Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Exclusive. Թամար Կապրելյանը՝ «Դեպի Եվրատեսիլ»-ին մասնակցելու եւ Sebu-ի հետ համագործակցության մասին

13:05, 15 նոյեմբերի

2015 թ-ին Genealogy խմբի կազմում Հայաստանը «Եվրատեսիլ»-ում ներկայացրած Թամար Կապրելյանը կրկին կփորձի իր ուժերը մրցույթում ներկայանալու համար: Երգչուհին մասնակցելու է  «Դեպի Եվրատեսիլ» նախագծին, եւ նույնիսկ արդեն ունի այն երգը, որով էլ ցանկանում է հաղթանակի դեպքում Հայաստանը ներկայացնել «Եվրատեսիլ 2018»-ին: Թամարը NEWS.am STYLE-ի հետ զրույցում խոսել է Սեբու Սիմոնյանի, Դեր Հովայի եւ «Նվակ»-ի երգահանների ջանքերով ստեղծված երգի եւ իր ակնկալիքների մասին:

«Ամեն ինչ շատ պատահական ստացվեց: Սեպտեմբերին եկա Հայաստան՝ Իսրայելում 10 տպավորիչ օրեր անցկացնելուց հետո: Capital Cities-ից հայտնի Սեբու Սիմոնյանը մեր «Նվակ»-ի ուսանողներին երաժշտական օրինակ էր ուղարկել, որի վրա նրանք պետք է երգ գրեին: Մեր երգահաններից մեկը՝ Օվսաննան, հրաշալի մեղեդի ստեղծեց դրա հիման վրա, որից հետո Դեր Հովան նոր մշակման այն ենթարկեց, եւ այդպես ամեն ինչ սկսվեց: Մի քանի օր անց մենք հասկացանք, որ մի յուրահատուկ գործ ունենք մեզ մոտ»,-ասում է Թամարը՝ բացահայտելով նաեւ երգի թեման.

«Այն հանկարծակի հայտնված սիրո մասին է. դա այնպիսի սեր է, երբ չգիտես էլ՝ լա՞վ է քեզ համար, թե՞ վատ: Մեր թիմն ուղղակի հրաշալի է: Երգի ստեղծման ողջ գործընթացում ներառված են՝ Սեբու Սիմոնյանը, Դեր Հովան, «Նվակ»-ի երգահանները եւ ես: Իսկ մեր գեղարվեստական ղեկավարը տաղանդավոր Արթուր Գուրունլյանն է»:

Թամարն արդեն եղել է եվրատեսիլյան բեմում: Երգչուհուց հետաքրքրվեցինք՝ արդյոք այդ փորձը կօգնի՞ նրան հաջողության հասնել «Դեպի Եվրատեսիլ» նախագծում.

«Ես մոտ 15 տարի երաժշտության մեջ եմ, կարծում եմ՝ իմ փորձն ինձ բերել է այս կետին, եւ դա ինձ կօգնի մրցույթի ընթացքում: Պատրաստ եմ ցույց տալու, թե ով է Թամար Կապրելյանը: Կարծում եմ՝ մարդիկ կհիանան մեր աշխատանքով: Երգը ժամանակակից մոտիվներով է, բայց իր մեջ պարունակում է էթնիկ հայկական էլեմենտներ: Մենք օգտագործել ենք հայկական ազգային գործիքներ»,-ասում է երգչուհին, որի նպատակն է «Եվրատեսիլ»-ում ցույց տալ հայաստանյան տաղանդներին.

«Առաջին հերթին ուզում եմ ցույց տալ թիմային աշխատանքի ուժը, եւ այն, որ հրաշալի թիմ ստեղծելը հաջողության մեծ գրավական է: Նաեւ ուզում եմ ցուցադրել հայկական տաղանդը, օրինակ՝ «Նվակ»-ի մեր ամենաերիտասարդ երգահանը 14 տարեկան է, նրա անունը Սանահին է: Կցանկանայի, որ նա էլ ինձ հետ գար «Եվրատեսիլ»՝ օգտագործելով այդ հարթակը իր կարիերայի զարգացման համար»,-եզրափակեց Թամարը:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search