• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

Մարինա Գրեգը հայկական հեռուստաեթերի ամենասլացիկ եւ նրբաճակազմ հաղորդավարուհիներից մեկն է: Պատահակն չէ, որ «Հմայքի գաղտնիքներ» խորագրի շրջանակներում NEWS.am STYLE-ն այս անգամ զրուցել է Մարինայի հետ, որը սիրով մեր ընթերցողներին բացահայտեց իր բարեկազմության գաղտնիքը.

«Առավոտը սկսում եմ մեկ բաժակ ջրով, շատ կարեւորում եմ նախաճաշը, եւ բացի այդ՝ արթնանում եմ բավականին քաղցած, ուստի արթնանալուց հետո սուրճ խմելու փոխարեն միանգամից սնվում եմ՝ ձու, նրբերշիկ, բանջարեղեն, պանիր, իհարկե, թեյ…մի խոսքով՝ հագեցնող նախաճաշ»:

Մարինայի սննդակարգից անպակաս է մսեղենը.

«Առանց դրա ես ուղղակի կմնամ քաղցած: Ցերեկը նախընտրում եմ որեւէ թեթեւ աղցան եւ ցանկացած մսային ուտեստ, ձկնեղեն: Այդ ամենին, իհարկե, չի խանգարում աղանդերը՝ խմորեղեն, սառեցված մրգեր կամ շոկոլադ: Շատերի համար երեկոյան ժամերը ուղեկցվում են թախիծով սառնարանին նայելով: Լինի երեկո, թե գիշեր, եթե քաղցած եմ, ես անպայման պետք է սնվեմ, եւ սննդակարգում էլի առկա է լինում միս»,-ասում է հաղորդավարուհին՝ հավելելով, որ դիետաներ չի պահում եւ երբեք էլ չի հետեւել դրանց.

«Ես չեմ գիրանում, ինձ մոտ էլ հակառակն է, ես ձգտում եմ քաշ հավաքել, եւ դժվարությամբ եմ 2-3 կգ-ով ավելանում, բացի այդ՝ ես գուրման եմ, սիրում եմ ուտել եւ ճաշելիս էլ վայելում եմ այդ ընթացքը, ոչ թե ուտում միայն ստամոքսիս լռեցնելու համար»:

Ինչ վերաբերում է հաղորդավարուհու քնելու ռեժիմին՝ Մարինան չի սիրում շուտ քնել.

«Եթե շատ հոգնած եմ լինում, կեսգիշերին մոտ արդեն քնում եմ, հաճախ նաեւ ցերեկվա ժամերին եմ քնում»:

Չկա մի այնպիսի ուտեստ, որը Մարինան բացառում է իր սննդակարգից.  «Կարեւորը համեղ և սիրով պատրաստած լինի»,-ասում է նա:

Հաղորդավարուհին կարեւորում է նաեւ սպորտով զբաղվելը.

«Երկար տարիներ է, ինչ մարզասրահ եմ հաճախում, իհարկե, ամռանը շոգից ծուլանում եմ, բայց քանի որ դա արդեն ապրելակերպ է, փորձում եմ չբացակայել»:

Իսկ ի՞նչ է անհրաժեշտ կնոջն իրեն գեղեցիկ զգալու համար.

«Չեմ կարող բոլորի փոխարեն պատասխանել. մեկը իրեն գեղեցիկ է զգում նոր սանրվածքից հետո, մյուսը նոր հագուստ գնելուց հետո, բայց կարծում եմ՝ բոլորիս միավորում է մի բան՝ ինքնավստահությունը, այդ դեպքում անկախ այն բանից՝ այդ օրը շպարվել ենք, թե ոչ, ինչ տեսքով ենք տանից դուրս եկել, ով կտեսնի (եւ հաստատ կտեսնի:)), մենք մեզ գեղեցիկ եւ գրավիչ ենք համարում, իսկ շրջապատը զգում է այդ էներգետիկ դաշտը»,-պատասխանեց հաղորդավարուհին՝ կանանց հետ կիսվելով նաեւ իր խորհուրդներով.

«Շատ ուրախ եմ, որ մերոնք հիմա ավելի խնամված ու գեղեցիկ են: Ամենակարեւորը՝ կինը պետք է ինքն իրեն ընդունի և սիրի ինչպիսին որ կա: Մեզ մոտ այդ կոմպլեքսը դեռ չի վերացել, շատերը թաքցնում են իրենց հին լուսանկարները, փորձում նմանվել որեւէ մեկին ( հաճախ անհաջող արդյունք է լինում): Ինքնաբավ դառնալուց հետո անգամ կատարելության հասնելու ճանապարհին չենք կորցնի չափի զգացումը եւ կկարողանանք ճիշտ ընդգծել մեր առավելությունները՝ այդպիսով պահպանելով մեր բարձր ինքնագնահատականը եւ հիացնելով շրջապատին: Միակ խորհուրդս՝ կանայք, շա՜տ սիրեք ձեզ :)»,-եզրափակեց հաղորդավարուհին:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում