Այսօր Քիմ Քարդաշյանի մասին լուրերը շատ են լինելու, իսկ պատճառն այն է, որ աստիճանաբար համացանցում նոր մանրամասներ են հայտնվում հոկտեմբերին Փարիզում հայուհու կողոպուտի գործից: Նորաձեւության շաբաթվա առիթով Փարիզ մեկնած հայուհուց 9 մլն դոլար արժողությամբ թանկարժեք իրեր գողացան:
Ավելի վաղ հաղորդվել էր, որ ոստիկանությունը 17 անձի է ձերբակալել, որոնցից ամենատարեցը 73 տարեկան է, ձերբակալվածներից երկուսն էլ ծնունդով Ալժիրից են: Երկուշաբթի ֆրանսիական ոստիկանությունը լայնածավալ գործողություն է իրականացրել Փարիզում, Նիսում եւ Ռուանում
Ըստ Daily Mail-ի՝ կողոպուտի կազմակերպիչ են համարում երկու եղբայրների, որոնց անունները չի հաղորդվում: Երկուսն էլ շուրջ 50 տարեկան են, բնակվում են Փարիզում: Նրանք ոստիկանությանը հայտնի են որպես կրկնահանցագործ, որոնք գողացված թանկարժեք զարդեր են իրացնում:
Նրանց տնից 300 հազար եվրո կանխիկ գումար են առգրավել, հնարավոր է՝ գողացված զարդերից ստացված եկամտի մի մասը:
France Info-ն իր հերթին հաղորդում է, որ ոստիկանությունն անցել է Փարիզի բոլոր ոսկերչական խանութներով, որտեղ եղբայրներին վերջին անգամ տեսել են:
Սակայն Քիմի զարդերը չեն գտել, եւ ֆրանսիական ոստիկանությունը կարծում է, որ զարդերն արդեն Անտվերպենում են՝ թանկարժեք զարդերի բելգիական մայրաքաղաքում, որտեղ ոսկերչական խանութները թանկարժեք իրեր գտնելիս հարցեր չեն տալիս:
Ըստ Le Figaro-ի՝ բելգիական ոստիկանությունն իր հերթին նախօրեին շրջայցեր է սկսել ոսկերչական խանութներում:
TMZ-ի փոխանցմամբ՝ Փարիզում ձերբակալվածների թվում է նաեւ 40-ամյա վարորդ Միշել Մադարը, որն աշխատում է լյուքս դասի մեքենաների վարձակալության գործակալությունում, եւ որի ծառայություններից Քիմի ընտանիքն օգտվում է ամեն անգամ Փարիզ այցելելիս:
Միշելի հետ միասին ոստիկանության ձեռքն է ընկել նաեւ նրա 27-ամյա եղբայրը՝ Հարրին, որը նույն ընկերությունում է աշխատում:
Եղբայրները հաճախ են Անտվերպեն մեկնում, եւ ոստիկանությունը կարծում է, որ շուտով կգտնեն Քիմի գողացված զարդերի հետքը:
Հատկանշական է, որ բանդայի ղեկավարներից մեկը 72-ամյա Պիեռ Բ.-ն է, որին ձերբակալել են Ֆրանսիայի հարավի իր առանձնատանը:
Ձերբակալվածների կեսից ավելին ֆրանսիական ոստիկաններին հայտնի են որպես կրկնահանցագործներ:
Ֆրանսիական ոստիկանության ներկայացուցիչներն ԱՄՆ են մեկնել՝ Քիմ Քարդաշյանին հանդիպելու: Նրա ներկայացուցիչը հայտարարել է, որ աստղն ուրախ է ֆրանսիական կողմի աշխատանքի արդյունքներից:
Լուսանկարները՝ X17Online-ի, Vantagenews-ի, Mega-ի, E-press.fr-ի, Xposure-ի
Հետևեք NEWS.am STYLE-ին Facebook-ում, Twitter-ում և Instagram-ում
19:35, 12 մայիսի
Հոգեթերապիա Netflix-ի ձևով. Baby Reindeer հայտնի սերիալը16:22, 12 մայիսի
Նախաճաշ Երեւանում՝ մինչեւ 10 դոլար հասնող մենյուով13:38, 12 մայիսի
Սերժ Թանկյանի «Down With the System» հուշագրությունը լույս կտեսնի մայիսի 14-ին12:50, 12 մայիսի
«Լադանիվան» երգում է Եվրատեսիլ 2024-ի հաղթող Նեմոյի և ֆրանսիացի Սլիմանի հետ12:10, 12 մայիսի
X օգտատերերն ամբողջ աշխարհում հիացած են «Եվրատեսիլ 2024»-ում «Լադանիվայի» դինամիկ և աշխույժ ելույթով11:05, 12 մայիսի
«Եվրատեսիլը» պետք է «վերանորոգվի». հաղթող Նեմոն՝ մրցույթի «երկակի ստանդարտների», լարված մթնոլորտի ու իր հաղթանակի մասին10:05, 12 մայիսի
«Եվրատեսիլ 2024»-ի հաղթողին ստիպված են եղել նոր մրցանակ տալ, քանի որ արտիստը նախորդը գցել ու կոտրել էր09:00, 12 մայիսի
ՄԱՅԻՍԻ 12-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ02:45, 12 մայիսի
«Եվրատեսիլ 2024»-ի հաղթողը Շվեյցարիան է․ Հայաստանը 8-րդ տեղում է01:23, 12 մայիսի
«Լադանիվա»-ի փայլուն ելույթը՝ «Եվրատեսիլ 2024»-ի եզրափակչում (VIDEO)23:00, 11 մայիսի
Մեկնարկել է «Եվրատեսիլ 2024»-ի եզրափակիչ փուլը. Հայաստանը ելույթ կունենա 19-րդը (ՈւՂԻՂ)22:20, 11 մայիսի
Ինչու՞ է Նիդերլանդների ներկայացուցիչը որակազրկվել «Եվրատեսիլ 2024»-ից