• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

«Կինոյի մասին» խորագրի շրջանակներում անդրադարձել ենք դերասանուհի եւ հաղորդավարուհի Ռուզաննա Հարությունյանին: Նա ոչ միայն պատասխանել է մեր հարցերին, այլեւ NEWS.am STYLE-ին առաջինն է տրամադրել իր նոր ֆոտոշաքը, որն իրականացրել է լուսանկարիչ Սարգիս Մկոյանի հետ:

«Բացի ֆանտաստիկայից, բոլոր ժանրերն էլ սիրում եմ (եթե, իհարկե, ֆիլմն ասելիք է ունենում)։ Կոմեդիաներ հազվադեպ եմ նայում, միշտ մտածում եմ` ժամանակի անիմաստ կորուստ եմ ունենում, որովհետեւ դրանք սովորաբար «մեկանգամյա օգտագործման» ֆիլմեր են լինում։ Հիմնականում պատմական եւ իրական փաստերի հիման վրա ստեղծած ֆիլմեր եմ նախընտրում։ Բայց պիտի նաեւ նշեմ՝ ֆիլմեր հաճախ չեմ դիտում, գերադասում եմ կարդալ... Գիրքը թույլ է տալիս ստեղծել մտացածին աշխարհ, անգամ ինքդ ես ընտրում, ենթադրենք, տան դեկորացիան կամ հերոսի հագուստի գունային համադրությունը, ինչը ֆիլմի պարագայում չես կարող անել, քեզ մնում է ընդամենը կուլ տալ այն, ինչ հրամցնում է ռեժիսորն՝ ըստ իր ճաշակի ու տրամադրության»,-ասում է դերասանուհին՝ խոստովանելով, որ կա այնպիսի կերպար, որին միշտ երազել է մարմնավորել.

«Իմ գիտակցական տարիքից ինձ հիշում եմ Ֆրանսիայի ազգային հերոսուհի Ժաննա դ'Արկի մասին երազելիս: 1999 թ-ին Լյուկ Բեսոնի նկարահանած պատմական դրաման եմ դիտել առաջին անգամ, որից հետո, բնականաբար, պիտի կարդայի գիրքը, որպեսզի իմ գլխում իմ ֆիլմը ստեղծեի... կարճ ասած՝ Ժաննա դ'Արկ:)»:

Շատ ռեժիսորներ կան, որոնց աշխատանքը դուր է գալիս դերասանուհուն, եւ որոնց հետ կցանկանար համագործակցել. մի քանիսին, սակայն, Ռուզաննան առանձնացրեց.

«Երբեք չեմ մտածել այդ հարցի շուրջ, բայց հետաքրքրեց. կարելի է մտածել, անգամ երազել ու երազանքն ուղարկել տիեզերք: Ասում են՝ իրականանում է... Սթիվեն Սփիլբերգ, Մել Գիբսոն... լավագույն ռեժիսորները շատ են, բայց հենց նոր հասկացա, որ հատկապես չեմ մերժի վերջիններիս առաջարկը :)»:

Ռուզաննային խնդրեցինք թվել նաեւ իր սիրելի դերասաններին.

«Եթե խոսքը գնում է հաճույքի մասին (շաբլոն կթվամ), բայց Անջելինա Ջոլի: Նրան ամեն ռակուրսից սիրում եմ»,-նշեց դերասանուհին՝ հավելելով.

«Իսկ եթե մի փոքր ավելի լուրջ՝ պաշտում եմ Միշել Պֆայֆերին, ում նայելու համար ցանկացած տափակ ֆիլմ կդիտեմ։ Խորհրդային տարիների ֆիլմերին չեմ ուզում անդրադառնալ, միայն կասեմ, որ Անդրեյ Միրոնովին անդադար կնայեմ, կլսեմ ու չեմ հոգնի»:

Իսկ ինչպիսի՞ կերպարից կհրրաժարվեր դերասանուհին.

«Ես ավելի հեշտ կպատասխանեմ՝ ինչպիսի կերպար չէի ցանկանա մարմնավորել. ես չեմ կարողանում «ղզիկ» մարդկաց տանել ու խղճալ, հետեւաբար՝ իրենց ներաշխարհը խորթ է ինձ համար... գուցե կարողանամ մարմնավորել, բայց առանց հաճույք ստանալու։

Որեւէ դեր չեմ բացառի, եթե ասելիք ունի, եթե բնավորություն ունի, եթե առանցքային է, եթե շահութաբեր է:)»,-պատասխանեց նա:

Իսկ վերջում ավանդական հարց՝ 5 ֆիլմ, որոնք խորհուրդ կտա դիտել մեր ընթերցողներին: Այս հարցում դերասանուհին բավականին շռայլ գտնվեց՝ ընդլայնելով իր ցուցակը.

««Շինդլերի ցուցակը»-կինոարտադրության ճանաչված շեդեւր, որն արժանացել է բազմաթիվ մրցանակների: Մել Գիբսոնի «Ապոկալիպտո» ֆիլմը, որն ինձ համար իսկապես շեդեւր է... Նման ֆիլմ միայն խենթ, խելառ (լավ իմաստով) մարդիկ կարող էին ստեղծել։ Մյուզիքլների հետ առանձնապես սեր չունեմ, բայց 3 մյուզիքլ կա, որոնք խորհուրդ կտայի դիտել՝ «Անձրևի տակ պարողները», «Պատը»՝ հիմնված Փինկ Ֆլոյդ խմբի The wall ալբոմի վրա, եւ «Լա-Լա Լենդ»: Այս ֆիլմերը կարող են դիտել ցանկացած մասնագիտության տեր մարդիկ, բայց անպայման ուզում եմ եւս մի քանիսը խորհուրդ տալ բոլոր նրանց համար, ովքեր ուզում են մուտք գործել կինոաշխարհ. Ալեխանդրո Խոդորովսկի «Ֆանդոն eu Լիզը» (1968), Օլիվեր Սթոուն «Դորզ» (1991), Լեոս Կարաքս «Պոլա X» (1999), Բեռնարդո Բերտոլուչի «Քսաներորդ դար», Ռայներ Վեռներ Ֆասբինդեր «Լիլի Մառլեն», «Երրորդ սերունդը»... եւ այլն, որովհետև անվերջ կարելի է նշել»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում