• «Ես փնտրել եմ քեզ»․ Nemra-ն թողարկել է արդեն հիթային դարձած հայերեն երգի տեսահոլովակը

  Հայկական Nemra ռոք խմբի «Ես փնտրել եմ քեզ» երգի տեսահոլովակն արդեն հասանելի է YouTube-ում․․․

• Nemra ռոք խումբը նոր հայալեզու ստեղծագործություն է ներկայացրել․ «Ես փնտրել եմ քեզ»

  Nemra-ն հաճախ ստեղծագործում է անգլերենով, բայց օրերս խումբը հյուրընկալվել է Առաջին ալիքի «Հանդպում Առաջինում» հաղորդաշարին ու ներկայացրել է իր նոր ստեղծագործությունը...

• Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

  Հունիսի 19-ին «Արև» Արենայում կայացած Նեմրայի համերգը հերթական անգամ ապացուցեց, որ խումբն այլևս պարզապես ռոք բենդ չէ...

• System of a Down-ը հուլիսին համերգ կունենա Հայաստանում

  System of a Down-ը հուլիսին համերգ կունենա Հայաստանում, հայտնել է Նիկոլ Փաշինյանը…

• «Գուցե մի օր երգեմ». Nemra-ից Վասպուրը՝ եղբոր հետ խմբի հիմնադրման մասին և ոչ միայն

  Nemra-ն վաղուց դուրս է եկել, պարզապես, ռոք խումբ լինելու գաղափարից….

• Nemra-ն իր երևանյան համերգի շրջանակում ներկայացրեց նոր տեսահոլովակ՝ հայտնի ու սիրված դերասանական կազմով

  Nemra-ն շարունակում է Երևանի օդում տարածել ռոքի հնչյունները։ Տարվա լավագույն ռոք խումբն այս անգամ Motor Yerevan-ում էր, որտեղ համատեղեց ռոքն ու սպորտը...

• «Ինչքան կարող եմ, պետք է մեր պատմությունը կիսեմ մարդկանց հետ». Նիդերլանդներում բնակվող երաժիշտ Արան՝ իր արմատներից ոգեշնչման ու «Եվրատեսիլի» մասին

  Նիդերլանդներում բնակվող երգիչ, երգահան եւ կիթառահար Արան (Արա Աբրահամյան) այս օրերին Երևանում է...

• Տարվա լավագույն հայկական ռոք խումբը պատրաստվում է իր մեծ մենահամերգին. ի՞նչ է խոստանում Nemra-ն հունիսի 11-ին

  Հունիսի 11-ին Կարեն Դեմիրճյանի անվան մարզահամերգային համալիրում ռոքային տրամադրություն է տիրելու…

System of a Down խումբն իր եվրոպական շրջագայության վերջին կանգառ էր ընտրել Ռուսաստանը, որտեղ հուլիսի 5-ին անցկացվեց Park live միջազգային ռոք փառատոնը: Ամեն տարի ռուսական ռոք խմբերին միանում են համաշխարհային հզորները՝ Limp Bizkit, The prodigy, Muse, Red Hot Chili Pepers….

Այս տարի փառատոնը տեղի ունեցավ Մոսկվայի ԲԿՄԱ ֆուտբոլային ակումբի նորակառույց՝ ԲԿՄԱ Արենա մարզադաշտում: Բավական թանկ տոմսերի մեծ մասը սպառվել էր. System of a Down-ի ելույթի ժամանակ մարզադաշտը լեցուն էր՝ հատկապես ֆան գոտին ու պարահրապարակը:

System of a Down-ին Ռուսաստանում շատ են սիրում: Հայ ռոքերների հավաստմամբ՝ նրանք էլ սիրում են Մոսկվան ու բազմիցս են այստեղ վերադառնում: Համերգը նրանց նոր ալբմոի հետ կապ չուներ. դա նրանց հին ու սիրված երգերի հավաքածուն էր:

Ռոք սիրող յուրաքանչյուր հայի համար System of a Down-ի համերգը հավասարազոր է ամպերի վրայով վազելուն: Առաջին հերթին, որակյալ հարդ ռոք մեզ մոտ լսել հնարավոր է լինում շատ հազվադեպ: Բացի այդ, ավելորդ համեստություն չանենք և խոստովանենք, որ աշխարհի լավագույն ռոք խմբերից մեկի՝ հայկական լինելը բոլորիս մեծ հիացմունքի ու հպարտության առիթ է տալիս: Հայկական դրոշներ, հայկական մոտիվներ...

Թանկյանը շրջագայության բոլոր քաղաքներում այցելում է հայ արվեստգատներին: Մոսկվայում նա հանդիպել էր երաժիշտ Ստաս Նամինի ու ռեժիսոր Աննա Մելիքյանի հետ: Այդ երկու հանդիպումներին նա անդրադարձել էր իր Instagram–ում: 

Արդարության համար պետք է ասել, որ համերգի հնչեղությունը շատ վատ մակարդակի վրա էր: Առաջին մի քանի երգերի ժամանակ չէր լսվում Թանքյանի վոկալը, հետո լսվում էր միայն Դարոնինը.... Բայց, անկախ այդ ամենից, ռուս ռոքասերների համար դա դրախտ էր: Տասնյակ հազարավոր երիտասարդներ ժամեր առաջ արդեն հարբած պտտվում էին, ցատկոտում, ինչպես սիրում են System-ի տղաները: Ռուսաստանում իսկապես գիտեն՝ ինչպես ուրախանալ ու վայելել ռոք համերգները:

Ռոք համերգը հաջողվեց, բոլորը գոհ էին, ափսոս՝ այդ հրաշքը կարճ տևեց:

Ես, որպես այդ համերգին ամիսներ սպասած մարդ, ով ցանկանում էր գնալ SOAD-ի համերգին Պրահայում, հետո հայտնվեց նրանց համերգին Մոսկվայում, ամփոփելով կարող եմ ասել միայն մեկ բան՝ խմբի ցանկացած համերգ մի աննկարագրելի երազանք է՝ ցանկացած վայրում ու քաղաքում, բայց ԵՐԲԵՔ ոչ մի համերգ չի կարող համեմատվել նրանց՝ 2015 թվականի երեւանյան համերգի հետ: Այն ժամանակ մի այլ մթնոլորտ էր, մեկ այլ ուժ՝ մարդիկ, անձրևը, կայծակը, System-ի տղաների վերջին գրկախառնությունը... Ես անգամ Մոսկվայի համերգին մտովի հիշում էի այն, ինչ մեզ նվիրեցին տղաները Երեւանում: Նվիրեցին երկու ժամ, բայց երկու ժամ մի ամողջ կյանքի համար....

Վերա Մարտիրոսյան՝ Մոսկվայից

Հետևեք NEWS.am STYLE-ին Facebook-ում, Twitter-ում և Instagram-ում