• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

Ամառն այն հրաշալի ժամանակաշրջանն է, երբ շատերը կազմակերպում են իրենց հանգիստը՝ մեկնելով տարբեր երկրներ։ Իսկ ինչպե՞ս են հանգստանում հայտնիները։ NEWS.am STYLE-ը սկսում է «Աստղային հանգիստ» խորգիր, որի շրջանակներում հայ հայտնիները կպատմեն իրենց հանգստի մասին ե կկիսվեն հետաքրքիր խորհուրդներով։ Շարքը սկսում ենք ամենաճամփորդասեր երգչուհիներից մեկի՝ Աստղիկ Սաֆարյանի հետ հարցազրույցով։

«Հաճախ եմ ճամփորդում՝ տարբեր երկրներ, քաղաքներ։ Գալիս է մի շրջան, որ ցանկանում ես, ուղղակի, մի տեղում անցկացնել հանգիստդ եւ լիարժեք հանգստանալ։ Այս շրջանում ինձ մոտ հենց այդպես է։ Այս տարի աշխատանքային այցս Հայաստան այնքան երկար եւ լեցուն էր, որ շատ էի կարոտել արդեն իմ երկրորդ տուն դարձած Բարսելոնան։ Այժմ այնտեղ եմ, փորձում եմ հանգստանալ այս տարվա բուռն աշխատանքային գրաֆիկից հետո։ Վայելում եմ հանգիստս ծովում, երաժշտություն եմ լսում, գրքեր կարդում, ֆիլմեր դիտում․․․ անում եմ այն, ինչի համար ժամանակ չեմ ունենում, երբ ամբողջ օրը զբաղված եմ լինում աշխատանքով։ Փորձում եմ նման կերպ լիցքավորվել, որպեսզի հետո ավելի մեծ էներգիայով նվիրվեմ աշխատանքիս։ Արդեն 10 օր է, ինչ մեկնել եմ Հայաստանից, դեռ չգիտեմ՝ երբ կվերադառնամ, բայց, կարծես թե, դա բավական էր լիցքավորվելու համար»,-ասում է երգչուհին, որի համար կատարյալ հանգիստը պետք է ուղեկցվի ստեղծագործելով։

«Օրերս զգացի, որ չեմ կարողանում հանգստանալ առանց ստեղծագործելու։  Իմ սոցիալական ցանցի էջում տեղադրեցի մի տեսանյութ, որում դիմում եմ երկրպագուներիս, որպեսզի նրանք առաջարկեն, թե ինչի մասին կցանկանային, որ ես երգեի։ Ուղերձս այնքան շատ արձագանքներ ստացավ, ուղղակի հիացած եմ իմ երկրպագույների մտքերով եւ գաղափարներով։ Ուզում եմ բոլորին վստահեցնել, որ յուրաքանչյուրի մտքերը հաշվի կառնեմ, քանի որ մենք՝ արտիստներս, ստեղծագործում ենք մեր ժողովրդի համար եւ, ըստ էության, հանդիսանում ենք նրանց զգացմունքների «թարգմանիչը»»,-ասում է նա։

Աստղիկը դժվարացավ մտաբերել, թե որն է եղել իր կյանքի ամենահիշարժան հանգիստը․

«Ամեն անգամ հանգիստս տարբեր է ստացվում․ մեկը մյուսից տարբերվում է, եւ դրանով էլ դառնում է հետաքրքիր։ Կարեւոր է, որ ունակ լինես գնահատել յուրաքանչյուր պահը։ Հանգիստս լիարժեք չի լինում, եթե այն ուղեկցված չէ երաժշտությամբ։ Երբ սկսում եմ համատեղել հանգիստն ու աշխատանքը, այդ ժամանակ եմ ինձ հանգիստ զգում։ Դա իմ անհատական հանգստի ձեւն է»։

Ամենաճամփորդասեր երգչուհուն խնդրեցինք նշել մի քանի վայր, որտեղ խորհուրդ կտա հանգստանալ․

«Գիտեք՝ ամեն երկիր եւ ամեն քաղաք ունի իր յուրահատկությունն ու «բնավորությունը», ինչը մեկի համար հաճելի է, մյուսի համար՝ ոչ։ Չեմ կարող նշել այնպիսի վայրեր, որոնք լիովին հաճելի կլինեն մյուսների համար։ Դա իսկապես շատ անհատական է։ Բայց, երբ ինձ խնդրում են առանձնացնել մի վայր, ես նշում եմ Վենետիկը։ Այն ինձ համար հեքիաթի է նման»։

Աստղիկից հետաքրքրվեցինք՝ ո՞րն է նրա երազանքների երկիրը․

«Դա այն վայրը կլինի, որտեղ ես ինձ լիարժեք երջանիկ կզգամ սիրելի անձնավորության հետ։ Իսկ թե որտեղ կլինի դա, արդեն երկրորդական է»,-նշեց նա՝ խոսելով նաեւ իր առաջիկա նախագծերի մասին․ «Շատ նոր ծրագրեր կան, տարբեր նախագծեր ունեմ, որոնք պետք է իրականացնել։ Բայց ամեն ինչ կլինի իր ժամանակին։ Դեռ դա գաղտնիք թող մնա»։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում