«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Թույլ չտաք, որ ձեզ դարձնեն ստանդարտ մտածողության տեր». Անուշկա Մարգարյանի խորհուրդը դպրոցականներին ու թեմատիկ ֆոտոշարքը՝ NEWS.am STYLE-ի համար

12:31, 31 օգոստոսի

Վաղը սեպտեմբերի 1-ն է. ոմանց համար այն կլինի պարզապես աշնան առաջին օրը, իսկ ոմանց համար՝ նոր ուսումնական տարվա սկիզբ: Վաղվան անհամբերությամբ են սպասում հատկապես առաջինդասարանցիները, որոնք կյանքում առաջին անգամ կհասկանան, թե ինչ է դպրոցը... Իսկ մենք՝ վաղուց ավարտածներս, որոշել ենք վերհիշել մեր մանկության ամենաքաղցր տարիները՝ իրականացնելով թեմատիկ ֆոտոշարք սերիալներից հայտնի դերասանուհի Անուշկա Մարգարյանի հետ: Նկարահանումներից հետո Անուշկայի հետ զրուցել ենք դպրոցական տարիների, սիրելի եւ ոչ այնքան սիրելի առարկաների մասին եւ ոչ միայն.

«Սովորել եմ Կապան քաղաքի թիվ 3 միջնակարգ դպրոցում: Դպրոցական տարիներս շատ բուռն են եղել :) Չարաճճի երեխա էի: Հիշում եմ իմ առաջին սեպտեմբերի 1-ը: Մայրս նոր սպիտակ զգեստ էր կարել ինձ համար, շատ գեղեցիկ էր, ու ես անչափ ոգեւորված էի: Տարօրինակ էր, բայց լավ գիտակցում էի, թե ուր եմ գնում եւ ինչի համար: Շատ փոփոխական էի: Լինում էր, որ մեծ սիրով էի հաճախում դպրոց, լինում էր՝ ոչ այնքան: Երբ ինչ-որ բան սովորական է դառնում, սկսում ես ձանձրանալ: Կարծում եմ՝ շատ բաներ կախված են ուսուցիչներից: Երբ դասաժամը հետաքրքիր է կազմակերպվում, անհամբեր սպասում ես հաջորդ դասին: Ստանդարտ վիճակներ չեմ սիրում»,-ասում է դերասանուհին՝ հավելելով, որ դպրոցում լավ է սովորել.

«Բայց մրցել չեմ սիրել: Կային գերազանցիկներ, որոնց մեջ միշտ մրցակցություն էր նկատվում, նույնիսկ նախանձ էր առաջանում դրա պատճառով: Չեմ սիրել դա: Լավ սովորել եմ այն առարկաները, որոնք ինձ հետաքրքիր էին. դրանք հումանիտար առարկաներն էին: Չեմ սիրել հանրահաշիվ եւ երկրաչափություն: Հիշում եմ՝ մի անգամ «Իրավունք» առարկայի ուսուցչուհին մտավ դասարան, հանրահաշվի դասաժամն էր, ու նա սկսեց ինձ գովել, ասել, որ ինձանից մյուսները պետք է օրինակ վերցնեն: Հանրահաշվի ուսուցչուհին ականջներին չէր հավատում :) Շատ զվարճալի էր»:

Ի տարբերություն շատերի՝ Անուշկան այնքան էլ չի կարոտում դպրոցն ու դպրոցական տարիները.

«Սուտ կլինի, եթե ասեմ՝ կարոտում եմ դպրոցը: Գուցե տարօրինակ հնչի, բայց երբեք կարոտ չեմ զգացել ու չեմ ցանկացել վերադառնալ: 10 տարին բավական էր, որ հագենամ :) Միակ վայրը, որը կարոտում եմ ու միշտ ցանկանում եմ վերադառնալ, նկարահանման հրապարակն է:) Վերջին անգամ դպրոց այցելել եմ ատեստատ ստանալիս»:

Իսկ վերջում դերասանուհին իր մաղթանքը հղեց բոլոր դպրոցականներին.

«Առաջին դասարանցիներին եւ, առհասարակ, բոլոր դպրոցականներին կմաղթեմ, որ զարգացնեն այն, ինչն իրենց մոտ ամենալավն է ստացվում, թույլ չտան, որ իրենց դարձնեն ստանդարտ մտածողության տեր: Իսկ ուսուցիչներին խորհուրդ կտամ յուրովի մոտեցում ցուցաբերեն յուրաքանչյուրին: Մաղթում եմ գեղեցիկ ուսումնական տարի՝ բոլոր իմաստներով գեղեցիկ»:

Հեղինակ՝ Շուշան Շատիկյան

Հարցազրույցը վարեց Սյունե Առաքելյանը

Լուսանկարները՝ Արսեն Սարգսյանի

Դիմահարդարումը` Սոնա Մուրադյանի

Վարսահարդարումը՝ Կարինե Գրիգորյանի


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search