• Հայկական ոճ. ճանապարհորդական գլամուր և քաղաքային շքեղություն

  Ի՞նչն է այսօր դարձնում կերպարը հմայիչ։ Այն պարտադիր չէ, որ պահանջի կրունկներ, հատակին հասնող զգեստ կամ ակնհայտորեն ջանք թափելու նշաններ…

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• 100 միլիարդ դոլարն անհետացավ. Shein-ի և fast fashion-ի խելագար դարաշրջանն ավարտվո՞ւմ է

  Մինչև վերջերս թվում էր, թե Shein-ը գնում է դեպի համաշխարհային գերիշխանություն․․․

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

• Բուրգունդի՝ այս աշնան ամենաշքեղ գունային թրենդը

  Եթե այս շրջանում զգեստապահարանում որևէ գույն իսկապես գերիշխում է, ապա դա անկասկած բուրգունդին է։ Խորը, հագեցած և առաջին հայացքից թվացածից շատ ավելի բազմաֆունկցիոնալ այս գինեգույն երանգը դարձավ նորաձևության պատասխանն այն հարցին, թե ինչպես տպավորիչ տեսք ունենալ՝ առանց աչք ծակող գույների դիմելու...

• Ինչո՞ւ են շքեղ ապրանքանիշերը ստիպված իջեցնել գները

  Այս տարվա սկզբին Demna-ի կողմից նախագծված միջին չափի Gucci Mercato կաշվե պայուսակը գարուն/ամառ 2026 հավաքածուի համար պետք է արժենար 2900 դոլար․․․

Երբ խոսքը վերաբերում է կոշիկին, կարեւոր է հիշել չափի զգացման մասին. միշտ ուզում ես ավելի շատ, ավելի թանկը, ավելի լավը:

Հենց չափի զգացման բացակայությամբ են աչքի ընկնում 2017-ի ամառային կոշիկները: Պոդիումով «քայլում են» կոշիկներ՝ առավելագույն դետալներով եւ զարդարանքներով, կապերով, փամփուլներով, քարերով, փետուրներով, մորթիով (այո, այո, ամռանը մորթին այն է, ինչ պետք է):

Pretty-ugly shoes քնքուշ այլանդակներ՝ 2017-ի սեզոնին առավել հաճախ կոշիկի այսպիսի նկարագրություն է հանդիպում: 

Կրունկները հրաժարվում են կոշիկների մասը լինելուց, անկախություն են պահանջում եւ ամեն կերպ հավակնում են լինել գլխավոր շեշտադրումը: Այլեւս կրունկի տակ մնալու ուժ չկա: Նրանք պնդում են, որ դիզայներները հենց իրենց պետք է ուղղեն ամբողջ կրեատիվն ու վարպետությունը. կլոր, օվալաձեւ, ոլորված, սա ավելի հեշտ է ցուցադրել, քան բառերով նկարագրել: Նայեք եւ ինքներդ եզրակացություններ արեք:

Ամռան ամենահրատապ միտումն է միատեսակ կտորից զգեստը, կոշիկը եւ պայուսակը: Բավականին հեշտ է իրականացնել, հատկապես ամռանը եւ ունենալ սեփական հեղինակային լուծումը, եթե թրենդային լինելու ցանկություն կա, իսկ համադրելու՝ ոչ: Նման լուծումը ձեզ ձանձրալի՞ թվաց:

Ոչ մի խնդիր, տարբեր զույգեր՝ կրակ եւ սառույց, բարի եւ չար, կարմիր աջ եւ սպիտակ ձախ, զարմացրեք եւ ստուգեք կանանց մոտ դալտոնիզմի բացակայության տեսությունը:

Այս սեզոնին սաբոները եւ սանդալները բազմում են վիթխարի հարթակներին՝ բազմաշերտ ու փայտե, խցանե ու ռետինե. կոշիկը պատվանդան է, այն պետք է բարձր լինի:

Պատվանդանները շռայլորեն զարդարված են շղթաներով եւ հսկայական ժապավենակապերով:

