Ամանորը մոտենում է՝ իր հետ բերելով ամենաարդիական՝ «ինչպես դիմավորել տարեմուտը» հարցը, որը «տանջում է» շատ աղջիկների: Բացի տոնական զգեստից, դուք պետք է ունենաք նաեւ շքեղ դիմահարդարում: Ահա, թե ինչու NEWS.am STYLE-ը դիմել է մասնագետների օգնությանը: Մենք զրուցել ենք դիմահարդար Անուլ Գրայրովնայի հետ եւ փորձել հասկանալ, թե որոնք են սեզոնի թրենդներն, ինչպես նաեւ՝ ցույց տալ Ամանորի դիմահարդարման ոճային եւ շքեղ տարբերակ:
«Այս տարի բավականին արդիական են փայլերը (գլիտեր), եւ, կարծում եմ, հատկապես Ամանորը դիմավորելիս դրանք տեղին կլինեն: Մի փոքր փայլը չի խանգարի ոչ ոքի»,- ասում է նա:
Նման փայլեր դուք կարող եք գնել երեւանյան գրեթե ցանկացած խանութում: Եվ քանի որ դրանք զարդարում են շուրթերը, ապա այստեղ գումար ափսոսալ պետք չէ: Ինչպես արդեն հասկացաք, մեր ամանորյա դիմահարդարման մեջ շեշտը դրված է հատկապես շուրթերին:
Բայց, ամեն ինչ հերթով: Նախ, կազմենք դիմահարդարման պարագաների ցանկը, որոնք ձեզ պետք կգան նման դիմահարդարում ինքնուրույն անելու համար:
Առաջին հերթին, ձեզ պետք է դեմքը մաքրող լոսյոն, բամբակ, տոնային երանգաքսուք՝ ըստ ձեր մաշկի երանգի, մուգ շագանակագույն երանգաքսուք՝ կոնտուրինգի համար, ստվերաներկ, սյուրմա, արհեստական թարթիչներ, շուրթերի մատիտ, շրթներկ, գլիտեր եւ հայլայթեր:
Սկսենք նրանից, որ դեմքը պետք է մաքրել ձեր մաշկի տեսակին համախատասխան լոսյոնով, եւ հետո միայն սկսել դիմահարդարումը: Իսկ դիմահարդարումը պետք է սկսել աչքերից եւ հոնքերից: Ա. Գրայրովնան հոնքերը խորհուրդ է տալիս ընդգծել ոչ շատ մուգ ստվերաներկով: Այդպես դրանց տեսքն ավելի բնական է լինում:
Այս դիմահարդարման մեջ աչքերի համար նա օգտագործել է շագանակագույն երանգի ստվերաներկեր, ապա սյուրմայով սլաքներ նկարել, որից հետո արհեստական թարիթչներ ամրացրել:
Աչքերի դիմահարդարումն ավարտելուց հետո սկսում ենք քսել տոնային կրեմը: Ավարտելուց հետո պետք է անցնել կոնտուրինգին եւ լավ տարածել այն, որպեսզի երանգային անցումը կտրուկ չլինի:
Կոնտուրինգից հետո անցնում ենք շուրթերը ներկելուն: Դրանք նախ պետք է եզրագծել մատիտով: Այս դեպքում մենք ընտրել ենք հենց կարմիր մատիտ, որից հետո կարմիր շրթներկ քսել:
Ամենավերջում վրձնի օգնությամբ պետք է շուրթերին քսել փայլը, սակայն դա պետք է անել դրա համար նախատեսված պրոֆեսիոնալ սոսնձով, հատկապես եթե գնում եք մի վայր, որտեղ նաեւ պետք է ուտեք, այլապես՝ փայլերը պարզապես ուտելիքի հետ ձեր ստամոքս կգնան :)
Իսկ եզրափակում ենք դիմահարդարումը հայլայթերով, որը գերադասելի է տարածել այտոսկրերի, ճակատի, կզակի եւ մի փոքր էլ քթի հատվածում:
Շուշան Շատիկյան
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները