• «Չեն կարա հայերն ու ադրբեջանցիներն ուրախանան նույն հայի ձերբակալությամբ»․ Արմեն Պետրոսյան

  Նոր գրառում․․․

• «Կար ժամանակ, երբ երջանիկ էինք…, երբ զոհեր չկային …»․ Իրինա Թովմասյան

  Նոր գրառում․․․

• «Ցանկացած հայ մարդու ձերբակալությունն ազեռների կողմից պետք ա ցավ լիներ, ոչ թէ հրճվանք»․ Միքայել Ոսկանյան

  Չեմ հասկանում էս աստիճան անբարոյականության իրականությունը․․․

• «Ռուբեն Վարդանյանի ազատությունը կարեւոր է յուրաքանչյուր հայի ու մեր ապագայի համար»․ Սարիկ Անդրեասյան

  Ես Ռուբենի հետ խոսել եմ մի երկու ամիս առաջ եւ նա ինձ ասել է, որ Արցախում է լինելու մինչեւ վերջ եւ այնտեղ նա իրեն երջանիկ է զգում, քանի որ կարող է մարդկանց հույս տալ ու օգնություն ցուցաբերել․․․

• «Նիկոլ, երկիր ունեինք: Նիկոլ, բանակ ունեինք: Զրոյացավ ամեն ինչ»․ Մհեր Մկրտչյան

  Արցախ չկա, ցավ կա, երբ թուրքը հային ձերբակալում ա` ուրախացող հայ կա...

• «Ադրբեջանը ձերբակալում է Արցախի առաջնորդներին՝ մի տարածքի, որը երբեք չի վերահսկել: Մարդու իրավունքների ոտնահարում»․ Սերժ Թանկյանը՝ Ռուբեն Վարդանյանի ձերբակալության մասին

  Նոր գրառում․․․

• «Սթափվիր, հայ ժողովուրդ։ Մեզ կործանում են․․․»․ Եվա Զոհրաբյան

  Լուսանկար Եռաբլուրից․․․

• «Մի տարանջատիր ինձ քեզնից, քեզ ինձնից, մեզ իրարից: Մենք մեկ ենք՝ մի ամբողջություն»․ Անի Երանյան

  Նոր գրառում․․․

Երեկ՝ հոկտեմբերի 1-ին, դերասանուհի Լիա Զախարյանը նշում էր ծննդյան 25-ամյակը: Ծննդյան տոնի նախօրեին դերասանուհին իրականցրեց 25 տարիների նվիրական երազանքներից մեկը՝ առաջին անգամ ինքնուրույն վարեց հեծանիվ, որն էլ ֆիքսեց NEWS.am STYLE-ի տեսախցիկը:)

«Հեծանիվ վարելն ինձ համար երազանք էր: Երբ նոր էի տեղափոխվել Երեւան, հեծանիվը շատ տարածված երեւույթ էր մեր բակում: Հատուկ ժամերի տղաներն ու աղջիկները դուրս էին գալիս հեծանիվ վարելու: Ես միշտ նայում էի նրանց եւ մտածում, որ ինքս էլ կցանկանայի ունենալ հեծանիվ, սակայն այդպես էլ չունեցա: Իսկ ֆոտոշարքի շնորհիվ ես ինչ-որ չափով կարողացա իրականացնել հեծանիվ վարելու իմ երազանքը: Ճիշտ է՝ դեռ վարելը լավ մոտս չի ստացվում, բայց այն էմոցիաները, որոնք ապրել եմ, իսկապես անմոռանալի էին»,-նշեց դերասանուհին, որն ավելի ուշ մեզ պատմեց, թե ինչպես է անցկացրել ծննդյան տոնն ու ինչ երազանք է պահել այս տարի:

«Ներկա պահին մայրիկս ու տատիկս կողքիս չեն, երկրում չեն, եւ ինձ այս տարի անակնկալի բերեցին մորաքույրս եւ մորեղբորս կրտսեր աղջիկը: Նրանք ինձ համար տորթ էին պատրաստել, քաղցրավենիք, մրգեր… Happy Birthday երգելով եւ գեղեցիկ ձեւավորված սեղանով նշեցինք ծննդյանս օրը կեսգիշերին: Անակնկալներ են մատուցել նաեւ հայրս, քույրս եւ հորեղբայրս: Մտերիմ ընկերներս էլ կեսգիշերին շնորհավորանքներով եկան մեր տուն»:

Հարցին, թե որն է եղել ծննդյան օրվա ամենահիշարժան նվերը, Լիան պատասխանեց.

«Առհասարակ, ես որեւէ  անակնկալ չեմ առանձնացնում՝ որպես մեծ կամ կարեւոր, քանի որ յուրաքանչյուրի մատուցած անակնկալն էլ մեծ ու նշանակալից է լինում ինձ համար: Կապ չունի հեղինակը ծնողդ է, թե մտերիմ ընկերներդ»:

Դերասանուհին նաեւ հավելեց, որ այս տարի մի փոքր տխուր է եղել ծննդյան օրը.

«Միշտ սովոր եմ եղել, որ ծննդյանս օրը մայրս ու տատիկս պետք է կողքիս լինեն, բայց այս տարի նրանք ինձ հետ են եղել հեռախոսային կապի միջոցով: Այդ առումով շատ տխուր էր... Երեւի, որ մայրիկս քաղաքում լիներ, 25-ամյակս այլ կերպ կկազմակերպեի»:

Իր տարեդարձը Լիան համարում է լույս աշխարհ գալը խորհրդանշող տոն, ոչ թե եւս մեկ տարով մեծանալու իրողություն.

«Գիտե՞ք՝ եթե համարենք, որ տարեդարձը մեծանալդ նշելու օր է, դա ուրախանալու առիթ չէ, բայց եթե դու ծննդյանդ օրն ընդունում ես որպես տոն՝ այն օրը, երբ դու ծնվել ես, պետք է երջանիկ լինես դրա համար: Հարազատներն էլ են դրա համար երջանիկ, ծնողներդ էլ, որ ծնունդ են տվել քեզ… Դու քո լույս աշխարհ գալու օրը պետք է տոն համարես: Ես, առհասարակ, ինձ մեծ չեմ համարում՝ երիտասարդ եմ, եռանդուն, կյանքով, էներգիայով եւ մանկական հայացքներով լեցուն»,-նշեց Լիան, որն ինչպես ամեն տարի, այս տարի եւս ծննդյան տորթի մոմերը փչելիս երազանք է պահել.

«Ընդհանրապես, միշտ պահում եմ երազանքներ՝ թե՛ ծննդյանս օրը, թե՛ Ամանորի գիշերը: Երեւի իմ ներշնչանքի մեծ էներգիայից է, որ երազանքներս միշտ կատարվում են: Այս անգամ հատուկ բան չեմ պահել, գլոբալ ցանկություններ եմ ունեցել՝ լինել երջանիկ եւ հաջողակ»:

Սյունե Առաքելյան

Լուսանկարիչ՝ Նարեկ Տեր-Պողոսյան

Ոճաբան՝ Սոսե Սահակյան

Վարսահարդար՝ Հեղնար Շարոյան

Դիմահարդար՝ Գայանե Հովսեփյան

Հետևեք NEWS.am STYLE-ին Facebook-ում, Twitter-ում և Instagram-ում