Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Հռիփսիմե Խուրշուդյան. «Երեխայիս 3 ամսականից ստիպված եմ հանձնել տատիկին»

20:05, 9 ապրիլի

Հռիփսիմե Խուրշուդյանի հղիության մասին NEWS.am STYLE-ը պատմել էր մի քանի ամիս առաջ: Այս անգամ եւս մեր զրույցի թեման նրա հղիությունն էր եւ այդ մասին նորությունները:

Հռիփսիմե, արդեն զգու՞մ եք ինչ-որ փոփոխություններ ձեր կյանքում:

Անշուշտ: Աննկարագրելի զգացողություններ՝ կապված երեխայի առաջին շարժման հետ, շուտով մայր դառնալու հետ: Դարձել եմ ավելի զգայուն, բայց միեւնույն ժամանակ ավելի վստահ եմ ինձ զգում: Ամենաերջանիկ շրջաններից մեկն եմ ապրում:

Ձեզանից ի՞նչը կցանկանայիք փոխանցել բալիկին:

Երեխան իր ծնողների, իր գերդաստանի գեներ կրողն է լինում: Կարծում եմ, իմ դեպքում էլ բացառություն չի լինի: Անկեղծ ասած, դժվարանում եմ պատասխանել, բայց շատ կցանկանամ, որ ինձ պես նպատակասլաց լինի: Եւ կապ չունի, թե որ բնագավառում կկայանա: Ինչ էլ որ անի, թող պայքարող լինի: Այ հենց դա կուզեմ նրա մեջ տեսնել:

Սեռը եւ անունը արդեն կարո՞ղ ենք բարձրաձայնել:

Ոչ, ես դա դեռ չեմ ցանկանում: Կսպասեմ: Թող երեխաս առողջ լույս աշխարհ գա, այդ ժամանակ մեծ ուրախությամբ կկիսվեմ բոլորի հետ: Անունը նույնպես: Միայն կնշեմ, որ եթե տղա լինի, ամուսնուս հոր անունը կկրի: Իսկ եթե աղջիկ ծնվի, սիրուն անուն կընտրենք, որը դեռ չեմ ասի:

Իսկ մուլտֆիլմեր սիրու՞մ եք:

Շատ եմ սիրում: Հատկապես Tom & Jerry-ն: Այն ինձ եւ իմ փոքր քրոջ պատմությունն է հիշեցնում: Մենք շատ էինք իրար հետ կապնված: Սակայն այնպես ստացվեց, որ ոչ ես կարողացա նրա հարսանիքին ներկա գտնվել, ոչ էլ նա իմ: Իսկ հիմա երկուսս էլ հղի ենք, սակայն նա ապրում է Ռուսաստանում:

Հղիության ընթացքում ոչ մի կերպ չե՞ք մարզվում:

Ոչ, որովհետեւ դա կարող է վնասել փոքրիկիս: Քայլում եմ եւ թեթեւ շարժումներ անում, որպեսզի պահպանեմ կազմվածքս:

Երեխայի հագուստ գնում ե՞ք:

Մարտի 8-ին ամուսինս ինձ նվիրեց մի տուփ: Երկար գուշակում էի, թե ինչ կարող է լինել ներսում: Երբ բացեցի, տեսա փոքրիկի հագուստի մի քանի նմուշներ: Անչափ ուրախ էի: Դրանից հետո սկսել եմ մտածել նաեւ գնելու ուղղությամբ:

Ինչպե՞ս եք համատեղելու աշխատանքն ու փոքրիկին:

Ցավոտ թեմա է: Ստիպված եմ լինելու 3 ամսեկանից երեխայիս թողնել տատիկի խնամքին: Պիտի պատրաստվեմ 2016 թվ. Օլիմպիական խաղերին: Նպատակս ոսկե մեդալն է լինելու: Եւ միայն դրանից հետո լիարժեք կզբաղվեմ փոքրիկովս: Սակայն, իհարկե, սպորտից չեմ հեռանա:

Մարինա Ադուլյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search