• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

Ռեժիսոր Վահե Սայանի նոր՝ «Մոռացված կանգառը» հեռուստասերիալը սեպտեմբերի առաջին կեսից արդեն կլինի եթերում: Ֆիլմում գլխավոր հերոսին մարմնավորում է Բեն Ավետիսյանը։ Հեռուստասերիալում նկարահանհվել է նաեւ Շուշաննա Թովմասյանը, սակայն այս անգամ՝ ոչ Բենի հերոսի սիրելիի կերպարում: Այս ֆիլմում գլխավոր հերոսուհուն մարմնավորում է գովազդներից եւ տեսահոլովակներից հայտնի դերասանուհի Լիլիթ Քոչարյանը: NEWS.am STYLE-ը զրուցել է Լիլիթի հետ առաջին անգամ գլխավոր հերոսուհու կերպարով հանդես գալու, Բեն Ավետիսյանի հետ աշխատելու եւ այլ թեմաների շուրջ.

Լիլիթ, քեզ հեռուստադիտողը տեսել է տեսահոլովակներում, գովազդներում, բայց հեռուստասերիալի գլխավոր հերոսուհու դեռեւս չէիր մարմնավորել: Ինչպե՞ս ստացար «Մոռացված կանգառը» հեռուստասերիալում նկարահանվելու առաջարկը:

Առաջարկը ստացել եմ ռեժիսոր Վահե Սայանից։ Համագործակցելու ցանկություն վաղուց կար, բայց ինչ-ինչ պատճառներով չէր ստացվում։ Այս անգամ ստացվեց, ինչի համար շատ ուրախ եմ, ինչպես նաեւ շնորհակալ վստահության համար։ Ամեն գնով կաշխատեմ արդարացնել եւ՛ անձնակազմի, եւ՛ հեռուստադիտողի սպասելիքները:

Հե՞շտ համաձայնվեցիր նկարահանվել հեռուստասերիալում:

Այո, շատ մեծ սիրով եմ համաձայնվել, քանի որ առաջին անգամ եմ մարմնավորելու հեռուստասերիալում հերոսուհու կերպարը, ինչը շատ պարտավորեցնող է:

Մի փոքր կպատմե՞ս  հերոսուհուդ մասին:  

Նրա անունը Նանե է: Հերոսուհին խենթ, համարձակ եւ, կարելի է ասել, արկածային կերպար է, որը հանդիպելով տարբեր խոչընդոտների՝ շարունակում է պայքարել սիրո համար` դեմ ելնելով բոլորին։ Հետագա զարգացումների մասին ավելի մանրամասն կտեղեկանաք ընթացքում:

Որքանո՞վ է քեզ հոգեհարազատ այդ կերպարը:

Կերպարը շատ հոգեհարազատ է, ինչը որոշ չափով կօգնի աշխատել եւ ավելի մոտ լինել այն կերպարին, որը ցանկացել են ստեղծել:

Ե՞րբ են սկսվել նկարահանումները: Ինչպիսի՞ն է գրաֆիկը, հարմարվե՞լ ես:

Նկարահանումները սկսվեցին հուլիս ամսվա վերջին, գրաֆիկը խիտ է, բայց ամեն կերպ հարմարեցնում ենք միմյանց: Այո, հարմարվելը խնդիր չի եղել։

Դերասանական կազմից ո՞ւմ հետ ես արդեն մտերմացել:

Դերասանական կազմից առանձնացնել որեւէ մեկին չեմ կարող, բոլորի հետ էլ շփվելը հեշտ է եւ հաճելի։ Կազմը լավագույն դերասաններից է ընտրված:

Խաղընկերդ Բեն Ավետիսյանն է: Ի՞նչ կասես նրա մասին. հե՞շտ եք աշխատում միասին:

Բենի հետ աշխատելը բավականին հեշտ է, նկարահանումների ընթացքում հարկ եղած ժամանակ խորհուրդներ է տալիս, ինչը բավականին օգնում է, եւ ես դա գնահատում եմ:

Բենը շատ երկրպագուհիներ ունի, եւ նրանցից շատերը, երբ նրա կողքին որեւէ խաղընկերուհի են տեսնում, կամ սիրավեպ են վերարգրում, կամ էլ` սկսում են փնովել տվյալ աղջկան :) Մտավախություն չունե՞ս, որ կհայտնվես նման խոսակցությունների կիզակետում:

Դա արդեն հասցրել եմ նկատել:) Մտավախություն չունեմ, քանի որ դեպքեր կան, որոնցից անհնար է խուսափել, ուղղակի պետք է հեռուստադիտողն էլ փորձի տարանջատել խաղը իրականությունից:

Առհասարակ, սերիալների դերասաններին հաճախ ասոցացնում են իրենց կերպարների հետ, տարբեր բամբասանքներ են հյուսում...Ինչպե՞ս ես վերաբերվում հայտնի լինելու այդ կողմին:

Դե, հուսով եմ՝ բամբասանքները մինիմալ կլինեն: Հայտնի լինելու մասին ոչինչ ասել չեմ կարող :)

Մի փոքր քո մասին կպատե՞ս: Բացի նկարահանումներից` է՞լ  ինչ նախասիրություններ ունես:

Պատմեմ :) Ավարտել եմ ՀԱՊՀ-ի տեղեկատվական տեխնոլոգիայի բաժինը։ Այժմ զբաղվում եմ վեբ ծրագրավորմամբ: Նախասիրություններս բավականին շատ են, որոնցից այս պահին կառանձնացնեմ հրաձգությունը, ձիավարությունը եւ լուսանկարչությունը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում