• Սիրողական հայկական կատակերգությունից մինչև «Օսկար»-ի ռեկորդային անվանակարգեր. Սև Օհանյանի ճանապարհորդությունը դեպի Հոլիվուդ

  Հուլիսի 18-ին, «Ոսկե ծիրան» 22-րդ միջազգային կինոփառատոնի շրջանակներում, տեղի ունեցավ հանդիպում հոլիվուդյան հայազգի պրոդյուսեր Սևակ (Սև) Օհանյանի հետ, ով Proximity Media-ի հիմնադիրներից մեկն է և «Ֆրութվեյլ կայարան», «Որոնում», «Վազիր», ֆիլմերի, ինչպես նաև Օսկարի ռեկորդային թվով անվանակարգեր ստացած «Մեղսավորներ»-ի պրոդյուսեր է․․․

• Հոլիվուդը վախի մեջ. Ինչու են Իլոն Մասկի, Սեմ Ալտմանի և Պիտեր Թիլի մասին ֆիլմերը հայտնվել չեղարկման եզրին

  Հոլիվուդում գրաքննության նոր ճգնաժամ է հասունանում, և այս անգամ այն ​​կապված չէ արտաքին շուկաների, այլ Սիլիկոնյան հովտի հետ․․․

• Կարա Դելևինը խոստովանել է, որ մտերմացել է Էմբեր Հերդի հետ, երբ վերջինը բաժանվել է Ջոնի Դեփից

  Բրիտանացի մոդել և դերասանուհի Կարա Դելևինը առաջին անգամ անկեղծորեն խոսել է Ջոնի Դեփի և Էմբեր Հերդի աղմկահարույց ամուսնալուծության ժամանակ դերասանուհու հետ կապված երկարատև լուրերի մասին․․․

• Ջոնի Դեփը երկար դադարից հետո առաջին անգամ հայտնվել է կարմիր գորգին և կազմակերպել ռոքնռոլ ​​երեկույթ

  Ջոնի Դեփը հազվադեպ է հայտնվում կարմիր գորգին, հատկապես Լոս Անջելեսում, բայց այս անգամ նա բացառություն է արել, և դս արել է ոճային ձևով…

• Հայերը՝ «Օսկար 2026»-ում․ Սև Օհանյան, Նատալի Մուստիատա, Մադլեն Շարաֆյան․ ռեկորդային անվանակարգեր և 4 «Օսկար»

  Լոս Անջելեսում կայացավ ևս մեկ «Օսկար» մրցանակաբաշխություն, այս տարի՝ 98-րդ անգամ...

• Հոլիվուդյան սարսափներ. Ռեժիսոր Ռոբ Ռեյների և նրա կնոջ սպանության գործով նոր ողբերգական մանրամասներ

  «Page Six»-ը հաղորդում է, որ ռեժիսոր Ռոբ Ռեյների և նրա կնոջ՝ Միշել Ռեյների սպանության վերաբերյալ նոր ողբերգական մանրամասներ են ի հայտ եկել այն բանից հետո, երբ Լոս Անջելեսի շրջանի առողջապահության դեպարտամենտը հրապարակել է նրանց մահվան վկայականները…

• Բրեդլի Քուփերը Ջիջի Հադիդի հետ ամուսնության առաջին քայլն է անում

  Բրեդլի Քուփերի և Ջիջի Հադիդի հարաբերությունները, կարծես, նոր մակարդակի են հասնում․․․

• Պայքար Warner Bros.-ի համար. Netflix-ն ընդդեմ Հին Հոլիվուդի և կինոթատրոնների ճակատագիրը

  Warner Bros.-ի ձեռքբերումը դարձել է իսկական հոլիվուդյան էպոս՝ ներառելով հսկայական ֆինանսական շահարկումներ, կորպորատիվ ինտրիգներ և աստղերի պես մեծ ճանաչում ունեցող գործիչներ…

«Կապիկների մոլորակը. պատերազմ» ֆիլմն այս ամռան երկար սպասված պրեմիերան է. ինքնատիպ եռապատման եզրափակիչ մասը։
«Կապիկների մոլորակը» Պյեր Բուլի գիտաֆանտաստիկ վեպն է, որը գրվել է 1963-ին։ Իսկ արդեն 1968-ին Հոլիվուդը թողարկել է համանուն ֆիլմ, որը վայրկենապես կուլտային է դարձել։ Իհարկե, կապիկի ռետինե դիմակները հիմա անհեթեթ են թվում, չնայած նույնիսկ այն ժամանակ քննադատները սրամտում էին այդ թեմայով, ինչը, սակայն, չի խանգարել, որ ֆիլմը համաշխարհային հաջողության հասնի։ Ֆիլմն ուներ բավականին հետաքրքիր պատմություն, մշակված կերպարներ ու բարոյական երկխոսություններ, ինչի շնորհիվ այն 350-րդ տեղն էր զբաղեցրել բոլոր ժամանակների 500 լավագույն ֆիլմերի ցանկում՝ ըստ Empire ամսագրի։
Բնական է, որ այդ մեծ հաջողությունը սկիզբ է դրել բազմաթիվ շարունակությունների, որոնք պատմում են ֆիլմին նախորդող իրադարձությունների մասին։

Նման աշխատանք էր Թիմ Բերթոնի անհաջող ռիմեյքը, որը թերեւս ռեժիսորի կարիերայի վատագույն ֆիլմն էր։ Հետագայում այդ պատմությունը վերաիմաստավորվել է, ու 2011-ին թողարկվել է եւս մեկ ռիմեյք, որը նաեւ փրիքվել է, ավելի ճիշտ փրիքվելների շարքի առաջին մասը։ Հերթով անդրադառնանք դրանցից յուրաքանչյուրին․
«Կապիկների մոլորակը. ապստամբություն». ֆիլմ, որը պատմում է Կեսարի՝ առաջին կիսախելագար շիմպանզեի ու Երկրի բնակչության ոչնչացման պատմությունը։ Երկրորդ ֆիլմը՝ «Կապիկների մոլորակ․ հեղափոխություն», որը թողարկվել է 2014-ին, արդեն պատմում է ողջ մնացած մարդկանց ու խելագար կապիկների առճակատման պատմությունը։ Իսկ վերջին պրեմիերան՝ «Կապիկների մոլորակը. պատերազմ» ժապավենեն այս պատմության ավարտն է։ Ընդհանուր առմամբ՝ այս եռապատումը կարելի է անվանել մերօրյա լավագույն գիտաֆանտաստիկ աշխատանքներից մեկը։
«Կապիկների մոլորակ պատերազմը» նաեւ ուժեղ դրամա է՝ բազմաթիվ ենթատեքստերով ու բարոյական հիմնահարցերով։ Իհարկե, ֆիլմը զուրկ չէ նաեւ թերություններից՝ մասնավորապես կլիշեներից, պայմանականություններից ու անհարթություններից, բայցեւայնպես, առավելությունները գերազանցում են թերությունները։ Մեծ հաշվով, ցանկացած ֆիլմի որակի գլխավոր գործոններից են համարվում այն զգացմունքներն ու մտքերը, որոնք առաջանում են կինոդիտման ընթացքում, իսկ այդ առումով այս ֆիլմը խնդիր չունի։
Եթե պատմության երկրորդ մասում երկու կողմերն էլ ցուցադրված են հետաքրքիր ձեւով, ու համակրանքը մարդկանցից դեպի կապիկներ է փոխադրվում, հետո՝ հակառակը, ապա երրորդ ֆիլմը կտրականապես անցնում է կապիկների կողմը՝ մարդկանց ներկայացնելով ոչ շահավետ լույսի ներքո, բայց դրանից ֆիլմն, իհարկե, չի տուժում։
Մենք շարունակում ենք հետեւել Կեսարի պատմությանը՝ կապիկի, որը ներգրավվել է պատերազմի մեջ, ու ֆիլմը մի վայրկյանում վերածվում է անձնական վրեժխնդրության պատմության։ Կեսարը պետք է որոշի, թե ինչն է իր համար կարեւոր՝ անձնական վենդետա՞ն, թե՞ հոտի շահերը։ Իրականում հանդիսատեսին ներկայացվում է ավելի շատ այս ներքին պատերազմի պատմությունը։
Որոշ իմաստով ֆիլմը կարելի է անվանել Կեսարի անձնական դրաման, բայց մարդկանց հետ առճակատում նույնպես այստեղ կա։ Մարդկանց առաջնորդի դերում ոմն գնդապետ է, որի դերը հոյակապ կատարել է Վուդի Հարելսոնը։ Գնդապետը համարում է, որ հանուն գոյատեւման երբեմն արժե դիմել հուսահատ քայլերի, եւ այդ դեպքում կարեւոր չեն ոչ խիղճը, ոչ բարոյականությունը, ոչ անձնական զգացմունքները։ Այս դիրքորոշումը տրամագծորեն հակադրվում է Կեսարի դիրքորոշմանը, որն իր անձնական շահերը վեր է դասում իր ցեղի շահերից։ Ու ամբողջ ֆիլմի ընթացքում մենք ականատես ենք դառնում այդ դիմակայությանը։
Ֆիլմի դերասանական կազմն առանձին ուշադրության է արժանի։ Առանձնացնենք Էնդի Սերկիսին՝ Կեսարի դերում։ Նա արդեն վաղուց է հմտացել համակարգչային պերսոնաժների դերակատարումներում։ Կեսարի բոլոր զգացմունքները, շարժումներն ու դիմախաղը Էնդի Սերկիսի անկրկնելի աշխատանքի, այլ ոչ թե համակարգչային ծրագրերի արդյունքն են։
Բայց ֆիլմում գրաֆիկան կատարելության է հասցված։ Կապիկներն այնքան բնական ու իրական են ստացվել, որքան թույլ են տալիս ժամանակակից կինոտեխնոլոգիաները։
Օպերատորական աշխատանքը գովասանքից վեր է։ Բազմաթիվ տեսարաններ ֆիլմի դիտումից հետո էլ պարբերաբար վերակենդանանում են հիշողության մեջ։
Այս, ինչպես նաեւ նախորդ ֆիլմի ռեժիսորը Մեթ Ռիվզն է՝ Բեթմենի մասին սոլո ֆիլմի ապագա բեմադրողը։ Իսկ ֆիլմի համահունչ սաունդթրեքը գրել է Մայքլ Ջակինոն։
«Կապիկների մոլորակ․ պատերազմ» ֆիլմը բավականին հզոր դրամա է, բայց նաեւ ամառային բլոկբասթեր, որն իր ժամանակի արտադրանքն է՝ բազմաթիվ կլիշեներով ու պայմանականություններով հանդերձ։ Եռապատման հիասքանչ եզրափակում, որը հիմա հիրավի կարելի է համարել գիտաֆանտաստիկ ժանրի լավագույն նմուշներից մեկը։

Հետևեք NEWS.am STYLE-ին Facebook-ում, Twitter-ում և Instagram-ում