Հարաբերություններում միայն դուք եք ջանքեր գործադրում
Եթե նկատում եք, որ Ձեր զուգընկերն այլեւս նույնքան ուշադիր չէ ձեր հարաբերությունների հարցում, որքան նախկինում էր, ուրեմն մտածելու ժամանակն է։ Երջանիկ զույգերը միշտ միասին են ջանքեր գործադրում իրենց լուսավոր ապագայի համար։ Նրանք աջակցում են իրար ու հոգ տանում իրար մասին։ Բայց կարող է գալ մի պահ, երբ զույգում մեկը սկսում է իրեն պասիվ պահել։ Եթե Ձեր զուգընկերը այլեւս հանուն Ձեզ ջանքեր չի գործադրում, ուրեմն հնարավոր է՝ նրա ուշադրությունը մեկ ուրիշը կգրավի կամ արդեն գրավել է։
Վերջերս նա հաճախ է արդարանում ու չափազանց դյուրագրգիռ է
Նա թաքցնելու բան ունի, ու դուք գիտեք դա։ Նա միշտ նյարդայնանում է, զայրանում մանրուքներից ու սկսում է արդարանալ, երբ նրան անցանկալի հարցեր եք տալիս։ Ասես հարցաքննության ժամանակ փորձում է իր անմեղությունն ապացուցել։ Բայց եթե նա մեղավոր չէ՝ ի՞նչ կարիք կա արդարանալ։ Տղամարդը կարող է խուսափել հարցերից կամ էլ փոխել խուսակցության թեման միայն թե թույլ չտա, որ իր սուտը ջրի երես դուրս գա։ Նա կփորձի շեղել ձեզ՝ պատճառաբանելով, որ վատ տրամադրություն ունի։ Ու դա բնական ենթագիտակցական ռեակցիա է նման իրավիճակում, բնական պաշտպանական մեխանիզմ՝ ստող մարդկանց համար։
Դուք այլեւս իրար հետ ժամանակ չեք անցկացնում
Հիշեք՝ ինչպես է սկսվել ամեն ինչ՝ ռոմանտիկ ընթրիք, անկողնում մատուցված սուրճ, զգացմունքների քնքուշ դրսեւորումներ, երբ մենակ էիք մնում։ Բայց հիմա այդ ամենը ասես հօդս է ցնդել։ Բնական է, որ ժամանակի ընթացքում մարդկանց զգացմունքները մի քիչ մարում են։ Բայց եթե ռոմանտիկա առհասարակ չկա՝ դա արդեն նորմալ չէ։ Եթե ձեզ ոչ մի կերպ չի հաջողվում ռոմանտիկ երեկո կազմակերպել՝ ուրեմն ձեր զուգընկերը չի ուզում Ձեզ հետ ժամանակ անցկացնել։ Պատճառները կարող են տարբեր լինել։ Հնարավոր է, նրա զգացմունքները սպառվել են։ Կամ էլ նրա համար դժվար է հավասարակշռել իր զգացմունքները Ձեր ու նորահայտ կնոջ միջեւ։
Դուք նկատում եք, որ նա սկսել է թաքցնել հեռախոսը ու արգելափակել համակարգիչը
Նախկինում նա կարող էր Ձեզ տալ իր հեռախոսը կամ մոռանալ այն որեւէ սենյակում։ Բայց հիմա ամեն ինչ փոխվել է՝ նա խանդոտ է վերաբերվում իր անձնական իրերին, ձեռքից վայր չի դնում։ Եթե խնդրեք, որ նա որոշ ժամանակով Ձեզ տա հեռախոսը՝ նա կձգձգի, որպեսզի հասցնի այնտեղից ջնջել բոլոր գաղտնի տվյալները։ Ինչը բաց էր նախկինում՝ հիմա արդեն փակ է։ Այդ գաղտնապահությունը ոչ մի լավ բան չի խոստանում։ Հնարավոր է տղամարդը ձեզնից շատ կարեւոր տեղեկություն է թաքցնում, որը կարող է կործանել հարաբերությունները։ Ասել է թե՝ իր անհավատարմության ապացույցները։
Դուք զգում եք, որ ինչ-որ բան այն չէ
Ներքին ձայնը երբեք չի ստում։ Դա բնության շնորհ է, որը Ձեզ պաշպանում է բացասական հետեւանքներից ու խաբեությունից։ Եթե ինչ-որ պատճառով դուք սկսում եք անհանգստանալ ու զգալ, որ ինչ-որ բան այն չէ, ապա ուշադիր հետեւեք նրան։ Հնարավոր է՝ բնազդները ձեզ կհուշեն, թե որոնք են այդ տագնապահարույց ազդանշանների պատճառները։
Աղբյուրը՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է11:10, 1 մայիսի
Էլիզաբեթ Հերլին ցուցադրել է իր՝ «տարիքին մարտահրավեր նետող» կազմվածքը10:13, 1 մայիսի
Քիմ Քարդաշյանը ներկայացել է նոր արտասովոր կերպարով09:00, 1 մայիսի
ՄԱՅԻՍԻ 1-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:10, 30 ապրիլի
Style beauty: Glass skin – մաշկի խնամքի հանրաճանաչ միտում, որով տարված է կանանց մեծամասնությունը22:22, 30 ապրիլի
Ալ Կապոնեի ատրճանակն աճուրդի է հանվել 500 000 դոլար մեկնարկային գնով21:10, 30 ապրիլի
Ներկայացվել է դիսնեյան «Մուֆասա Առյուծ արքա» մուլտֆիլմի պրիկվելի թրեյլերը20:31, 30 ապրիլի
Victoria Beckham x Mango. շքեղ, ազատ եւ գեղեցիկ19:17, 30 ապրիլի
Դուբայի 120 ամենահարուստ ընտանիքների եւ մասնավոր անձանց կարողությունը կազմում է 1 տրիլիոն դոլար