• Գոհար Ավետիսյանը՝ դերասանուհու դերում, Զիրոյանը՝ Արկադի Դումիկյանի կերպարում, իսկ կարմիր գորգին՝ հարսանեկան անակնկալ. կայացավ «Մեկ in Մեկ» ֆիլմի պրեմիերան

  Ինչի՞ եք դուք պատրաստ՝ հանուն ձեր մտերիմ ընկերոջ. «Մեկ in Մեկ» ֆիլմի հերոս Արամը, հայտնի դիմահարդար Գոհար Ավետիսյանի օգնությամբ, պատրաստ եղավ, նույնիսկ, ծայրահեղ քայլի…

• Անկախության 35-ամյակին նվիրված համերգը՝ Հանրապետության հրապարակում (ֆոտոռեպորտաժ)

  Տատա Սիմոնյանի երգերի տակ՝ պար ու տժոց Հանրապետության հրապարակում...

• Coco Jambo-ի, It's My Life-ի, What is Love-ի լեգենդար կատարողներն ու Boney M-ը 90-ականներին հայտնի հայ աստղերի հետ՝ նույն բեմում․ Հայաստանում կայացավ առաջին Retro Stars Fest-ը (ֆոտո/վիդեո)

  90-ականների ամենահայտնի հիթերը՝ Հայաստանում...

• 90-ականների շունչը՝ Հայաստանում կայացած Retro Stars Fest-ում․ օրվա ամենահետաքրքիր կերպարները (ֆոտո)

  Երեկ Հայաստանում նոստալգիկ տրամադրություն էր։ Առաջին անգամ մեր երկում կազմակերպվեց Retro Stars Fest-ը, որը մեկ բեմի վրա «ժամադրեց» 90-ականներին հայտնի համաշխարհային ու հայ ամենասիրված աստղերից մի քանիսին...

• Մանկությանս տիկնիկը կուզեի վերադարձնել

  Մարդուն ճանաչելու համար երբեմն բավական չէ իմանալ նրա անունը, տարիքը կամ զբաղմունքը...

• Պար, թատրոն և միջազգային համագործակցություն․ մեկնարկել է «ԹԷԱՏՐՈՆ» փառատոնը

  Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը…

• Գարուն վերադառնում է Երևան. լեգենդար Քվազիմոդոն սեպտեմբերի 22-ին հանդես կգա մեծ համերգով

  Սեպտեմբերի 22-ին արտիստը ելույթ կունենա Կարեն Դեմիրճյանի անվան մարզահամերգային համալիրում։ Համերգի սկիզբը՝ ժամը 20:00-ին։ Երևանում Գարուն կներկայացնի The Best Of ծրագիրը, որում ընդգրկված կլինեն նրա բազմամյա կարիերայի գլխավոր հիթերը...

• Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան, և նա միայնակ չէ (ֆոտո/վիդեո)

  Le Petit Chef-ը՝ կրկին Երևանում: Աշխարհի ամենափոքրիկ խոհարարն առաջին անգամ Հայաստանում իր շոուն ներկայացրեց անցած տարի՝ Armenia Marriot հյուրանոցում, և այնքան գոհ մնաց հյուրընկալությունից, որ այս տարի որոշեց իր հետ բերել նաև ընկերներին՝ Իսպանիայից, Իտալիայից, Ֆրանսիայից ու Ճապոնիայից․․․

Երկու շաբաթից էլ քիչ է մնացել «Ոսկե ծիրան» Երեւանյան միջազգային 14-րդ կինոփառատոնի բացմանը: Այս անգամ այն ինչո՞վ կուրախացնի երեւանցիներին: Գեղարվեստական ֆիլմերի ծրագրի մեջ են ընդգրկվել տարբեր երկրների ռեժիսորների 12 աշխատանքներ: Նշենք, որ բոլոր ֆիլմերն արդեն ներկայացվել են աշխարհի հեղինակավոր կինոֆորումներում, պարգեւներով նշանավորվել: Այս տարի «Ոսկե ծիրան» փառատոնը նախորդ տարիների լայն շրջանակը չի ունենա: Չի լինի կարճամետրաժ ֆիլմերի մրցույթ, չեն լինի պատվավոր հյուրեր: Դրանով ավելի պատասխանատու էր տանտերերի խնդիրը արժանի մրցակիցների ընտրության հարցում: Եվ այսպես` սկսենք հայկական ֆիլմից: 

Վիգեն Չալդրանյանը 2015 թվականին նկարահանել է իր`Alter Ego («Վարդապետի լռությունը») դրաման, եւ հանդիսատեսը նույն տարվա դեկտեմբերին կարողացավ այն դիտել: «Ինձ համար Կոմիտասը մշտապես հեռավոր լույս է եղել, որին ես ձգտել եմ մոտենալ: Սակայն անհրաժեշտ էր հասունանալ նրա մասին ֆիլմ ստեղծելու համար»,- իր աշխատանքի մասին ասել է ռեժիսորը:

Եվս 2 կենսագրական ֆիլմեր նվիրված են անցյալի հայտնի մարդկանց դրամատիկ ճակատագրերին: Չեխ ռեժիսոր Յուլիուս Շեւչիկը «Ականավոր այցելուն» («Մասարիկ) ֆիլմով ժամանակակիցներին հիշեցրել է անցյալ դարի 30-ական թվականների վերջի դիվանագետ եւ քաղաքական գործիչ Յան Մասարիկի մասին, որը մասնակցել է հայտնի Մյունխենի համաձայնագրի ստորագրմանը: Սակայն նա ոչ միայն պետական գործիչ էր, այլ նաեւ սովորական մահկանացու, որը թուլություն է ունեցել կանանց, թմրանյութերի եւ ջազի հանդեպ:

