Ավարտվեց կամակոր եւ չարաճճի Հրե Կապիկի տարին։ Ուժեղ ու դիմացկունների համար այն բարդ, մարտահրավերներով ու դժվարություններով լի էր, իսկ նպատակասլացներն ու երջանիկները 2016-ին ունեցան նոր ձեռքբերումներ, գրանցեցին մեծ հաջողություններ եւ իսկապես վայելեցին տարին։ Թե որ շարքին եք դասվում դուք, որոշեք ինքներդ, իսկ ահա նրանց համար 2016-ը հաստատ անմոռանալի կլինի, քանզի հենց այս տարի նրանք առաջին անգամ զգացին մայրական բերկրանքը, կատարյալ երջանկություն պարգեւեցին իրենց սիրելիներին ու երջանկացան՝ գրկելով իրենց առաջնեկին։
Իսկ ովքե՞ր են այդ բախտավորները
Ինգա Արշակյան
Հայ հայտնիներից առաջին մայրիկը 2016-ին Ինգա Արշակյանն էր։ Մարտի 2-ին հայտնի դարձավ, որ սիրված արտիստուհին ամուսնուն՝ Աշոտ Սահակյանին, դուստր է պարգեւել։ Չնայած Ինգան իր մենեջերի օգնությամբ միանգամից հայտնեց փոքրիկի անունը՝ Մարիա, բայց երեխային հայ հանդիսատեսը դեռ չի տեսել։
Հասմիկ Կարապետյան
Հասմիկ Կարապետյանը հավանաբար այս օրվան վաղուց էր սպասել։
Դեկտեմբերի 15-ին սիրված երգչուհին լույս աշխարհ բերեց իր առաջնեկին, որին ամուսնու՝ Շանթ Քիրմիզյանի հորդորով անվանակոչեց Տաթեւ։ 39-ամյա Հասմիկի ծննդաբերության մասին միանգամից իմացան բոլորը։
Նույն արագությամբ էլ տարածվեց փոքրիկի առաջին լուսանկարը։
Ֆաինա Հարությունյան
2016-ի հարսանիքներով լի օգոստոսի ամսին ծնվեց հագուստի մոդելավորող Ֆաինա Հարությունյանի առաջնեկը։ Հայտնի դիզայները ամուսնուն՝ օպերատոր Արտյոմ Աբովյանին, դուստր պարգեւեց։
Այժմ Ֆաինան իր ատելյե գնում է փոքրիկ Նիկայի հետ եւ հենց մանկուց նրան պատմում է նորաձեւության գաղտնիքների մասին։
Լիլու
2016-ը երգչուհի Լիլուի համար անմոռանալի կլինի։ Այդ տարի 33-ամյա գեղեցկուհին ոչ միայն հասցրեց ամուսնանալ (երգչուհին հունվարին հայտարարեց իր խորհրդավոր ամուսնության մասին), այլեւ լույս աշխարհ բերել որդուն։ Լիլուի առաջնեկը՝ Ռոբերտը, լույս աշխարհ եկավ խորհրդանշական հունիսի 1-ին. այո, երեխաների պաշտպանության օրը Լիլիուն հիանալի նվեր մատուցեց իրեն։
Չնայած Լիլուն նախընտրեց չխոսել իր ամուսնության մասին՝ երեխայի լուսանկարը միանգամից հրապարակեց սոցցանցերի իր էջերում։
Արեւիկ Ալավերդյան
Դեկտեմբերի 7-ին մայրության բերկրանքը զգաց նաեւ երգչուհի Արեւիկ Ալավերդյանը։ Ֆրանսիայում բնակվող Արեւիկը ամուսնուն՝ Հայկոյին, որդի պարգեւեց։ Ծննդաբերությունից առաջ երգչուհին մեզ հետ զրույցում ասել էր՝ չի համբերում, թե երբ է գրկելու փոքրիկին։ Եվ ահա 2016-ին կատարվեց նրա երազանքը՝ Փարիզում ծնվեց Դավիթը։
«Անբացատրելի էմոցիաներ ունենք: Երբ առաջին անգամ տեսանք մեր փոքրիկին, չկրկնվող մի զգացում ապրեցինք, անչափ հուզիչ պահ էր»,- պատմել էր նորաթուխ մայրիկ, որն արդեն հասցրել է բազմաթիվ լուսանկարներ անել երեխայի հետ։
Արփինե Իսրայելյան
Բազմաթիվ հեռուստասերիալներից սիրված հայ դերասանուհի Արփինե Իսրայելյանը նույնպես այս տարի համալրեց երեխա խնամող, բայց նաեւ աշխատանքին նվիրված մայրիկների շարքը։ Արփինեն հուլիսին լույս աշխարհ բերեց իր առաջնեկին՝ մեծագույն երջանկություն պարգեւելով ամուսնուն՝ բեմադրիչ-նկարիչ Ներսես Սեդրակյանին։
Զույգը երեխային անվանակոչել է Դավիթ։ Չնայած փոքրիկն ընդամենը 5 ամսական է, բայց արդեն հասցրել է մասնակցել պրոֆեսիոնալ ֆոտոսեսիայի։
Անի Դաշյան
Ամուսնանալուց հետո հայտնի հաղորդավարուհի Անի Դաշյանը տեղափոխվեց Մոսկվա, որտեղ էլ հունիսի 17-ին ծնվեց Անիի եւ ամուսնու՝ Լյուդվիգ Կարապետյանի որդին։
Նորաթուխ հայրիկը առաջնեկին որոշեց Ռոբերտ անվանել, իսկ Անին NEWS.am STYLE-ին պատմեց, որ երեխային առաջին անգամ տեսնելիս երջանկությունից արտասվել է։
Հետևեք NEWS.am STYLE-ին Facebook-ում, Twitter-ում և Instagram-ում
12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել11:06, 29 ապրիլի
Բրիթնի Սփիրս. «Ընտանիքս ինձ ցավ է պատճառել»10:40, 29 ապրիլի
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում10:11, 29 ապրիլի
«Եվրատեսիլ 2024»-ում Հայաստանի ներկայացուցիչներն արդեն Մալմյոյում են09:00, 29 ապրիլի
ԱՊՐԻԼԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը10:35, 28 ապրիլի
Փերիս Հիլթոնը մերկացել է Flaunt ամսագրի շապիկի համար09:00, 28 ապրիլի
ԱՊՐԻԼԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