Հայտնի հյուրեր, կատակներ ու մտերմիկ մթնոլորտ՝ հենց այս տրամադրությամբ էլ անցավ հայկական շոու-բիզնեսի ամենանրբագեղ երգչուհիներից մեկի՝ Քրիստինե Պեպելյանի «Կամաց-կամաց» տեսահոլովակի փակ շնորհանդեսը, որը կայացավ երեկ՝ մայիսի 27-ին, Երեւանի ժամանցային վայրերից մեկում:
Քրիստինեն իրեն բնորոշ անմիջականությամբ դիմավորեց իր հայտնի հյուրերին ու մտերիմներին, ինչպես նաեւ՝ պատասխանց լրագրողների հարցերին.
«Ես սիրում եմ լիրիկական երգեր. սա շատ ավելի իմն է, քան որեւէ այլ երաժշտություն, ու ես շատ ուրախ եմ այս աշխատանքի համար: Լավ արձագանքներ արդեն լսել եմ: Այս երգը կյանքի, շատ հաճախ հանդիպող իրավիճակների մասին է: Սա միմյանցից կամաց-կամաց հեռվացող մարդկանց մասին է»,-ասում է երգչուհին՝ հիշելով նաեւ տեսահոլովակի ստեղծման նախապատմությունը.
«Մեր թիմով պետք է մեկնեինք Փարիզ եւ որոշեցինք այնտեղ տեսահոլովակ նկարահանել. մտածեցինք, որ Փարիզի դեպքում լավագույն տարբերակը հենց սեւ ու սպիտակն է, քանի որ այդ քաղաքը շատ գեղեցիկ է տվյալ երանգների մեջ: Մի ամբողջ թիմ էր ինձ հետ, որոնք հատուկ այս աշխատանքի համար մի քանի օր մնացին Փարիզում: Շատ ուրախ եմ, որ նման մարդիկ կան իմ կողքին, որոնք ցանկացած պահի պատրաստ են լինել ինձ հետ»:
Գուրո Գասպարյանի եւ Նարեկ Ստամբոլցյանի հեղինակած երգի տեահոլովակի ռեժիսորը Արթուր Մանուկյանն է, որը լրագրողների հետ զրույցում խոսեց սյուժեի եւ Քրիստինեի հետ աշխատելու մասին.
«Իրականում ռեժիսորական որեւէ դժվար լուծումներ չի արվել: Սա տեսահոլովակ էր, որը կարող էր նկարահանվել ցանկացած այլ քաղաքում: Այստեղ կարեւոր էին հոգեվիճակն ու Քրիստինեի գործոնը: Որեւէ այլ երգչուհու պարագայում տեսահոլովակն այլ կստացվեր: Նկարահանման ընթացքում որեւէ խնդիր կամ խոչընդոտ չի եղել, ինչը համոզված եմ՝ Քրիստինեի ներդաշնակությունից էր գալիս»,-ասում է նա:
«Կամաց-կամաց» տեսահոլովակի փակ պրեմիերային ներկա էին շոու-բիզնեսի մի շարք դեմքեր, այդ թվում՝ Ավետ Բարսեղյանը, Արամեն եւ Աննա Թովմասյանը, Արփի Գաբրիելյանը, Հրաչուհի Ութմազյանը, Էրիկը, Էլեն Սարգսյանը, Վիկա Մարտիրոսյանը, Արսեն Սաֆարյանը, Դիանա Շատվերյանը, Անահիտ Սիմոնյանը, Սարոն, Սոֆյա Ղուլյանը եւ այլք:
Ավետ Բարսեղյանն ու կինը պարում են Քրիստինե Պեպելյանի «Երանի» երգի ներքո
Տեսահոլովակը ներկայացնելուց հետո Քրիստինեն հավաքվածների տրամադրությունն էլ ավելի բարձրացրեց՝ կատարելով իր երգացանկի սիրված հիթերից մի քանիսը՝ ստիպելով պարել եւ ուրախանալ իր հետ:
Միջոցառման մանրամասները ֆիքսել է NEWS.am STYLE-ի ֆոտոխցիկը:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»