• Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

  Երբ ուզում եմ ջերմություն եւ ժպիտ, դիտում եմ բլոգեր Մայիս Վարդանյանի տեսանյութերը․․․

• «Հայերը պետք է հասկանան՝ մենք փոքր ազգ ենք. պետք է միասին լինենք: Երբ միասնական ենք, մեզ չեն կարող կոտրել». Սաթի Սպիվակովա

  Բեմից իջնելուն պես հայտնի հաղորդավարուհին սիրով հանդիպեց հանդիսատեսի հետ, լուսանկարվեց ու նաեւ պատասխանեց լրագրողներին հետաքրքրող հարցերին…

• Yerevan Cocktail Week՝ գարնան գլխավոր խնջույքը

  Yerevan Cocktail Week-ը լավ հարթակ է տաղանդավոր բարմենների համար, ասում է Yerevan Cocktail Week-ի հիմնադիր եւ կազմակերպիչ, աշխարհահռչակ բարմեն եւ միքսոլոգ Գեղամ Ղազարյանը…

• «Հասկացա, որ պատկանում եմ այս վայրին». հնդիկ գրող Արջուն Կրիշնա Լալը Հայաստանում իր արկածների մասին պատմող գիրք է գրել

  Հնդիկ գործարար, ժամանակակից գրող, Penguin Harper-Collins-ի հեղինակ Արջուն Կրիշնա Լալը Հայաստանում իր արկածների մասին պատմող գիրք է գրել՝ «Կյանք, Սեր, Գինի»…

• Առաջին անգամ Հայաստանում կներկայացվի լեգենդար Էնիո Մորիկոնեի հեղինակային ծրագիրը

  «Երևանյան հեռանկարներ» 25-րդ միջազգային երաժշտական փառատոնը շարունակում է ներկայացնել իրադարձային համերգների շարքը...

• Աֆիշա․ ո՞ւր գնալ այս շաբաթ

  NEWS.am STYLE-ն առաջարկում է․․․

• «Չիկոյի ջազի ժամը»․ Երեւանում տեղի կունենա համերգ՝ նվիրված Արմեն Թութունջյանի ծննդյան 80-ամյակին

  Ապրիլի 1-ին «Արամ Խաչատրյան» համերգասրահում կկայանա Հայաստանի պետական ջազ նվագախմբի համերգը...

• Հիփ հոփն ու հայկականը կմիաձուլվեն Փարաջանովի 100-ամյակին նվիրված «Նռան գույնը» պարային ներկայացման մեջ

  Ա․ Սպենդիարյանի անվան Օպերայի եւ Բալետի ազգային ակադեմիական թատրոնում միաձուլվելու եւ երկխոսելու են մշակույթները…

Խոզի բուդը, «Օլիվիե» աղցանը կամ խաղողի տերեւներով դոլման արդեն դասական ուտեստներ են դարձել հայերի ամանորյա սեղանին, ճիշտ է դրանք իրոք համեղ են, բայց շատերն ուզում են որեւէ նոր բան համտեսել։ Ի վերջո, ամեն օր չենք Ամանոր դիմավորում։ Դրա համար էլ NEWS.am STYLE-ի խմբագրությունը խոսել է Fish House ռեստորանի շեֆ խոհարար Լորենցո Ֆլիտի հետ, որը մեզ առաջարկել է ձկից ու ծովամթերքից ամանորյա ուտեստներ։ Հաշվի առնելով, որ Լորենցոն միջազգային մակարդակի խոհարար է` նա հենց մեր աչքի առաջ էր ստեղծագործում՝ մեր ափսեի մեջ միավորելով միջերկրածովյան ու հայկական խոհանոցները։  

Ծովախեցգետին` սիրաչա սոուսով

Այսօր ծովախեցգետինն արդեն դեֆիցիտ չէ, ու այն կարելի է հեշտությամբ գտնել խանութներում։ Եթե դուք ծովամթերքի սիրահար եք կամ էլ որոշել եք այս տարի Ձեր հյուրերին զարմացնել յուրօրինակ ամանորյա սեղանով, բայց չգիտեք, թե հատկապես ինչ պատրաստեք ծովախեցգետնից, ուրեմն այս բաղադրատոմսը հենց Ձեզ համար է․

Նախ պետք է դրանք մաքրել։ Ծովախեցգետնի ամբողջ մեջքի երկայնքով անցնում է աղիքային երակը, որը պետք է հեռացնել։ Դրա համար ոչ խորը կտրվածք եք անում գլխի մոտ ու դանակի սուր ծայրով բռնելով երակը, քաշում հանում եք այն։ Կարելի է կտրվածք անել ամբողջ երկայնքով։

Հետո ծովախեցգետինը պետք է թաթախել մանրացված բրնձնի փշուրների մեջ, տեղավորել թավայի վրա ու դնել ջեռոցը՝ 3-5 րոպեով։ Պատրաստի ծովախեցգետինները դնում ենք ափսեի մեջ ու մատուցում սիրաչա սոուսով, որի հիմքում մայոնեզ է, կամ էլ որեւէ այլ սոուսով՝ ըստ ձեր ճաշակի։

Ոմանք նախընտրում են ծովախեցգետինները ուտել հենց այս սոուսով։

Խորոված ձուկ՝ խաղողի տերեւներով

Այս տարի դոլմայի փոխարեն Ձեր սեղանին կարող է լինել ձուկ՝ խաղողի տերեւներով փաթաթված։ Մեր շեֆ խոհարարն այս կերակրատեսակի պատրաստման համար օգտագործում է միջերկրածովյան կապույտ ձուկ, որը կարելի է փոխարինել սովորական հայկական սիգով։

Նախ պետք է ձկան մեջ կտրվածքներ անել, հետո ձկան մեջ մանրացրած սխտոր լցնել ու սումախ։ Խաղողի տերեւների վրա քացախ քսել, ձկան վրա կիտրոնի կտորներ դնել ու փաթաթել ձուկը։ Այնուհետեւ այն 15-20 րոպեով դնել ջեռոցում։

Կերակրատեսակին գրավիչ տեսք հաղորդելու համար, խաղողի ծրարի վրա սերուցքային կարագ քսեք. ու պատրաստ է։

Կարելի է մատուցել բրնձի հետ։

Օմար (լոբստեր)

Ոչ ոք չի վիճարկի, որ այնուամենայնիվ օմարը Հայաստանի համար եզակի ու թանկարժեք ուտեստ է։ Բայց կարծում եմ, որ Ամանորը հենց այն տոնն է, երբ կարելի է նման շռայլություն թույլ տալ։

Այնպես որ պատրաստում ենք օմար։ Իրականում օմարի պատրաստման համար այնքան էլ շատ ժամանակ ու ջանքեր չեն պահանջվում։Նախ մաքրեք օմարը, հետո այն դրեք արդեն եռացող ջրով կաթսայի մեջ։ Օմարը խորհուրդ է տրվում գլուխը դեպի ներքեւ դնել կաթսայի մեջ։

Փակեք կափարիչը ու եփեք 15-20 րոպե։ Հենց օմարը եփվի՝ այն տեղափոխեք ափսեի մեջ ու զարդարեք լոլիկով, կիտրոնով, ծովախեցգետնով․․․ Ձեզ բարի ախորժակ ենք մաղթում։

 Մարգարիտա Ավագյան

 Լուսանկարները՝ Նարեկ Տեր- Պողոսյանի

Հետևեք NEWS.am STYLE-ին Facebook-ում, Twitter-ում և Instagram-ում