Թիմաթին եւ Նազիման ներկայացրել են Հայաստանում նկարահանված տեսահոլովակը

Տարանտինոյի «Մեկ անգամ Հոլիվուդում» ֆիլմը՝ Կաննի կինոփառատոնում

Սերժ Թանկյանը կատարել է «Գահերի խաղ»-ի վերջին եթերաշրջանի սաունդթրեքը

«Եվրատեսիլը» բեմից այն կողմ․ տեսանյութ Թել Ավիվից

Ով կհաղթի «Եվրատեսիլ 2019»-ին. լրագրող-փորձագետների կանխատեսումները եւ կարծիքը Սրբուկի ելույթի մասին

Exclusive. հարցազրույց Սրբուկի հետ՝ «Եվրատեսիլ 2019»-ի երկրորդ կիսաեզրափակչից առաջ

Մաշկի արագ խոնավեցում ու թեթեւ, ցերեկային դիմահարդարում մի քանի րոպեում. խորհուրդներ մասնագետից

Ավարտը մոտ է. «Գահերի խաղ»-ի վերջին սերիայի թրեյլերը

Ինչպես են Քիմ Քարդաշյանին «տեղավորել» թաց զգեստի մեջ, եւ շաբաթվա ընթացքում քանի օր է մարզվում աստղը

Հարցում. ո՞վ կնստի երկաթե գահին, ըստ «Գահերի խաղ»-ի հայ երկրպագուների

Պայքար թագավորական նավահանգստի համար. «Գահերի խաղ»-ի 8-րդ եթերաշրջանի 5-րդ սերիայի թրեյլերը

Tbilisi Mercedes-Benz Fashion Week- 2019: Djaba Diassamidze՝ վրացական ակցենտով փարիզյան կուտյուր

NEWS.am STYLE&haze․ նոր նախագիծ

Tbilisi Mercedes- Benz Fashion Week- 2019. BLIKVANGER՝ լինել այն, ինչին արժանի ես

Հանդիսատեսի արձագանքը «Գահերի խաղ»-ի 8-րդ եթերաշրջանի 3-րդ սերիայի ամենաէպիկական պահին

«Գահերի խաղի» 8-րդ եթերաշրջանի 4-րդ սերիայի թիզերը

«Նայում եմ Ռոբերտին եւ հասկանում, որ նա սուպերաստղ է»․ Լոբոդան եզրափակիչ չանցած Ռոբերտ Բագրատյանի մասին

Միշա Գրիգորյանը հիանալի երգեց, սակայն չանցավ եզրափակիչ

Հայուհիներին մերկացնող Սարգիսը դեմ է էրոտիկային (ֆոտո)

23:56, 24 հոկտեմբերի

Ժամանակակից լուսանկարչության մեջ nude-art-ը համարվում է ամենապահանջված ժանրերից մեկը: Լուսանկարչության այս տեսակը մոդելից պահանջում է հնարավորինս համարձակ լինել, իսկ լուսանկարչից՝ չափազանց պրոֆեսիոնալ: Ի՞նչ է nude-art-ը՝ կաղապարներից զերծ արվեստի տեսակ, թե՞, այնուամենայնիվ, էրոտիկա… Այս եւ այլ հարցերի պատասխանները փորձել ենք ստանալ Հայաստանում nude-art ոճի հայտնի լուսանկարիչ, «Հեռուստատեսության եւ ռադիոյի ակադեմիայի» դասախոս Սարգիս Վիրաբյանից:

Դեռեւս մի քանի տարի առաջ nude-art-ը Հայաստանում տարածված չէր: Այսօր դուք այդ ոճի ամենահայտնի լուսանկարիչն եք: Ի՞նչ եք կարծում, մեր երկրում դո՞ւք եք հիմնել այն, թե՞ այդ ոճի այլ լուսանկարիչներ էլ կան, ովքեր պարզապես հայտնի չեն։ 

Իմ եւ մյուսների միջեւ տարբերությունն այն է, որ ես լուսանկարում եմ բացառապես հայ աղջիկների: Մյուսները, նկատել եմ, որ հիմնականում այլազգի մերկապարուհիների են նկարում, էրոտիկայի նման մի բան ստանալով։ Դրանով էլ տարբերվում ենք. ես նկարում եմ nude-art, ինչն էրոտիկայից շատ հեռու է։ Չեմ կարող ասել, թե Հայաստանում ես եմ հիմնել այս ուղղությունը, քանի որ շատերն իրենց լուսանկարները կարող են այդ ոճի համարել։ Բայց, ի վերջո, գնահատական տալիս են հանրությունն ու մասնագետները:

Քանի որ խոսեցիք այդ մասին, ասացեք՝ մեզ մոտ համապատասխան մասնագետներ կան արդյո՞ք։

Nude-art-ի նեղ մասնագետներ հիմնականում չկան, իսկ եթե կան էլ, պարզապես իմ աշխատանքներն իրենց չեն հետաքրքրում: Բարեբախտաբար, համացանցն օգնում է, որ իմ աշխատանքներն արտերկրում տեսնեն, եւ ես ավելի շատ կարեւորում եմ դրսի մասնագետների կարծիքը:

