• Մելանյա Թրամփն ընդդեմ Թոմ Քրուզի. Առաջին տիկնոջ խորհրդականը ծաղրել է աստղի ֆիլմի ձախողումը՝ համեմատելով այն «Մելանիա» ֆիլմի հաջողության հետ  

  ԱՄՆ առաջին տիկին Մելանյա Թրամփի աշխատակազմը օգտվել է առիթից՝ ծաղրելու Թոմ Քրուզին նրա նոր ֆիլմի ձախողված կինովարձույթից հետո...

• Ինչպես Սիլվեստր Ստալոնեն և Ռիչարդ Գիրը քիչ էր մնում կռվեին արքայադուստր Դիանայի պատճառով

  Սիլվեստր Ստալոնեն և Ռիչարդ Գիրը քիչ է մնացել կռվի մեջ մտնեն արքայադուստր Դիանայի պատճառով, տարիներ անց, երբ նրանց հարաբերությունները վերջնականապես վատացել են «Ֆլեթբուշի լորդերը» ֆիլմի նկարահանման հրապարակում....

• ՀԴԲ տնօրեն Քեշ Պատելի հարսնացուն հայտնվել է սկանդալի կենտրոնում՝ լրտեսության մեղադրանքներից մինչև իր հայկական արմատներ  

  Ինչպես Slate-ի սյունակագիրներից մեկը հեգնանքով նշել է, նա չի կարող հիշել մեկ այլ դեպք, երբ ՀԴԲ տնօրենը վերնագրերում հայտնվի իր սեփական նշանադրության համար, և, ինչպես ինքն է ասում է, նախընտրում է, որ ամեն ինչ այդպես էլ մնա...

• Պարզվել է, որ Սիդնի Սուինիի Մերիլին Մոնրոյի ազգականն է  

  Սիդնի Սուինիին վաղուց համեմատել են ժամանակակից Մերիլին Մոնրոյի հետ, և այժմ պարզվում է, որ նմանությունը կարող է շատ ավելի խորը լինել, քան նախկինում կարծում էին...

• Մայքլ Դուգլասի թրաշի պատճառով Շերոն Սթոունի մոտ ցան է առաջացել. ցնցող մանրամասներ «Հիմնական բնազդ» ֆիլմի նկարահանումներից  

  Մայքլ Դուգլասը բարձրացրել է իր կարիերայի ամենասկանդալային նկարահանումներից մեկի վարագույրը՝ բացահայտելով անսպասելի մանրամասներ «Հիմնական բնազդ» պաշտամունքային էրոտիկ թրիլերի վրա աշխատելու մասին...

• Ջորջ Քլունին որոշել է դառնալ ռեստորանատեր. դերասանը իտալական ռեստորան է բացում Ֆրանսիայում  

  Ջորջ Քլունին տիրապետում է նոր մասնագիտության. 65-ամյա հոլիվուդյան դերասանը որոշել է դառնալ ռեստորանատեր և իտալական ռեստորան է բացում Ֆրանսիայի հարավում՝ ընդամենը մի քանի ամիս անց այն բանից հետո, երբ նա և իր կինը՝ Ամալը, ստացել են Ֆրանսիայի քաղաքացիություն և երկիրը դարձրել իրենց ընտանիքի հիմնական բնակավայրը...

• Զենդայան քննադատության է ենթարկվել «վատ վարվելակերպի» համար՝ Louis Vuitton-ի ցուցադրության ժամանակ Բրիջիթ Մակրոնի հետ հանդիպելուց հետո  

  Զենդայան հայտնվել է Փարիզի նորաձևության շաբաթվա ընթացքում Louis Vuitton-ի ցուցադրության ժամանակ իր վարքագծի վերաբերյալ սկանդալի կենտրոնում։ Դերասանուհուն քննադատել են Բրիջիթ Մակրոնի մոտենալու ժամանակ չկանգնելու համար...

• Նա վախենում էր մահանալ, իսկ կինը հրաժարվում էր գրկել նրան. Ջո Մանգանիելոն բացահայտել է իր և Սոֆիա Վերգարայի ամուսնության դրաման  

  Ջո Մանգանիելոն բացահայտել է հանրությունից յոթ տարի թաքցրած լուրջ հիվանդության մասին և պնդել, որ իր առողջական խնդիրները ստիպել են իրեն հրաժարվել Սոֆիա Վերգարայից երեխաներ ունենալու երազանքից...

«Ես շատ հպարտ եմ, որ հայ եմ, շատ ուրախ եմ, որ այստեղ եմ. ինձ համար սա էմոցիոնալ պահ է»,-ասում է Մեծ Բրիտանիայում հայտնի պարուսույց Արթուր Գուրունլյանը, որը 25 տարի անց վերադարձել է հայրենիք` աջակցելու օպերային երգչուհի Անաիս Հեղոյանին, որն այս օրերին մասնակցում է Արամ Խաչատրյանի անվան միջազգային մրցույթին: Ռիհաննայի, Բեյոնսեի, Փինքի եւ շատ այլ աստղերի հետ համագործակցած պարուսույցը NEWS.am STYLE-ի հետ կիսվեց իր  երեւանյան տպավորություններով, խոսեց աստղային համագործակցությունների, իր հաջողությունների եւ առաջիկա նորությունների մասին.

«Երբ վայրէջք կատարեցինք այստեղ, դեռ չէի հավատում, որ սա իրականություն է: Ես շատ բախտավոր եմ. աշխարհի շատ ծայրերում եմ եղել, բայց հայ լինելով, այստեղ չէի եղել ավելի քան 25 տարի… ես շատ փոքր էի, երբ մեկնեցինք այստեղից… Օդանավակայանից հյուրանոց ճանապարհին նայում էի շուրջս ու մտածում. «Աստված իմ, ես սա հիշում եմ. սա ինձ ծանոթ է… Իմ առաջին օրն այստեղ շատ էմոցիոնալ էր»,-ասում է Արթուրը` հավելելով.

«Երեւանը շատ է փոխվել: Իմ կարծիքով՝ այն եվրպոպական քաղաքի է նման: Մարդիկ էլ են շատ զարգացած, ինձ այստեղ ամեն ինչ դուր է գալիս: Դեռ շատ վայրերում չեմ եղել, քանի որ զբաղված էինք Արամ Խաչատրյանի անվան միջազգային մրցույթի աշխատանքներով: Մրցույթից հետո ավելի շատ տեղերում կլինեմ, շատ մարդկանց կհանդիպեմ»:

Արթուրն այստեղ ներկայանում է որպես երգչուհի Անաիս Հեղոյանի գեղարվեստական ղեկավար: NEWS.am STYLE-ի հետ զրույցում մեր հայտնի հայրենակիցը պատմեց, թե ինչն է կարեւորում արտիստի մեջ.

«Որպես գեղարվեստական ղեկավար` ինձ համար շատ կարեւոր է արտիստի ինքնավստահությունն ու ոճը: Բացի այդ` ուզում եմ ամեն ինչ անել, որ նա իրեն լավ ու հարմարավետ զգա»:

Այս պահին Արթուրը նաեւ զբաղված է նոր համագործակցությամբ.

«Աշխատում եմ հայտնի շոկոլադի բրենդի հետ, որը շատ պահանջված է Եվրոպայում եւ ԱՄՆ-ում: Ինձ համար սա նոր սկիզբ եմ համարում: Նոր արտիստի հետ էլ է համագործակցություն սպասվում: Ես սիրում եմ աշխատել նորեկների հետ եւ հասցնել նրանց բարձր մակարդակի»:

Մի շարք բրենդների եւ աստղերի հետ համագործակցած պարուսույցին խնդրեցինք խոսել հայտնիների հետ աշխատելու եւ նրանց քմահաճույքների մասին.

«Ես համագործակցել եմ Puma ընկերության հետ. հրաշալի էր, երբ 2014 թ-ին Ռիհաննան նկարահանվեց ընկերության գովազդային արշավում: Մեծ հաճույքով եմ աշխատել այդ արշավի համար: Առհասարակ, Puma-ի գովազդային արշավների շրջանակներում շատ հայտնիների հետ եմ համագործակցել: Նրանք շատ պրոֆեսիոնալ են: Օրինակ` Ռիհաննան շատ աշխատասեր է: Նա եւ մյուսները շատ բարեհամբույր են ու իսկապես աշխատելու մեծ ցանկություն ունեն: Որպես պարող էլ շատ հայտնիների հետ եմ աշխատել` Քայլի Մինոգ, Pussycat Dolls եւ շատ ուրիշներ, որոնց հետ աշխատելը հրաշալիի փորձ է եղել ինձ համար»,-ասում է նա` բացահայտելով նաեւ իր մեծագույն երազանքը.

«Երազում եմ աշխատել Victoria’s Secret բրենդի հետ: Այո, դա իմ երազանքն է. ո՞վ գիտի` միգուցե մի օր էլ այն իրականանա: Երբ տեղափոխվեցի Անգլիա, մի երազանք ունեի` պարել Ջերի Հոլիվելի հետ, եւ այն իրականացավ: Այնպես որ` ամեն ինչ էլ հնարավոր է»:

Ի դեպ, Հայաստան ժամանելուն պես` ընկերներն Արթուրին անակնկալ են մատուցել` տոնելով նրա ծննդյան տարեդարձը.

«Անմոռանալի օր էր: Երբ հասանք Երեւան, Անաիսն ասաց, որ ոչինչ չպլանավորոմ, քանի որ պետք է գնանք ընթրիքի: Ես համաձայնվեցի: Հետո գնացինք մի սրճարան, որտեղ նկատեցի, որ շատ սպասք կա դրված: Չհասկացա` ինչ էր կատարվում, երբ շուտով ընկերներս` Նազենին, Սոֆին եւ Դավիթն էլ միացան մեզ: Հրաշալի ու անակնկալներով լի օր էր»:

Արթուրին խնդրեցինք խոսել նաեւ իր սիրելի հայկական ուտեստների մասին.

«Ամեն ինչ ուտում եմ: Տոլմա շատ եմ սիրում: Հիմա բուսակեր եմ, բայց նախկինում խորոված էլ էի սիրում»:

Աստղային պարուսույցից հետաքրքրվեցինք` արդյոք կա՞ն հայ հայտնիներ, որոնց հետ եւս մի օր կհամագործակցի.

«Հայ երգիչներից շատերին նոր-նոր եմ բացահայտում եւ կան արտիստներ, որոնց հավանում եմ, օրինակ` Սոֆի Մխեյանը: Հուսով եմ` կլինեն տաղանդավոր մարդիկ, որոնց հետ կհամագործակցենք»:

Իսկ զրույցի վերջում Արթուրը ցանկացավ իր սրտի խոսքն ուղղել իր հայրենակիցներն.

«Հայ ժողովրդին մաղթում եմ լինել ուժեղ, առաջ շարժվել եւ աջակցել միմյանց»:  

Զրուցեց Սյունե Առաքելյանը

Տեսանյութը` Շուշան Շատիկյանի

Հետևեք NEWS.am STYLE-ին Facebook-ում, Twitter-ում և Instagram-ում