Նրա վրացի գործընկեր Ջորջ Օվաշվիլին դիմել է Զվիադ Գամսախուրդիայի կերպարին:

«Խիբուլա» դրաման պատմում է Վրաստանի առաջին նախագահի կյանքի վերջին 50 օրվա մասին, չնայած նրա անունը ոչ մի անգամ չի հնչում, այլ փոխարինվում է «պարոն նախագահ» դիմելաձեւով: Ձվելի Խիբուլան բարձրլեռնային գյուղ է, որտեղ Գամսախուրդիան 1993 թվականին անցկացրել է այդ օրերը: Ֆիլմում գլխավոր դերում նկարահանվել է իրանցի դերասան Հոսեյն Մահջուբը:

Ավանդաբար մրցութային ծրագրում ներկայացված են իրանական եւ թուրքական ֆիլմերը: Այս երկրների կինեմատոգրաֆիան այսօր աշխարհում առաջատար տեղերից մեկն է գրավում եւ մեծ հետաքրքրություն է առաջացնում:

Զեքի Դեմիրքուբուզի «Փտող անկյուններ» («Էմբեր») կենցաղային դրաման ստամբուլցի երիտասարդ դերձակ Էմինի պատմությունն է, որին որդու հետ միասին լքել է ամուսինը` Քեմալը, նրան մեծ չափի պարտքեր թողնելով: Հին ընկեր Զիան է կնոջն օգնում ծանր վիճակից դորս գալ, ով նույնիսկ պատրաստ է նրա հետ կապել իր ճակատագիրը: Բայց անսպասելի ամուսինը վերադառնում է:

Ռըզան ռեժիսոր Մոհամմադ Ռուսուլոֆի «Պատվախնդիր մարդը» իրանական ողբերգական դրամայի հերոսն է, որը կնոջ եւ որդու հետ ապրում է իր ոչ մեծ ագարակում: Հարուստ եւ ազդեցիկ հարեւանի հետ վեճի պատճառով ընտանիքի անդորր կյանքն ավարտվում է:

Ազնիվ փոքր մարդու գլխին է թափվում խնդիրների կույտը, որոնք իշխանության ներկայացուցիչների հետ վեճի են վերաճում:

«Սեքսուալ Դուրգան»: Նախկինում կարո՞ղ էիք պատկերացնել նման անվանմամբ հնդկական ֆիլմ: Սակայն սա սեքսի մասին չէ: Ռեժիսոր Սանալ Կումար Սասիդհարան նկարահանել է լարված, վատ երազի նմանվող թրիլեր: Դուրգան հինդուսական դիցարանի ահեղ բազմաձեռք մայր աստվածուհին է: Այսպես են կոչում նաեւ հղի կնոջը, որը սիրեցյալի հետ որոշում է պատահական մեքենայով կայարան հասնել: Ավտոմեքենայի մեջ երիտասարդները նրանց ուղեւորությունը մղձավանջի են վերափոխում: Դա քիչ էր, տեղի է ունենում ինչ-որ հնդկական միստիկ տոնակատարություն` վայրի ծիսակատարություններով:

Փառատոնին Ուկրաինան ներկայացված է «Տատրակի բույնը» մելոդրամայով: Ռեժիսոր Տարաս Տկաչենկոն էկրանավորել է ուկրաինացի գրող Վասիլի Մելնիկի գործը: Սիրո պատմություն աշխատանքային միգրացիայի ֆոնին: Ուկրաինուհի Դարինան Իտալիայում սպասուհի է աշխատում տարեց տիկնոջ մոտ: Նրա որդու եւ Դարինայի միջեւ սիրավեպ է զարգանում` իր հետեւանքներով: Իսկ տանը սպասում են ամուսինն ու դուստրը, եւ դժվար վերադարձ է սպասվում:

Սրանից զատ, երեւանցիները հնարավորություն կունենան դիտելու սերբ Բոյան Վուլեչիչի «սեւ կատակերգությունը»` «Միսիս Ջեյի ռեքվիեմը», գերմանուհի Վալեսկա Գրիզեբախի «Վեսթերն» դրաման, հայտնի ռեժիսոր Ֆրեդ Քելեմենի բոսնիական այլաբանական տրիպտիխը` «Սարաեւո: Սգերգեր», բրազիլական «Արաբիա» ֆիլմը, Սոֆի Գոյետի կանադական ռոմանտիկ ֆանտազիան` «Դեռեւս մութ է, դեռեւս լույս»:
Ինչպես ակներեւորեն նկատեցիք, այս անգամ ռուսական կինոն մրցութային ծրագրում ներկայացված չէ:

Դրա փոխարեն ռուսական 2 ֆիլմ կա արտամրցութային` «Երեւանյան պրեմիերաներ» ծրագրում` ռեժիսոր Ելենա Դեմիդովայի եւ Օլգա Վերեմեեւայի «Քամու հպումը» եւ Բորիս Խլեբնիկովի «Առիթմիան»: Սրան հավելած Տատյանա Դանիլյանցի «Վեց երաժիշտներ քաղաքի ֆոնին» վավերագրական երաժշտական ֆիլմը: Հայ հայտնի 6 կատարողներ, որոնց ճակատագրերն անքակտելիորեն կապված են Երեւանի հետ:

Այս ծրագրի շրջանակում հանդիսատեսը կդիտի կինոյի երկրպագուներին լավ հայտնի ռեժիսորներ Ֆրանսուա Օզոնի, Կիմ Կի Դուկի, Ֆաթիհա Աքինայի, Ակի Կաուրիսմյակի վերջին ժապավենները:

Պավել Ջհանգիրով

Հետևեք NEWS.am STYLE-ին Facebook-ում, Twitter-ում և Instagram-ում