն ի ուրախություն ինձ՝ ամեն ինչ ստացվեց շատ ավելի լավ, քան ես պատկերացնում էի. արժանացա Ազնավուրի, Սիրուշոյի ու հանդիսատեսի բարձր գնահատականին:

Պետք է նշել, որ դու ունես քո սեփական տեսահոլովակը, «Անձրեւը»: Ի՞նչ զգացիր առաջին անգամ այն դիտելուց:

Տեսահոլովակիս հեղինակը Սերժ Գաբյանն է: Քանի որ առաջին տեսահոլովակս էր, շատ էի անհանգստանում եւ չգիտեի, թե ինչպիսինը կստացվի: Սակայն աշխատելով պրոֆեսիոնալ անձնակազմի հետ՝ արդեն իսկ գիտեի, որ որակյալ աշխատանք ենք ստանալու: Եւ նաեւ ուզում եմ նշել, որ մեծ դեր է կատարել նաեւ երգի հեղինակ Արամ Սաթյանը, որը ոգեշնչեց Սերժին լավ տեսահոլովակ ստանալու հարձում:

Քո վերջին կատարումը Սայաթ-Նովայի երգացանկից է: Բավականին դժվար երգ էր, սակայն դու անթերի էիր կատարում: Ինչո՞վ էր պայմանավորված ընտրությունդ:

Շատ էի ուզում ներկայացնել Սայաթ-Նովա «Հայաստանի ձայնը» նախագծում, քանի որ հենց իրեն եմ համարում մեր հայ երաժշտության հիմնասյուներից մեկը: Բացի այդ, ընտրությունս պայմանավորված էր նաեւ նրանով, որ ցանկանում էի, որ մեր հայ երիտասարդությունը ճանաչեր այդ երգը եւ երգեր: Ի դեպ, երբեւիցե չէի փորձել երգել Սայաթ-Նովա, առաջին անգամ էր: Հուսամ, որ լավ է ստացվել:

Նարեկ, մի հարց էլ ունեմ: Քանի որ համոզված եմ, որ դու ունես աղջիկ երկրպագուների մի մեծ բանակ, հարցնեմ. Սիրտդ զբաղվա՞ծ է:

Իմ սիրտը դեռ ազատ է: Ու ասեմ, որ ինձ համար առաջնահերթ կարեւոր է կնոջ ներքին աշխարհը եւ միայն հետո գեղեցկությունը, քանի եր կարեւոր եմ համարում թե դաստիարակությունը եւ թե խելացի լինելը:

Կարո՞ղ եմ քեզ հաղթանակ մաղթել:

«Հայաստանի ձայնը» նախագիծը ինձ համար շատ մեծ դպրոց է, շատ բան եմ քաղել ինձ համար: Ու հաղթանակը չէ, որ ամենակարեւորն է: Կարեւորը հանդիսատեսի համակրանքն է: Ուզում եմ շնորհակալություն հայտնել բոլորին, ովքեր իմ կողքին են եւ օգնում են ինձ շարժվել առաջ: Իսկ բարեմաղթանքի համար շնորհակալ եմ:

 Մարինա Ադուլյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել