«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Ինչո՞ւ է հայերի մաշկը յուղոտ. պատասխանում է բժիշկ-կոսմետոլոգը

14:45, 8 նոյեմբերի

Տարածված կարծիք է, որ Հայաստանի բնակիչների մեծ մասը յուղոտ մաշկ ունի: NEWS.am Style-ը կոսմետոլոգ բժիշկ Զվարթինե Միրզոյանից հետաքրքրվեց՝ իսկապե՞ս իրականում այդպես է եւ ինչո՞վ է սա պայմանավորված:

Հստակ վիճակագրություն չկա, որ բոլոր հայերի մաշկը յուղոտ է: Սակայն եթե համեմատենք հյուսիսային բնակիչների հետ, ապա, իհարկե, մեր մաշկն առավել ենթակա է ճարպագեղձերի առատ արտադրությանը: Սա մի քանի գործոններով է պայմանավորված: Յուղոտ մաշկ ավելի հաճախ ունենում են հարավային ժողովուրդները, քանի որ մշտական շոգը եւ բարկ արեւը նպաստում են քրտնարտադրությանը, եւ ավելի շատ մաշկային ճարպ է արտադրվում:

Յուղոտ մաշկի հիմնական պատաճառներից է նաեւ ժառանգականությունը, հորմոնալ անհավասարակշռությունը, աղեստամոքսային համակարգի հիվանդությունները: Այս խնդրի պատճառ կարելի է համարել նաեւ մաշկի սխալ խնամքը, յուղոտ սնունդ օգտագործելը, որը հատուկ է հայկական խոհանոցին:

Ի՞նչ կարեւոր բան պետք է իմանան մաշկի այսպիսի տեսակ ունեցողները: Ոչ մի դեպքում չի կարելի ինքնաբուժությամբ զբաղվել, քանի որ, հնարավոր է, մաշկի վիճակն ավելի վատթարացնել: Յուղոտ մաշկն անչափ «քմահաճ» է, մասնագիտական եւ տնային մշտական խնամք է պահանջում, որը մասնագետը կնշանակի:

Բուժումը սկսելու համար բժիշկ-կոսմետոլոգը նախ պետք է պարզի այս խնդրի առաջացման պատճառները: Կարեւոր է սննդակարգի վերանայումը, քնի կարգավորումը, ավելի մեծ քանակությամբ ջուր խմելը եւ, իհարկե, այն ճիշտ խնամելը: Այս գործընթացում ամենակարեւորը համալիր գործելն է:

Յուղոտ մաշկի համար ցուցված են պիլինգի տարբեր տեսակներ, որոնք անցքերը նեղացնում են, կարգավորում են ճարպագեղձերի արտադրությունը, վերացնում են բշտիկացանը: Անհրաժեշտ է փոխել խնամքի միջոցները: Հրաժարվեք սպիրտ պարունակող տոնիկներից, գելերից ու մուսերից, կրեմներից: Նման միջոցները վնասում են էպիդերմիսը եւ մաշկը չորացնում՝ հրահրելով ճարպի լրացուցիչ արտադրություն: Լվացվեք հոսող ջրով՝ մուս օգտագործելով, այնուհետեւ անհրաժեշտության դեպքում մաշկը տոնուսավորեք եւ խոնավացրեք: Որոշ ժամանակ անց դուք կնկատեք, թե մաշկն ինչպես է փայլում եւ անհամեմատ ավելի առողջ տեսք ստանում: Ի դեպ, յուղոտ մաշկը միայն ամբողջովին բացասական չէ, այն շատ դրական կողմեր ունի: Իսկ դրանցից մեկն էլ այն է, որ նման մաշկի վրա ծերացման նշաններն ուշ են հայտնվում:

 

Մարգարիտա Ավագյան


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search