Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

«Ոչնչից չվախենալ եւ առաջ նայել». «Դեպի Եվրատեսիլի» մասնակից Մարիամն իր երգի գլխավոր հաղորդագրության մասին

15:35, 11 հունվարի

NEWS.am STYLE-ը շարունակում է բացահայտել «Դեպի Եվրատեսիլի» այս տարվա մասնակիցներին: Մեր այսօրվա զրուցակիցը 26-ամյա Մարիամ Պետրոսյանն է: Մարիամը բնակվում է Երեւանում, ավարտել է Երեւանի Կոմիտասի անվան պետական կոնսերվատորիան, որից հետո կրթությունը շարունակել է Լոնդոնում՝ կրկին ընտրելով երաժշտական ուղղվածությունը: Երգչուհին ինքն էլ երգերի հեղինակ է, համագործակցում է տարբեր բենդերի եւ երաժիշտների հետ, որոնց թվում են Miqayel Voskanyan & Friends բենդն ու The Beautified Project-ը:

«Դեպի Եվրատեսիլ» մրցույթի մասին Մարիամն իմացել է համացանցի միջոցով: Ծանոթանալով մրցույթի այս տարվա կանոններին՝ որոշել է անպայման մասնակցել.

«Մրցույթի անցկացման այս տարվա ձեւաչափն ինձ շատ դուր եկավ, քանի որ վերջապես հնարավորություն ընձեռվեց արտիստներին ներկայանալ իրենց սեփական երգերով: Ես էլ բացի երգչուհի լինելուց՝ նաեւ երգահան եմ: Շատ եմ սիրում ստեղծագործել ինքս ինձ համար»,-ասում է նա:

Մարիամի մրցութային երգն արդեն պատրաստ է, խոսքերն ու երաժշտությունն ինքն է գրել, իսկ գործիքավորումը կատարել է Նիկ Էգիբյանը:

«Երգի հիմնական մեսիջը մեզ բոլորիս տանջող, այս կամ այն բնույթի ներքին վախերից ձերբազատվելն է, գաղափարը հոգեկան ազատություն ձեռք բերելն է: Բնականաբար, այդ ամենը հնարավոր չէ անել առանց մեզ հարազատ ու սիրելի մարդկանց աջակցության: Այս երգի միջոցով ես դիմում եմ տվյալ անձին եւ խնդրում, որ նա ինձ մեկնի իր օգնության ձեռքը, որպեսզի միասին կարողանանք հաղթահարել դժվարությունը: Երգը կոչվում է Fade («Մարել»): Այս դեպքում դա վերաբերում է հենց իմ ներքին վախերին, երբ դրանք վերջնականապես մարում են, եւ ես հայտնվում եմ իմ երազած լուսավորության մեջ: Այսպիսով՝ երգն ունի բավականին դրական հաղորդագրություն՝ չնայած որոշ մելամաղձոտ տարրերի: Այս երգով ես կոչ եմ անում բոլորին ոչնչից չվախենալ եւ առաջ նայել»:

Մարիամը չի բացառում, որ մասնակիցներից շատերի ճանաչված լինելը կարող է շատ մեծ դեր խաղալ հաջողության հասնելու համար.

«Բացի միջազգային ժյուրիից՝ քվեարկելու է նաեւ հեռուստադիտողը, եւ տվյալ մասնակիցներն արդեն ունեն շատ ու շատ երկրպագուներ, ովքեր անխոս նվիրված կմնան իրենց սիրելի արտիստներին: Բայց այդ ամենը թողնելով մի կողմ՝ բոլորին մաղթում եմ անթերի ելույթ: Բոլոր մասնակիցներն էլ իրենց տեսակի մեջ շատ տաղանդավոր են: Կարծում եմ՝ բոլորիս հետաքրքիր շոու է սպասվելու»,-ասում է երգչուհին:

Ինչ վերաբերում է մրցույթից իր ակնկալիքներն՝ Մարիամը նշում է. «Անկեղծ լինեմ՝ պարզապես ուզում եմ շատ լավ ելույթ ունենալ: Իհարկե, բոլորն էլ ցականում են հաղթել եւ ներկայացնել Հայաստանն ու իրենց արվեստն այդ հրաշալի բեմի վրա, ես էլ բացառություն չեմ, բայց հիմա ես ամեն ինչ անում եմ, որպեսզի գեղեցիկ ելույթ մտածեմ հեռուստադիտողի համար: Հուսով եմ՝ շատերին դուր կգա»:

Սյունե Առաքելյան

Լուսանկարները՝ Մարիամի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