• Սիրողական հայկական կատակերգությունից մինչև «Օսկար»-ի ռեկորդային անվանակարգեր. Սև Օհանյանի ճանապարհորդությունը դեպի Հոլիվուդ

  Հուլիսի 18-ին, «Ոսկե ծիրան» 22-րդ միջազգային կինոփառատոնի շրջանակներում, տեղի ունեցավ հանդիպում հոլիվուդյան հայազգի պրոդյուսեր Սևակ (Սև) Օհանյանի հետ, ով Proximity Media-ի հիմնադիրներից մեկն է և «Ֆրութվեյլ կայարան», «Որոնում», «Վազիր», ֆիլմերի, ինչպես նաև Օսկարի ռեկորդային թվով անվանակարգեր ստացած «Մեղսավորներ»-ի պրոդյուսեր է․․․

• Հոլիվուդը վախի մեջ. Ինչու են Իլոն Մասկի, Սեմ Ալտմանի և Պիտեր Թիլի մասին ֆիլմերը հայտնվել չեղարկման եզրին

  Հոլիվուդում գրաքննության նոր ճգնաժամ է հասունանում, և այս անգամ այն ​​կապված չէ արտաքին շուկաների, այլ Սիլիկոնյան հովտի հետ․․․

• Կարա Դելևինը խոստովանել է, որ մտերմացել է Էմբեր Հերդի հետ, երբ վերջինը բաժանվել է Ջոնի Դեփից

  Բրիտանացի մոդել և դերասանուհի Կարա Դելևինը առաջին անգամ անկեղծորեն խոսել է Ջոնի Դեփի և Էմբեր Հերդի աղմկահարույց ամուսնալուծության ժամանակ դերասանուհու հետ կապված երկարատև լուրերի մասին․․․

• Ջոնի Դեփը երկար դադարից հետո առաջին անգամ հայտնվել է կարմիր գորգին և կազմակերպել ռոքնռոլ ​​երեկույթ

  Ջոնի Դեփը հազվադեպ է հայտնվում կարմիր գորգին, հատկապես Լոս Անջելեսում, բայց այս անգամ նա բացառություն է արել, և դս արել է ոճային ձևով…

• Հայերը՝ «Օսկար 2026»-ում․ Սև Օհանյան, Նատալի Մուստիատա, Մադլեն Շարաֆյան․ ռեկորդային անվանակարգեր և 4 «Օսկար»

  Լոս Անջելեսում կայացավ ևս մեկ «Օսկար» մրցանակաբաշխություն, այս տարի՝ 98-րդ անգամ...

• Հոլիվուդյան սարսափներ. Ռեժիսոր Ռոբ Ռեյների և նրա կնոջ սպանության գործով նոր ողբերգական մանրամասներ

  «Page Six»-ը հաղորդում է, որ ռեժիսոր Ռոբ Ռեյների և նրա կնոջ՝ Միշել Ռեյների սպանության վերաբերյալ նոր ողբերգական մանրամասներ են ի հայտ եկել այն բանից հետո, երբ Լոս Անջելեսի շրջանի առողջապահության դեպարտամենտը հրապարակել է նրանց մահվան վկայականները…

• Բրեդլի Քուփերը Ջիջի Հադիդի հետ ամուսնության առաջին քայլն է անում

  Բրեդլի Քուփերի և Ջիջի Հադիդի հարաբերությունները, կարծես, նոր մակարդակի են հասնում․․․

• Պայքար Warner Bros.-ի համար. Netflix-ն ընդդեմ Հին Հոլիվուդի և կինոթատրոնների ճակատագիրը

  Warner Bros.-ի ձեռքբերումը դարձել է իսկական հոլիվուդյան էպոս՝ ներառելով հսկայական ֆինանսական շահարկումներ, կորպորատիվ ինտրիգներ և աստղերի պես մեծ ճանաչում ունեցող գործիչներ…

Ռեժիսոր Գիլյերմո դել Տորոյին մեղադրել են գրագողության մեջ իր նոր՝ «Ջրի ձևը» ֆիլմի համար: Ամերիկացի դրամատուրգ, Պուլիցերյան մրցանակի դափնեկիր Պոլ Զինդելի որդին հայտնել է, որ ֆիլմի սցենարն ակնհայտորեն գրված է իր հոր՝ «Թույլ տուր լսել քո շշուկը» (Let Me Hear You Whisper) պիեսի հիման վրա:

«Մենք ցնցված ենք այն բանից, որ խոշոր կինոստուդիան կարող է ֆիլմ նկարել, որն ակնհայտորեն նման է մեր հանգուցյալ հոր ստեղծագործությանը, եւ ոչ ոք դա չի նկատի ու չի դիմի մեզ՝ սցենարի իրավունքները գնելու նպատակով», - բրիտանական The Guardian պարբերականին ասել է կրտսեր Զինդելը:

