• Փնտրում եմ երազանքիս ամուսնուն. մենք շուտով ամուսնանում ենք

  Նա ամուսնության առաջարկություն արեց…

• Փնտրում եմ երազանքիս ամուսնուն. առաջին սեքս եւ բաժանում

  Շատ դժվար է, երբ քո ապրումներն ի ցույց են դրվում ամբողջ աշխարհին…

• Փնտրում եմ երազանքիս ամուսնուն. այլեւս չեմ դիմանում

  Տղամարդուն գրավելու համար միայն արտաքին գեղեցկությունն ամենեւին էլ բավարար չէ…

• Փնտրում եմ երազանքիս ամուսնուն. մինչեւ ականջներս սիրահարվել եմ

  Հուշեք, ի՞նչ անեմ: Նա հաճոյախոսություններ է անում, մենք գնում ենք միասին զբոսնելու: Մի՞թե ոչինչ չի նկատում…

• Փնտրում եմ երազանքիս ամուսնուն. «Նա հայտնվեց…»

  Ընկերուհուս եղբայրն է, ում հետ չէինք հանդիպել 15 տարի…

• Փնտրում եմ երազանքիս ամուսնուն. նորից անհաջողություն

  Հազիվ հասցրել էի ուրախանալ, որ գտել եմ տղամարդուն, ում տեսնելիս ինչ-որ բան ներսումս շարժվում է, երբ հանկարծ…

• Փնտրում եմ երազանքիս ամուսնուն. «Իմ արքայազնը հայտնվեց»

  Շտապեմ պատմել ուրախությանս մասին. գտել եմ իմ երազանքի տղամարդուն: Ճիշտ է, այդ մասին նա առայժմ չգիտի…

• Փնտրում եմ երազանքիս ամուսնուն. «Օ՛յ, այս խնամախոսները…»

  Հայտնվեց մորաքույրս՝ մեծ քթով, բարձրահասակ տղայի լուսանկարով…

Մի անգամ, շատ վաղուց, աչքիս մի արտահայտություն ընկավ, որ լավ սիրուհի դառնալու համար հարկավոր է սովորել մարմնավաճառներից: Նման եզրակացության են հանգել ամերիկյան գիտնականները: Իսկապես, մարմնավաճառները պրոֆեսիոնալ սրտակերներ են, եւ մենք, պարզ կանայք, նրանցից սովորելու բան ունենք: Եվ երբ գտնեմ իմ տղամարդուն, ցանկանում եմ նրա համար անկողնում անփոխարինելի լինել:

Չեմ ուզում հաշվի մեջ ներառել փողոցային էժանագին «աղջիկներին», այդ պատճառով որոշեցի ուշադրություն դարձնել միայն վարքագծի եւ կենսակերպի այն առանձնահատկություններին, որոնք իրենց զինանոցում ունեն մշտական քմահաճ հաճախորդներն ունեցող թանկարժեք մարմնավաճառները: Հենց նրանցից էլ ցանկանում եմ սովորել:

Ժամանակն է ամբողջ զգեստապահարանը փոխարինել նորով: Նորաձեւ նոր զգեստ հագնելիս մենք մասամբ ցանկանում ենք հարուցել թույլ սեռի մյուս ներկայացուցիչների նախանձը: Նույնիսկ եթե նորաձեւ կիսաշրջազգեստը չի ընդգծում մեր բարեմասնությունները, այլ հակառակը, թաքցնում է դրանք, մենք, միեւնույն է, հագնում ենք այն եւ գլուխ գովում ընկերուհիների առջեւ: Վերջ: Իմ նպատակը տղամարդն է: Իսկ դա նշանակում է, որ պետք է մեր սեքսուալությունն ընդգծող հագուստ ընտրել: Կազմվածքս թույլ է տալիս, այնպես որ մարմինը գրկող զգեստներ են անհրաժեշտ: Թող տղամարդիկ տեսնեն ջինսի մեջ պարփակված գեղեցիկ, քաղցր հետույքս, թող դիտեն խորը կտրվածքով շապիկներս:

Կընտրեմ նրբագեղ եւ սեքսուալ կոշիկ: Չէ՞ որ բազմաթիվ տղամարդկանց երեւակայությունում աղջիկը մնում է միայն բարձրակրունկ կոշիկներով, ուրիշ ոչինչ: Զուգագուլպաները, իհարկե, անբարոյական կերպարի հրաշալի լրացումը կդառնան:

Համացանցում սեքսի մասին հսկայական քանակությամբ գրականություն գտա: Տեխնիկան եմ ուսումնասիրելու: Տղամարդկանց դուր է գալիս բազմազանությունը, դուր է գալիս, երբ իրենց զարմացնում են: Հաճույք ստանալը միշտ լավ է, բայց զուգընկերոջ մասին մտածել նույնպես պետք է: «Անկողնում երբեք գարշելի խոսքեր չե՞ս ասել: Իսկ դու փորձիր, քո տղամարդու ականջին անառակ խոսքեր շշնջա, նրան անպայման դուր կգա»: Դե, դե... Հայելու առջեւ փորձեր կանեմ:

«Երեւակայիր, որ պոռնո-ֆիլմում եք նկարահանվում եւ տնքա այնքան բարձր, որքան կարող ես: Դա տղամարդուն գրգռում է»:

Ահա՛, միայն այդ էր պակաս...

«Վերացրու սեփական արտաքինի մասին բարդույթներդ: Կրքոտ սեքսի ժամանակ քո տղամարդը չի ուսումնասիրելու ցելյուլիտը, փոքրիկ կուրծքը կամ փորի վրա փոքրիկ ծալքը: Ամբողջությամբ տրվիր սեքսին, եւ դու ու քո տղամարդը հսկայական հաճույք կստանաք»: Ահա այս հատվածն ինձ դուր է գալիս:

Այս հատվածում, թերեւս, ամենից սուր հարցը օրալ սեքսն է: «Կարեւոր է քո տղամարդուն շոյելն ու այդ ցանկանալը: Միայն այդ դեպքում օրալ սեքսի քո կատարումը բարձունքի վրա կլինի: Համացանցում տարատեսակ ձեռնարկներ կարդալով, ընկերուհիների հետ շփվելով, պոռնո-ֆիլմեր դիտելով եւ սեփական տղամարդու հետ «մարզվելով» կարելի է սովորել նրան հաճույք պատճառել»: Միայն թե հայ տղամարդիկ օրալ սեքսից հետո ինձ, ամենայն հավանականությամբ, մարմնավաճառի տեղ կդնեն:

Ո՛չ, ես, իհարկե, կույս չեմ: Բայց ոչ էլ անառակ եմ եւ կրքոտ:

«Իրականություն դարձրու նրա սեքսուալ երեւակայությունները: Նրա համար անառակ ուսուցչուհի կամ ջերմությունը ստուգելու համար հիվանդասենյակ մտած բուժքույր դարձիր: Իսկ ո՞ւմ, եթե ոչ ձե՛զ հետ նա պետք է իրականացնի իր ֆանտազիաները»:

Ճիշտ է: Միայն հարկավոր է նախ գտնել նրան:

Մեկ տարի անց: Ինձ առավելագույնը մեկ տարի է անհրաժեշտ...

Լիլիթ

Հետևեք NEWS.am STYLE-ին Facebook-ում, Twitter-ում և Instagram-ում