Այս սեզոնին դասական կիսակոշիկներին դուրս են մղում V-աձեւ կտրվածքով կիսակոշիկները, հաճախ՝ ցածր կրունկով: Թրենդը հավանաբար կպահպանվի աշնանն էլ.  շատ պրակտիկ է ու հարմար, այնպես որ՝ համարձակ ներդրում կատարեք մոտ ժամանակներս ամառային զեղչերի ժամանակ:

Սեզոնի հիթն են T-աձեւ կապերը: Մանրամասնենք. բանն այն է, որ T-աձեւ կապերը հրաշալի են համադրվում տարբեր բարձրության կրունկներին՝ հիշեցնելով տանգոյի կոշիկներ: Կապը կոնկրետ դեր ունի՝ կոշիկը ոտքին պահելու, սակայն վիզուալ այն ոտքերը կարճացնում է, այնպես որ՝ ինքներդ որոշեք՝ ամուր նստած կոշիկնե՞ր, թե մեկ-երկու ավելորդ սանտիմետր (վիզուալ): Եթե ձեզ համար այս սանտիմետրերը շատ թանկ են, իսկ կապեր ցանկանում եք, ընտրեք  բաց գույներ, մաքսի երկարություն կամ տաբատ:

Կապերը սեզոնի հիմանական թրենդերից մեկն են՝ կոճի վրա, թեք եւ նույնիսկ մի փոքր իջեցրած: Դրանց հետեւում են  շղթաները, թաղանթները, ժապավենները, սպորտային գոտիները, ժապավենակապերը, քարերը եւ մետաղյա զարդերը:

Առանձին խոսք՝ ամառային կոշիկեղենի վրա մորթե դեկորի եւ փետուրների մասին: Եթե ձեզ մոտ հարց է առաջանում՝ «ինչո՞ւ», ապա ձեզ ավելի շուտ այն պետք չէ, իսկ նրանք, ում մոտ հարցի փոխարեն այն ունենալու ցանկություն է առաջանում, առաջ գնացեք: Փորձեք:

Բուդուարային տրամադրությունը  դուրս բերեք փողոց, ինչու՞ ոչ: Ինչ վերաբերում է մորթուն, նրանց համար, ովքեր արդեն 3 սեզոն մուշտակի մասին են երազում, մորթե հողաթափերը կարող են ինչ-որ չափով մեղմել տառապանքները: Նրանք, ովքեր տատանվում են սպորտի եւ շքեղության միջեւ, չպետք է հուզվեն. այդ նախկինում էր որոշակիությունը ողջունվում, այսօր կարելի է ցույց տալ, որ մեռնող կարապը եւ սպորտային հանդերձանքը միագամայն համատեղելի են եւ էքզիստենցիալ ճգնաժամ չեն առաջացնում, ինչպես մետաքսե պուանտները՝ սպորտային գոտիների, կամ քարերը՝ սպորտային կոշիկների հետ:

Դեռեւս գարնանից ամենատարածված միտումը գուլպա կոշիկներն են՝ կեդերի եւ սպորտային կոշիկների հրաշալի այլընտրանք ամռանը, հյուսված մոդելներ կամ ցանցեր՝ իսկական  դրախտ ոտքերի համար:

Ընդհանուր առմամբ, հյուսքերը սեզոնի առավել հաջողված միտումն են, իսկ, ահա, լողափային քարերով օճառամանները քաղաքում հեռվացնում են դրախտի գաղափարը: Փամփուլները միանշանակ պոդիումը գրավել են՝ ի հեճուկս բոհո ոճի:

Պլաստիկ եւ այլ թափանցիկ նյութերն ամենատարածվածներից են, որոնք խաղում են ոտքի ձեւի հետ: Թափանցիկ տակացուով կոշիկ հագած կանայք ճախրող հրեշտակների տպավորություն են թողնում, իսկ թափանցիկ մասերը՝ ոչ ամբողջական կոշիկի պատրանք:

Գայա Ա

Հետևեք NEWS.am STYLE-ին Facebook-ում, Twitter-ում և Instagram-ում