Նշենք, որ մեքսիկացի ռեժիսորի ֆիլմը բավականին դրական արձագանքի է արժանացել կինոքննադատների կողմից (Rotten Tomatoes-ում ֆիլմի վերաբերյալ կարծիքների 92 տոկոսը դրական են), այն «Ոսկե գլոբուս» մրցանակաբաշխությանն առաջադրվել էր յոթ անվանակարգերում, սակայն միան երկուսում մրցանակի արժանացավ՝ լավագույն ռեժիսորական աշխատանքի և երաժշտության համար: Բացի դա, կինոպրոդյուսերների գիլդիան «Ջրի ձևը» տարվա լավագույն ֆիլմ է ճանաչել: Այն նաև ներկայացվել է բրիտանական BAFTA կինոմրցանակաբաշխությանը՝ մի քանի անվանակարգերում և, իհարկե, «Օսկար» մրցանակաբաշխությանը՝ 13 անվանակարգերում, այդ թվում՝ «լավագույն ռեժիսոր», «լավագույն դերասանուհի» և «լավագույն յուրօրինակ սցենար» անվանակարգերում: Ընդ որում՝ «Ջրի ձևը»  համարվում է Ամերիկյան կինոակադեմիայի գլխավոր՝ «լավագույն ֆիլմ» անվանակարգի հավակնորդը՝ Մարտին Մակդոնահի ֆիլմի հետ միասին:

«Ջրի ձևը» ֆիլմն այն մասին է, թե ինչպես Սառը պատերազմի տարիներին համր մի աղջիկ որպես հավաքարար աշխատանքի է ընդունվում գաղտնի լաբորատորիաներից մեկում, որտեղ գիտությանն անհայտ երկկենցաղ արարածի են ուսումնասիրում: Իմանալով, որ հանուն գիտության պատրաստվում են սպանել այդ արարածին, աղջիկն  օգնում է նրան փախչել: Ի դեպ, ֆիլմի սցենարը գրել է անձամբ դել Տորոն, ինչպես նաև Վանեսա Թեյլորը:

Փոլ Զինդելի պիեսը գրվել է 1969 թվականին և նույն տարի դրա հրման վրա համանուն հեռուստաֆիլմ է նկարահանվել, որի ռեժիսորն է Գլեն Ջորդանը: Ֆիլմի սցենարը նոյնպես գրել է դրամատուրգը: Այդ երկու ֆիլմերի սցենարներն իսկապես որոշակի նմանություն ունեն: Երկուսում էլ գլխավոր հերոսները աշխատանքի են անցնում ռազմական լաբորատորիայում, մտերմանում ուսումնասիրվող արարածների հետ և փրկում նրանց: Միայն թե Զինդելի պիեսում գիտնականների զոհը դելֆինն է, իսկ դել Տորոյի ֆիլմում՝ երկկենցաղ անհայտ ծագման արարածը:

Դրամատուրգի ժառանգների մեղադրական հայտարարությունից հետո կինոընկերությունը ստիպված էր արդարացնող պատասխան հայտարարություն անել. «Գիլյերմո դել Տորոն երբեք չի տեսել Զինդելի պիեսը և ոչ էլ դրա հիման վրա նկարահանված ֆիլմը... Եվ եթե դրամատուրգի ընտանիքը այդ կապակցությամբ հարցեր ունի, մենք պատրաստ ենք բանակցությունների նստել նրանց հետ»,- կինոընկերութան հայտարարությունը մեջբերում է The Hollywood Reporter-ը:

«Ջրի ձևը» ֆիլմի և Զինդելի պիեսի միջև նմանությունն առաջինը նկատել են Hollywood Nerd կայքի օգտատերերը: Դևիդ Զինդելը իր հայտարարության մեջ շնորհակալություն է հայտնել հոր երկրպագուներին այն բանի համար, որ իր ուշադրությունը սևեռել են երկու ստեղծագործությունների ակնհայտ նմանության վրա:

Դել Տորոյին արդեն մեկ անգամ մեղադրել են գրագողության մեջ մեկ այլ ֆիլմի առնչությամբ: Նրան մեղադրում էին «The Space Between Us» կարճամետրաժ ֆիլմի սցենարն կրկնօրինակելու մեջ, սակայն Նիդերլանդների կինոակադեմիան այդ երկու ստեղծագործությունների նմանությունը հերքող հայտարարություն էր արել՝ ասելով, որ դրանք միմյանցից տաբերվող ֆիլմեր են:

Հետևեք NEWS.am STYLE-ին Facebook-ում, Twitter-ում և Instagram-ում