Ի՞նչ կարծիք են հայտնում նրանք եւ ստանում եք արդյո՞ք համագործակցելու առաջարկներ։

Դրսից առաջարկները հիմնականում սահմանափակվում են ցուցահանդեսներին եւ փառատոններին մասնակցելու հրավերով, ոչ ավելին:

Ինչո՞ւ որոշեցիք զբաղվել nude-art-ով. հասկացաք, որ նոր ուղղության հիմք կդնեք ու կտրուկ կառանձնանաք մյուսներից, թե՞ պարզապես հոգնել էիք ստանդարտ աշխատանքներից։

Լուսանկարչությամբ զբաղվում եմ ավելի քան տասը տարի: Աշխատել եմ լուսանկարչության գրեթե բոլոր ոճերով: Մի պահ հասկացա, որ արդեն կարող եմ զբաղվել nude-art-ով: Իմ կարծիքով, nude-art-ը լուսանկարչության մեջ ամենաբարդ ժանրն է, հատկապես՝ Հայաստանում:  Եվ հետո, կյանքում ամենից շատ երկու բան եմ սիրում՝ կանանց եւ լուսանկարչությունը։ Իսկ nude-art–ը այդ երկուսը համատեղելու հնարավորություն է:

Իսկ դժվա՞ր չէ մերկ կանանց հետ հաճախակի աշխատելը։

Իհարկե, որպես տղամարդ շատ դժվար է, սակայն երբ մտածում եմ լույսի, կոմպոզիացիայի եւ այլ բաների մասին, առաջնահերթ կարեւորում եմ հետաքրքիր լուսանկար ստանալու հեռանկարը, եւ կնոջ մերկությունն արդեն երկրորդական է դառնում:

Շատերը ծանոթ չեն nude-art-ին եւ այն կարող են շփոթել պոռնոգրաֆիայի հետ: Ի՞նչ սահմանում եք տվել ինքներդ ձեր արվեստին։

Անկեղծ ասած, ես իմ աշխատանքներն արվեստ չեմ անվանում, քանի որ, կարծում եմ, ժամանակն ու հանրությունը պետք է գնահատի դրանց լրջությունը: Nude-art-ի հետ կապված ասեմ, որ կա «նյու» հասկացություն, որը հին ֆրանսերենից թարգմանաբար նշանակում է մերկ: Կա «էրոտիկ-նյու» եւ «արտ-նյու»: «Էրոտիկ-նյու»-ն մոտ է փլեյբոյի ոճին, որն ինձ հարազատ չէ, ես ավելի «արտ-նյու»-ի կողմնակից եմ ու փորձում եմ բացառապես այդ ոճում աշխատել:

Ովքե՞ր են ձեր մոդելները, հե՞շտ է նրանց մերկացնելը։

Ամենատարբեր ոլորտի աշխատողներ՝ սովորական աղջիկներ, եւ մեր համագործակցությունը հիմնված է փոխադարձ վստահության վրա:

Իսկ շոու-բիզնեսից որեւէ մեկը ցանկացել է մերկանալ ձեր ֆոտոխցիկի առջեւ։

Ես շոու-բիզնեսի սիրահար չեմ, եւ այդ ոլորտում միայն գործնական շփում ունեմ։ Ստեղծագործական հարաբերություններ նրանց հետ չեն եղել։ Ի դեպ, ասեմ, որ nude-art-ն ինձ համար ստեղծագործական պրոցես է:

Ձեր աշխատանքները վաճառվո՞ւմ են։

Nude-ն ինձ համար կոմերցիա չէ։ Այն, կարելի է ասել, ավելի շատ ծախսատար է, քան՝ եկամտաբեր:

Մենք որոշակի առումով պահպանողական ազգ ենք, սակայն ձեր լուսանկարներում հանդիպում են մերկ զույգեր։ Նրանք nude-art-ի մոլեռանդ երկրպագու են, թե՞ պարզապես իրենց զգացմունքներն են արտահայտում արվեստի միջոցով։

Իմ աշխատանքներում կան սիրող զույգեր, որոնց շատ անգամ եմ նկարել: Ինչ-որ առումով դա հեշտ է, ավելի հեշտ, քան աղջիկների զույգ նկարելը։ Իրականում Հայաստանում շատերն են պատրաստ մերկ նկարվել, եւ այստեղ պահպանողականությունը կապ չունի։ Ինձ համար ամենակարեւորը մարմնի էսթետիկան է, գեղեցկությունը։ Ես էրոտիկա չեմ ներկայացնում:

Առաջիկայում ծրագրո՞ւմ եք ցուցադրվել։

Հուսով եմ, որ «Armenin Nude Face Off» խորագրով ցուցահանդեսս մոտ ապագայում հնարավոր կլինի։


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության